LinkBack URL
About LinkBacks
حبيت ارفق لكم صورة الكابتشينو اللي سويته وصورته لكم
صورة أقرب
وللعلم اني ما استخدم خلطة كابتشينو جاهزة ولا ألة لصنع الكابتشينو
استخدم نسكافيه عادي وحليب سائل او بودره مع ماء وسكر ونقطة فانيليا
لكن عندي آلة يدوية مضرب يدوي شاريته من (المعارض الصينية بابوظبي من سنة)
والصراحه ما توقعت انه فعلا خطير كذا وشريته بس بـ 10 دراهم لكن النتيجة رغوه رهيبه
مثل كابتشينو الالات والطعم جنان وكل من ذاق الكابتشينو اللي اسويه يقولون كابتشينو مره حلو
احلى من اللي بره
والطريقة اذا عندكم نفس المضرب الصيني اليدوي هي التالي:
تجيبوا كوب كبير وتحطوا فيه (ملعقة صغيرة مليانه نسكافيه + ملعقتين صغار سكر + 3 (او 3 ونص) ملاعق كبيرة ماء فاتر) ثم نستخدم المضرب الصيني وهو يخليهم مثل الكريمة ويفتح لونهم .
وبهذا الوقت اكون سخنت حليب وقبل ما يغلي بشويه احط نقطة فانيليا سائلة واطفيه. ومن عالي اصبه على خلطة الكابتشينو واحرك بهدوء وتطلع الرغوه فوق لحالها وتصير طبقة غليظة وبعدين بطرف السكينه ارش شوية كاكاو غامق وبحركة عشوائيه احركه بهدوء يطلع هالشكل.
اللي ما عنده المضرب هذا ممكن يسويه بملعقة صغيرة نفس المقادير ونفس الطريقة لكن بدل ثلاث ملاعق ماء كبيرة يحطوا ملعقة ونص او ملعقتين ماء كبيرة مو ثلاث ويجيبوا الملعقة الصغيرة وبسرعه جدا وبحركة دائرية تضربون الخلطة بالكوب حتى تصير ناعمه مثل الكريمه ويفتح لونها على اشقر. وتتبعوا نفس الباقي وقبل ما يكون عندي المضرب الصيني كنت اسوي هالطريقة بالملعقة
بس اهم شي تحريكها بقوة وزين عشان تصير مثل الكريمة.
وهذا شكل المضرب اليدوي الصيني اللي للكباتشينو وهو اصلا ينضغط من فوق عشان يتحرك المضرب من تحت يعني مو مضرب عادي لا يتحرك بس بطريقة الضغط والكبس عليه من فوق فتتحرك اتوماتيك شفرات المضرب.
اتمنى انه اعجبكم بس لو تذوقوه وتشموا الريحه يا سلام يصفق بالراس ويعدله
مليكة القلم
رد مع الاستدلال
على طريقة مليكة القلم..
السلام عليكم ورحمة الله وبركاته 
الروابط المفضلة