][×][فلافل على طريقتي مصورة من مطبخي][×][

**سنووايت** · 06-12-2005, 05:13 PM

السلام عليكم ورحمة الله وبركاته
بسم الله الرحمن الرحيم
كيفكم يا بنات انشاء الله الجميع يكون بخير
انا قليل كتير ادخل هل الركن ليهيك قلت اليوم راح جبلكم فلافل طيبة طيبة يا بنات
بصراحة سويتها من يومين وطلعوا معي بجننوا راح اكتبلكم الوصفة بس قبل شوفوا الصورة

وهاي طبق كمان البندورة مع الخس والبقدونس والبصل والليمون منشان سيهكم اكتر

يلا بنات الكل معزوم كل وحدة فيكم تروح على ركن المعجنات وتجيب خبزو وتجي (دعاية لركيني)

هلق نجي للمقادير :
حمص منقع (انا نقعت نص كيلو لازم تكون مدة النقع من 18 الى 20 ساعة )
انا نقعتو من الساعة 7 المسا للساعة 1 بعد الظهر
بصلة كبيرة
6 اسنان من التوم
رشة كبيرة كلا من البهارات السبعة القرفة واذا حبيتي كمون
وملقعة كبيرة من الكزبرة الخضرا
طريقة التحضير
اول شي بتحطني الحمص انا بطحنوا مرتين على الخشنة
مع البصل والتوم طبعا وبعدين بتحطي عليه جميع البهارات والملح كمان
وقت القلي بتحمي النار كتير كتير كتير منيح بس تحمى بتجبي بيركبونات الصودا وبتحطي ملعقة وبتصيري تشكلي وتقلي لانو بيكربونات الصودا اذا طولت على الخلطة ما بعى يرفخوا وبتصير طعمتوا مرمر ما بدوهم شي فورا بحمروا بطلعيهم وبتحطيهم على محارم ليتشرب الزيت
وبعدين بتجيبي خبز عربي وبتحطي فيها فلافل وتبقى تحطي يلي انت بتحبه
انا ما كان متوفر عندي
بس كمان الفلافل طيبة مع مكبوس فليفلة وخيار ومقتى ولفت
وهاي صورة تانية

انشاء الله تكون عجبتكم يا بنات وتجربوها
وصحتين هنا على قلبكم

**مصراته** · 06-12-2005, 06:09 PM

مشاءالله سنووايت جوعتينى على الصبح..تسلم ايدك

**Em zaid** · 06-12-2005, 06:10 PM

يا سلااااااام منظرها بشهي
تسلم اديك وشكلهم منفوخين
شهينينا بسندويش فلافل

**سنووايت** · 06-12-2005, 06:11 PM

اهلين اختي مصراته
الله يسلمك يارب ويخليك
تسلمي على مرورك الكريم

**.. Rahf ..** · 06-12-2005, 06:53 PM

يمي يمي رووووووووووعه
تسلمين سنووايت على الطبق الروعه

..

**هنلي** · 06-12-2005, 07:06 PM

شو اعمل فيكي اخنقك والا شو اعمل انا نقطه ضعفي الفلافل شكلي بتوحم فتحتي نفسي ههههههههههههه
هذا وانا اتوحم بطلب كل اشي بس الفلافل بوكله 24 ساعه على راي امي ما جيتي تتوحمي الا عليه
بس المحشي يا حلوه يم يم اطيب واطيب
رايحه اتصل في زوجي اخليه يجيب فلافل على العشا

**نور لك** · 06-12-2005, 08:04 PM

الله يسعدك يا سنو وايت شكلهم بشهي روعه .. جوعتيني على هالصبح..

سنو ما بتحطي معهم فول مجروش وبقدونس و شبث؟؟ انا بحطهم وبطلعو كمان يمممممممممم. ببقى بورجيكم شي مره بس اعملي شوي .

يعطيكي الصحه والعافيه بدي اقوم الفلي شي سندوشه اكل . جعت

**تطوان** · 06-12-2005, 08:28 PM

الله يعطيكي ماتتمنيه يارب ......

بالفعل حلوين وطالعين يجننو .....

احنا بالمغرب ليس عندناهذه الاكلة ولما كنت بالمغرب كانت عندي صديقة مقيمة بالسعودية الله يذكرها بالخير ...وتعلمت هناك تعملهم ......وعلمتني انا كمان ....

لما طبختهم في البيت وسالت زوجي ايه ده .....بيقولي انا اعرفك ضروري تجربي اي حاجة .....اظن انها كفتة وزايدة عليها لوز هههههههههه

ولما قلت له انها حمص وفول ماصدق ........