©ˆ~¤®§©]§]..... كلام نواعــم .....لدردشه سيدات المطابخ §]§[©§®¤~ˆ©

**وعود الخير** · 26-04-2005, 09:31 AM

ام بلال
انا درست في مدرسة ام عمارة بس في الاحمدي في الكويت مش ابو ظبي
بتنفع والا لازم ام عمار... بدون التاء.

على فكرة مسابقتك الجديدة بدي سجل فيها خصوصا وان كاتي عندها تعليق دراسة علشان شبابا تخانقوا في الجامعة واحد طخ التاني وجرح اتنين .. انا حاسة ان هالبنت مش راح تتخرج بعمرها ..
وعلشان هيك انا شبه فاضية هالأيام.

**ام سمية** · 26-04-2005, 09:38 AM

اخواتي الحمد لله سارة في تحسن ..ان شاء الله اليوم تتحسن اكثر وتطلع من المستشفى اليوم
ما شاء الله عنك يا طيف فاكرة اسم اختي مع انها كانت اصغر مني بسنتين

قرأت يا عسل..ما شاء الله ...قلم مبدع ورقيق
وبعدين يا طيف انت شيف ولازمك مساعد شيف..والا فكرك ليش على التلفزيون كل الشيفات الهم مساعد شيف ..عشان يجلوا من وراهم

وعود الغالية:
انا استخدم السمسم الموجود.. محمص.. ابيض...بيزبطوا الاثنين بس بحس منظر الابيض احلى شوي عشان العجينة تكون اغمق فالمنظر بيطلع اجمل.. وان شاء الله بيعجبوك يا غالية

...وسلمي لي كثيييييييييييييييير على هنلي وسلامة الكمبيوتر الف سلامة ..اخ من هالفايروس الي حرمنا منها...

ام زيد
نفس حالتي بالزبط ..خصوصا لما يكون زوجي فوق راسي او الاولاد جايهم حالة "ماما ماما ماما" (كلهم بيحاكوني في نفس الوقت والزن على ودنه)..ببطل اركز..اريد ساعتها ان اخلص الي في ايدي وبس..وان شاء الله بس اجيب الجلاية لازم افرحكم

ريم ..نفسي اعمل متلك دائما ..لاني اعمل متلك احيانا..امي مثلك ..الله يرضى عليها ما كانت تترك وراها جلي الطبخ ابدا

ايمان..الله يجمع شملك على اصحابك ..من يوم ما دخلت لك قلت اكيد لازم اكون بعرف حدا فيه..والحمد لله ما خاب ظني

عزيزاتي
اكتشفت طريقة تخفف كثيرا من تنظيف الغاز ..فانا عندي 5 عيون 3 دائما استعملهم وواحدة قليل وواحدة نادر جدا لذلك غطيت الاثنتين بورق قصدير بشكل كامل عشان ما يزيتوا ولا يتوسخوا ومش كل مرة انظفهم..وايضا الاطار الحديدي الذي يحيط بالعين الوسطى التي لا استعملها رفعته في الخزانة ..فبدلا من تنظيف 3 اطارات كل مرة بنظف 2 وبدلا من تنظيف 5 عيون بنظف 3
والي عنده افكار تانية يخبرنا عنها..والله ما يحرمنا منكم

**ام سمية** · 26-04-2005, 09:40 AM

وعود ايام ما كنت في النجاح ..مرت علينا ايام اضراب بالفعل شكيت انوا اتخرج..خصوصا بداية الانتفاضة الثانية ..بس عدت وان شاء الله بتتخرج كاتي وتفرحي بيها ..على فكرة شو بتدرس كاتي؟؟

**Em zaid** · 26-04-2005, 10:05 AM

ام سمية فكرتك للغاز انا بعملها
الفرن الي عندي كهربا الصحون الي تحت العين
بلفها قصدير وكل فترة ببدلها
وكمان لمى بدي اقلي صرت احط على الحيط الي جنب الفرن قصدير
علشان الزيوت الي بتتطابر وبتعلق بالحيط وصعب تنضف
تقريبا كل الفرن قصدير حتى من جوا

طيب متلا فتحتي كبس طحين او رز او عدس او اي حبوب
كيف بتحفظيهم بالكيس ولا بتفضوهم بعلب
انا عمتي بتفضيهم بقناني البيبسي كل شي وبضل مرتب ونضيف
لكن انا بكسل مرات بس هلا عم جكع العلب حتى نفذ الفكرة لانها
منظمة

ام سمية بتعرفي انا الي اخ في رام الله عايش
وانا من شي 6 سنين انزلت على الضفة
والله اعلم متى ارجع انزل بس انت ما الك طلعات على الاردن

وعود ان شاء الله بتتخرج كاتي وسلمي عليها
والله يعين الطلاب من كتر الاضرابات وتعليق الدراسة
منيح عندهم همة يكملوا

**سندريللا** · 26-04-2005, 10:23 AM

صباح الخير يا صبايا

ماشا الله الحكي كاين شغال امبارح

حمد الله ع سلامة بنت اختك ام سمية ------- اجر وعافية انشاء الله وسلامة قلبها حبيبتى

بالنسبة للجلي انا طبعا كل ما بستعمل معلقة او شي على طول بجليه عشان ما بحب اكوم جلي مع اني عندي خدامة بس مرتاحة هالخدامة لاني ما بعرف اشتغل بالمطبخ الا اذا كان كل شي حوليي نظيف ومرتب

معلش (مرض)

وعلى ما اكون خلصت الطبخة بكون بنفس الوقت مخلصة الجلي

وطبعا الاطفال لازم يكونوا يمشوا بين رجليكي وماما وماما هاي بتكون الموسيقى اللى شغالة لحد ما تحسي انك انصرعتى من كثر ماما اللى بيقولوها

شوفي بالنسبة لتنظيف عيون الغاز انا كمان ما بستعملهم كلهم بس برضه بنظفهم كلهم مع بعض ، كيف؟؟؟؟

بجمعهم بالحوض وبفركهم بالليمون والملح وشوية خل ويا سلاممممممممممممم بيرجع لونهم ذهبي جديد مع انه الفرن صارله 5 سنين عندي بس كانه جديد، جربه هاي الطريقة بفرك العيون (عيون الغاز اوكي) وخبروني شو بيسير معاكم

وللحديث بقية

**ام سمية** · 26-04-2005, 10:44 AM

ام زيد
يا سلا م قلبي علي قلبك
كنت رح اسأل عن الزيزت اثناء عملية القلي خصوصا ان كل من شرى المقلاة الكهربائية ندم

بالنسبة للحبوب فانا عندي علبتان سيرلاك من الحجم الكبير من ايام عمر ما كان صغير ,,واحدة للعدس الاصفر وواحدة للعدس الاسمر
اما الرز فعندي علبتان نيدو حجم كبير اكتشفت ان كل واحدة تسع كيس ارز سنوايت مقاس 5 كيلو لذا اشتري كيسين 5 كيلو او كيس 10 كيلوا اضعهم فيها واهم شي اني قبل ان اضع الرز او العدس او اي شي في اي مرطبان البسه اولا كيس "كما نلبس سلات النفايات اجلكم الله" حتى لا تتسخ وما تغلبني في التنظيف ثم اضع بداخله المادة الجديدة
اما الطحين فهنا يباع الظرف بالكيلو ولا اشتري كثير لانني لا اخبز خبز واستهلاكي محدود ..حلو كيك ..وايضا لان مدة انتهائه هنا لا تتجاوز 6 اشهر ... بالنسبة لقناني الابيبسي هيك بتعمل حماتي ..بس بدها طولة بال ..من وين اجيبها
واذا تذكرت شي بقولك
سبحان الله ..ما في حدا في رام الله الا له اقارب في الخارج ..عندما كنت في نابلس نادرا ما تجدي من له اقاراب في امريكا وكندا بس هنا من كثرة المغتربين في مهرجان للمغتربين كل سنة
انا صعب اسافر على الاردن مع انه اعز اصحابي فيها ادعولي يصلح الحال..."بعدين بقولكم السبب"..بس امانة يا ام زيد اذا لك مشوار على رام الله خبريني..

**ام سمية** · 26-04-2005, 10:48 AM

سندريلا
ما شاء الله عليك يا رب اتحمست وساعمل زيك وها انا سأحاول هذا الاسبوع اعمل زيك واشوف
بتعرفي انا بشو بنظف العيون النحاسية ويطلع كأنه جديد؟؟؟ "بملح الليمون"
بنقعه فيها وبفرك بسيط يصبح مثل الخاتم الذهب
افضل من الليمون والخل..وجربي وخبريني

**وعود الخير** · 26-04-2005, 11:42 AM

مراحب يا احلى ستات

ام سمية

شو بتدرس كاتي؟؟

ادب انجليزي
وربنا يسمع منك وتعدي المشكلة ان الجامعة هذه بالذات جامعة مشاكل بسبب اللي انت عارفاهم فاكرين حالهم ورثوا فلسطين

ام سمية انا سالت عن السمسم علشان انا باشتري سمسم ابيض للفلافل لان البائع قال لي ان الابيض
افضل وقت القلي بيتغير اللون.
بالنسبة للتخزين احسن شي تحطي كطم ورقة غار وكمشة ملح
السوس مستحيل يقرب للعدس او الرز ..
والحال من بعضه بس بتعرفي الطحين لأني باخبز في البيت شريت برميل خشب وباخزن كيس الطحين فيه وطبعا لازم ورق الغار انتم عارفين الصيف قرب .

اما تنظيف الغاز زي ما حكيتوا العين اللي ما باستعملها بالفها بقصدير ..
معلش عم بكتب بسرعة لاني في الدوام
بارجع لكم ان شاء الله تعالى
بس اشوف ضرتي وين صارت ليكون بعدها بتجلي الطناجر.

**طيـــف** · 26-04-2005, 12:06 PM

امونه هلا وغلا صباح الخير بتوقيتنا
واحلام سعيده بتوقيتكم

شفتي شو الدنيا صغيره الله .........شوفي فرحتك بالمغتربه وهي كانت معك بنفس المنطقه

الحلو انا وام عمر كنا بنفسسسسسس الصف
بس للامانه
ام عمر كانت مشاءالله من الاوائل والمثاليات
وانا كنت كتيير مشاغبه وشقيه

و مشي حالك حالك يشمي

صح ام عمرررررررررر

اامونه شوفي مممكن اقربها لك قصه مدرستك في ابو ظبي

انتي مواليد1972؟صح بتعرفي وحده كانت معك اسمها غدير الرميحي؟ فلسطينه من رام الله ؟

هيك ممكن تكون بدايه الطريق لذكريات الطفوله

صحيح شو اخبار ام شهد؟ بالله سلمي عليها كتيرررررررر قولي لها كتير مفقدتين لك ومكانها بالفعل باين
الله يسعدك ويحمي لها بناتها يارب

**طيـــف** · 26-04-2005, 12:12 PM

ام سميه حبيبتي الف سلامه على ساروونه والحمدلله الله طمنكم عليها

ولو انا قلت لك نشبه مابنسى شي

بتذكرها ريم مضبوط كانت هاااااااااديه مشاءالله
ودايما يتيج ع الصف تسالك او تستشيرك بشي ... او تخبرك حتى كنا نضحك نقول اختك مابتسنى للبيت

بتذكر مره اجت قالت لك على نتيجه اختبار كانت ماخذه علامه كتيررررررر حلوه
وكانت خوله بتتذكرها اخت مس هند ؟
واخت خوله الصغيره مع ريم اختك هههههههههههههه واختك جابت علامه بالاختبار احسن من اخت خوله
اجت تفرجك المسكينه واحنا مع البيعه فرحنا معكم
بوجهه عام مشاءالله كنتي انتي واختك ممميزين بهدوئكم وذكائكم مشاءالله
بالنسبه للايميل حبيبة قلبي كلامك متل الشهد وصلني التعقيب

شوفي قصه شيف لااااااااااااااااااااا كيف واسعه هاي
انا بحاول ويلا الله معنا يساعدنا
بس شيف كتير واسعه

قولي يارب ايمان تشوف بنتها شيف قد الدنيا في برنامج عالمي يارب