©ˆ~¤®§©]§]..... كلام نواعــم .....لدردشه سيدات المطابخ §]§[©§®¤~ˆ©

**الفتاةالطويله** · 10-05-2005, 02:39 PM

وعود طمنيني عليكي شو الاخبار وكيف كاتي واخوتها........... الله يبعد عنكم وعنا اليهود وامثالهم . الله يفرج هم حميع المسلمين يا رب

**طيـــف** · 10-05-2005, 04:00 PM

~~~~تشيزكيك طبقات... بالنسكافيه والتوفي يميميميميييييييي الصوره بتحكي ~~~~

حبيباتي يل بدكم تشيييزكيك بالتوفي

اسفه تاخرت عليكم

**sweet bayan** · 10-05-2005, 04:59 PM

حلو جدا وانا في انتظار جديدك
مع السلامة

**سندريللا** · 10-05-2005, 05:06 PM

الله يسعدلي صباحك يا جبل النور ويديمه عليكي زي الفل انشاء الله حبيبتى

**lanloon** · 10-05-2005, 05:42 PM

ااااااااااااااااخ يا طيف ذكرتيني بالسمبوسه

يا ويلكم لو ما تجيبوا لي

حكيتي مع عمتي هاليومين؟؟
طمنيني عليها... مو عارفه احكي معاها ولا مع اهلي ,,,,,,,,,,,,,,,,,,,,,,,,,,,, قله فضاوه

**نور لك** · 10-05-2005, 08:47 PM

السلام عليكم ورحمة الله وبركاته

يسعد صباحكم من الله يا احلا اخوات بالدنيا ..

اشكركم على كلمات الاطراء اللي كتبتولي ياه تشققت من الفرحه اكتر من لما خلصو الاكل هههههه.

ام زيد الله يعافيكي يا رب ما انحرم من هالكلمات الحلوه ..
بالنسبه لصحتي نحمد الله الالتهاب خف بس والله وجع ظهري اللي قضي علي بس عم حاول ريح حالي ما تنسوني بالدعاء الله يسعدكم .

سوسوو حبيبتي الله يخليلي ياكي يا رب يا غاليه انتي ..
بس ما عرفت ايا حلو بدك كلهم عليهم سكاكين حددي اللون حتي ابعثلك ياه بالبريد المستعجل ولو كم سوسو عندي ..
والله يا ريتني جنبك كان والله كل يوم حلو ومالح لنصحك واخليكي تبقي ملزلزه..

هلا ام سميه الله يسعدك اجي شو انا جنب شطارتك يا عسل ولو نحنا التقليد وانتو الاصل .
بالنسبه للاكل نحمد الله كل شي مشي تمام وعال العال ما عدا المقلوبه خغت منهاكتير اصلو ما صارلي زمان متقنتها ومن خوفي لتخبص بقيت مرعوبه لاخر لحظه بس الله ستر ..ما بنصح حدا يعمل شي مش متاكد منه ومجرب عده مرات ..

طيف حبيبتي الله يسعدك مشتقتلك كتير الله يسعدك شكلك ما انتبهتي بس كتبت شو صار بباقي الاكل (.. كتير انقهرت ما قدرت اصور بعد الكل ما خلص اكل ما سمعني جوزي الا بقول يا الله بصوت عالي اجي بسرعه يشوف شو في ولا بقوله نسيت اصور لصبايا لك .اهههههههههههههه حسيته كان بده يقضي علي هههههههه )

انا هون يا عمري بس سي سيد ما بعرف ليه بضل يقفل الموبايل ..

راح ابعثلك البيت انا على طول بالبيت .

سندريلا نورتي يا قمر انتي كيفك حبيبتي .
اشكرك على حكيك العسل واهتمامك فيني وانا عم احاول قدر الامكان اريح مع انه ام ل 3 بنات اخخخخ من وين تيجي الراحه .

وعود جاي على بالي سميكي اطيب قلب ما بعرف بحس انك هيك ... ما تكوني غير هيك بقضي عليكي هههههه.

الله يعافيكي يا الغلا ويلا علي قسم التغديه تنزليهم لل10 كيلو من ناقصني احمل ذنبك دخيلك انا .

سلام لباقي الصبايا اللي ما اجى اسمهم وحده وحده والله كلكم غاليات حبيباتي انتو .

**نور لك** · 10-05-2005, 08:55 PM

السلام عليكم ورحمة الله وبركاته

نسيت اكتبلكم عن العمره

بالنسبه للعمره الحمد لله رحت ونفسي احج يا رب يطعمنا ياها كلنا في يوم واحد .
عملت العمره قبل ما اتغرب واجي هون بس والله كانت مش سهله الله يعيين الحجاج ..
قد ما كان زحمه ما صدقت وصلت للحجر الاسود ولا مجموعه من الاخوات الاندونسيات الله يسامحهم مربطين مع بعض اجو علي متل الموج يدفشو فيني ليوصلو للحجر الاسود ليلمسوه او يقبلوه وما لقيت حالي غير من غير حجاب والشرطي واقف عند الحجر الاسود والرجال اللي واقفين بالدور يا الله تمنيت تنشق الارض وتبلعني وصرت ابكي

لطلعت روحي والله حسيت حالي كاني من غير ملابس مش بس شعري مكشف يا الله ما ابشعه من احساس مع انه من بدايه العمره وانا سبحان الله وكاني بحلم من جمال المكان والطمائنينه الي شعرتها غير عن اي شعور تاني والله عمرك حسيتي فيه>>> ربنا ينولها ويذوقها للجميع هالاحساس الرائع .. وانتي بين يدي المولي بالفعل فظيع اتمني اروح كمان مره عمره واحج يا رب يا رب.

**الفتاةالطويله** · 10-05-2005, 09:55 PM

الله يعينك كريس عالموقف هذا ..........شي صعب انا سمعن انهم حكوا ان هذا حصل لبعض النساء وميشان هيك ما حاولت بالحج من كثرة الناس ومثل ما قلتي الاندونيسيات ما ابشع عملتهم يخترقوا حتى الرجال مع انهم مش اطول من شبر اذكر بالحج اننا تضايقنا جدا منهم وزوجي بيقول شوفي هدول قديش قصار وقديش قويات .........
الله يكتبلك الحج ولا تفكري تقتربي من الحجر وقتها لانه وصوله صعب جدا الطواف نفسه صعب

**وَطَن** · 10-05-2005, 11:46 PM

السلام عليكم يا قمرات
كيفكم يا بنات؟؟؟
وعود الله يعطيكى العافية
كريس سلامتهم الحلوين من وجع الظهر وضلك طمنينا عن صحتك لحد ما تروئى، ويعطيكى العافية على العزومة الحلوة الطيبة هاى... والله يباركلك فى بناتك ويجبر بخاطرك
وإن شاء الله بتحجى وتنبسطى وينولها لكل مسلم وادعولى الله يعطينى عمر وأحج يارب...
سوسوفو
أم زيد
سندريلا
طيييييييييييييييف
أم يوسف
وعود
أم سمية وعمر
لانلون
كل الصبايا الله يوفقكن يارب ومسا الخير على الجميع

**تطوان** · 11-05-2005, 01:19 AM

السلام عليكم ورحمة الله وبركاته

كيفكم صبايا .....ان شاء الله الكل بخير ...

وااااو كريس تسلم ايدك حبيبتي .....ماشاء الله تبارك الله رووووووووعة يعطيك الف صحة بس عايزين طرق او روابط

الاشياء الجميلة هذه ......ارجع لكم ثاني لاني مشغولة الان ...مع تحياتي