سلطة الفواكه على طريقتي

**(راما)** · 14-02-2005, 12:01 PM

المقادير:
فراولة
4 موز
تفاحة و احدة
نصف ليمونة
برتقالة و احدة
سكر حسب الرغبة أو بدونه
كريمة مخفوقة

الطريقة:
نحضر وعاء السلطة و يكون وسط يعني لا صغير و لا كبير
نعصر البرتقالة و نصف الليمونة (حتى لا تسود الفاكهة) و نضيف السكر و نقلب جيدًا
تكون كمية العصير قليلة (مش مهم) لانت الفواكه بتزل ميتها الخاصة
نقشر التفاحة و نقطعها مكعبات صغيرة و نضيفها على الصوص و نقلبه
نقشر الموز و نقطه نصف دوائر و نضيفه على الصوص و نقلبه
ثم الفراوله حتى يمتلئ الوعاء و نقلب جيدًا
ثم على الوجه نضيف الكريما المخفوقة و نغطي الفواكه تمامًا
و توضع باتلثلاجة و صحة و هنا

ملاحظة: ممكن أنك تصفي كل صنف فاكهه لوحده يعني التفاح ثم الفراولة ثم الموز و بعدين تسقيه بالصوص و يفضل أنه يكون وعاء زجاجي حتي يبان المنظر الحلو لكل صف و أنتي حرة

**وعود الخير** · 14-02-2005, 12:03 PM

فكرك وعد والجيش اللي عندي بيتركو لي وقت ارص زي ما بدي
اكيد هجوم على طووول
تسلمي يا دعاء.. والحمد لله ان الفواكه المذكورة متوفرة حاليا عنا.

**طيـــف** · 15-02-2005, 02:02 PM

دعــــــــــاء

خليها بس يهجم الصيف
علينا وعليكِ بخير يارب

**(راما)** · 15-02-2005, 02:10 PM

جربيها و رح تنبسطي من طعمها و لاي استفسار انا مستعدة..
الفواكه موجودة عنا تقربيًا بالوقت هذا ما بعرف انتي وين؟؟

**طيـــف** · 15-02-2005, 02:15 PM

بالكويت انا

بتعرفي انا بقصد انه بارده وبتبرد على القلب هيك قصدي

ولا بالبرد مابتحمل فواكهه صراحه بموت من البروده

**رندوش** · 15-02-2005, 02:51 PM

دعاء فلسطين تسلم الايادي و منك نتعلم ونستفيد

**وعود الخير** · 17-02-2005, 03:02 PM

عملتها..
كان عندي ضيوف البارح والفواكهه اللي عندي قليلة
وفجأة جيت على بالي ..
وبسرعة البرق عملتها و بدل الكريما حطيت شيمنت حلو..
وبيضت وجهي ربنا يبيض وجهك.

**(راما)** · 17-02-2005, 03:23 PM

انبسطت كتيير وعود لانك جربتيها
بس ابقي اعمليها على رواق و حطي معاها الكريمة و شوفي الطعم رح يختلف و يصير ازكى كمان
طيوف الصيف على الابواب و جربيها و شوفيها ما اطيبها
انا مين من داقها عندي حبها و سالني على الطريقة مع اني ما بحب اكتر فواكه و بحس انه طريقتها هيك بالبساطة ازكى

**هنلي** · 17-02-2005, 08:13 PM

طب شوفي طريقتي انا نفسك بس بحط كره بوظه على الوش مع رشه مكسرات على فكره الموز والفراوله والتفاح كلهن طيبين مع بعض وزيدي عليهن كيوي
وعاد خذي طوله بال هنلي في التزين بعمل ورده من الفراوله او مروحه وكم شريحه كيوي على الوش
او بحط السلطه في كاسات البوظه الكبار بس بجيب سكر خشن وبخلطه مع صبغه ونقطه ماء وبغت الكاسه فيه بيصير طرف الكاسه عليه هيك سكر ملون وبيلزق تا ينشف وبعدها بكون مجهزه السلطه وبحطها فيهن مع كره بوظه يم يم او برصهم بمنظر حلو

او نفس الشي بجيب كاسات طوال وبعصر الفراوله وبصبها وبعدها الموز وبعدها الكيوي وبعدها التفاح طبعا مع كل صنف بحط شويه عصير برتقال خلي الخلاط يمشي وبعدها رشه مكسرات على الوش
بس بنتي بتحبه اما زوجي بيقول حكي فاضي -- انا عارفه ما بعجبه العجب -- ههههههههه