يا عيني عالبطاطا....طرق مختلفة لعمل الشيبس بمشاركة من الجميع.

**وعود الخير** · 26-01-2005, 03:12 PM

السلام عليكم ورحمة الله وبركاته
كيفكم يا صبايا بعدالعيد وزحمة العيد وزيارات العيد ..

طيب وحدة فيكم تقول لي اتفضلي استريحي

مش شايفين قديش تعبانة

كنت في الحقل باحفر وطلعت شوية بطاطا محترمين بيستاهلوا بقكم

شوفي يا صبايا ويا ستات علشان ما حدا يزعل

انا عملت اللي علي .. وجبت البطاطا

انتم عليكم غسلها وتنظيفها وتحضيرها
وكل وحدة تتفضل

وتشرح لنا طريقتها في عمل البطاطا الشيبس اللي الأطفال والكبار بيفضلوها وبيحبوها..
بانتظار اول مشاركة ولها هدية صحن بطاطا معتبر وشهادة

**هنلي** · 26-01-2005, 08:06 PM

ولو بدها سؤال ام بطن اجتك ههههههههههه
انا اول وحده
يعطيكي العافيه يا عسل انتي اقعدي وخلي الشغل عليي
شوفي
بتنظفي البطاطا وتقشريها وتجيبي المبرشه اللي هي تبعت تقشير البطاطا وتعملي البطاطا رقائق او ممكن بسكين حاد تقطعي البطاطا رقائق
او ممكن تعمليها شعر بعد ما تقطعيا رقائق تفرميها رفيع زي عيدان الكبريت
واذا عامله كميه حطيهن في ماء بارد وضعي في الماء قطعه خبز علشان ما يسود -- هذه سمعتها مره في محطه دبي ودايما بعملها وبطل البطاطا يسود --
وبعدها تصفيهن من الماء مليح وتبهريهن ملح وبهارت اي نوع بتحبيه وتسخني الزيت على نار عاليه وتضعي البطاطا
بس ما تكثري علشان ما يزلق ببعضه ويعجن
اما البطاطا شعر ممكن تعمليهن زي القرص او ممكن تسقطيهن هيك مع بعض بيطلعن زي الشعر المنكوش لما يتحمر يم ميم
بتعرفي مره لما رحنا على سوريا رحنا على كسب على الحدود السوريه التركيه وهناك في مطعم حط لنا بطاطا لليوم كل ما اسوي بطاطا بجرب اعملها وهي بطاطا رقائق بس فاضيه من النص يعني رقيقتين ملزقين مع بعض من عند الاطراف ومن جوا فاضي
هذا لو شفتيهن بتقولي رح اسويهن على طول

**لنوشه** · 27-01-2005, 01:41 AM

و عليكم السلام
كيفك يا وعود ؟ اشتقنا لمواضيعك الللي بتجمع البنات كلهم و الكل بيستفاد منها
انا بصراحة اجيت استفيد بس ما بقدر فيدكم لانو ما بعرف كيف بينعمل الشيبس
يلا انتو احكو و انا بتعلم

**احاسيس مرهفة** · 27-01-2005, 11:41 PM

لايكون تركتي عمل المكتب ورحتي تعملي في المزرعة

ماشاء الله رح نلاقي فوق الطبخ كيفية الفلاحة .

**وعود الخير** · 28-01-2005, 12:50 PM

كتبت بواسطة احاسيس مرهفة

لايكون تركتي عمل المكتب ورحتي تعملي في المزرعة

ماشاء الله رح نلاقي فوق الطبخ كيفية الفلاحة .

wow......wow
سيسو ظهرت مش معقول مش مصدقة عيوني...
نورت . بس بتعرفي اريح شي واحسن حل لفلتان الأعصاب الفلاحة في الرض..
يا ليت يا سيسو ألاقي وقت اشتغل فيه بالأرض..
ومحلاها عيشة الفلاحة.. على الأقل بتشم هوا نظيف مش هواء مكاتب..
بانتظار طريقتك المفضلة .. ما تضحكي علي بكلمتين ..

**لبلبة** · 28-01-2005, 08:26 PM

تسلم يدك وما قصرتي وجبتي البطاطس من الأرض وأنا دحين باقوم وأغسلها ..بعدين

باقشرها....بعدين

باحضر الزيت.................بعدين

سأنتظر ..............................

متى تعود......................

وعود ..........................

علشان تكمل الطبخة..............

انجدوني

**وعود الخير** · 28-01-2005, 08:29 PM

دمك زي العسل يا لبلوبة...

تعبت وانا اركض وراء الكلمات
تكرمي يا ستي حاضر من عيوني
راح اساعدك بس اشوف طرق بقية الأخوات...

**وعود الخير** · 28-01-2005, 08:34 PM

بطاطا رقائق بس فاضيه من النص يعني رقيقتين ملزقين مع بعض من عند الاطراف ومن جوا فاضي

ليش فاضي من جوا يا هنول.. شو رأيك انا كنت باحط ورقة بقدونس في الوسط شكلها جنان.. بس كنت باحمرها بالفرن ..

بس ياختي العملية طويلة ومملة وبدها وقت .. خلاص راح ابعث لك طن بطاطا تحضريه علاطريقة إياها.. منور يا جميل

لنوشة النغنوشة... ... لا يفتى ومالك في المدينة.. بدنا طبق من تحت هالديات الحلوين.

**طيـــف** · 30-01-2005, 02:48 PM

هنوله وعود

بدي افهم كيف بتلصقو البطاطاتين الشبس مع بعض ومن جوا فاضي!!

بدي الخطوات بليز

لو سمححتووو

**(راما)** · 30-01-2005, 03:01 PM

أنا بعرف البطاطا شيبس (زي المطاعم ) ما بيقولوا عنها هي الأصابع
french fries زي ما بنعرف لكن رقائق مثل هنلي كنت و انا بالابتدائي و اعدادي اعملها و بطلت زماأأأأأأأن (قال يعني كبرت)
بس الفرنش فرايز بقشرها و أقطعا اصابع و اغسلها منيح و شوية مية بتغلي على النار بحطها دقتين و شوية ملح و بصفيها و بحمي الزيت و بقليها لما تشقر احلى فرنش فرايز من احلى ايدين و لا مطاعم و لا غيره
لكن الرقايق الله يطول رواحكم اكتر و تبدعوا اكثر