*مقبلات متميزه*اوكازيون اوكازيون لفة{ قمر الدين} ب2.5 وتعالى بص
اجدع سلام واحلى كلام و اوكازيون قمر الدين للغوالى
احنا عارفين يا نواعم ان موسم المشمش دلوقتى ولسه كمان سعره حيقل وساعات بيوصل سعره ل3 جنيه او 2.5 حلو الكلام
فأيه رأيكوا نستفيد بالمشمش ونعمل انضف واطعم قمر الدين
بسم الله
المكونات
1 كيلو مشمش مغسول ومنزوع النواه
200 جرام عسل جلوكوز
1/2 كوب سكر
5 جرام ملح الليمون
الطريقه
اضع المشمش فى ماء مغلى لمدة 10 دقائق ويصفى ماؤه ويضرب فى الخلاط
ونرجعه للنار مره اخرى
واضيف السكر والعسل الجلوكوز مع التقليب المستمر على نار هادئه لمدة 3/4 ساعه
وفى الاخر اضيف ملح الليمون
وبعد ذلك افرده على ورق زبده او بلاستيك واتركه ينشف يومين تحت الشمس فى مكان هاوى
ودوقى وادعيلى
أأأأأأههههه نسيت اقولكم
انا عملت 11/2 كيلو مشمش
وكان وزن قمر الدين بعد ما خلص 650 جرااااااااااااام
علشان اكون قلت اللى ليا واللى عليا وبالنسبه لملح الليمون بيتباع عند العطار او فى الباكتات فى سوبر ماركت
وبالنسبه لعسل الجلوكوز بيتباع فى محلات الادوات الحلوانيه واللى محتاج يعرف مكانه بالضبط يقولى
ده المشمش معصور ووضعت عليه السكر والعسل الجلوكوز
وده بعد فرده
وده بعد ما نشف
متهيألى مفيش اسهل من كده
رد مع الاستدلال
كتبت بواسطة مملكتي بيتي
الروابط المفضلة