**المولد**

بسم الله ربي نسالو ***** يقدرني باش نختصر

سيرة عبدو ورسولو ***** سيدنا محمد خير البشر

قد ما نسلمو عليه ونصلوا ***** سيدنا محمد يستاهل اكثر

واكثر من اننا بيه نحتافلوا ***** مرة وحدة فطناش نشهر

من نهار زاد ما عندو والو ***** حتى باباه كان مسافر

مات بلا حتى ما علا بالوا ***** انو خلف سيد البشر

ومن بعد زاد ربي كتبلوا ***** انها امو تزيد تغادر

تموت حتى هي وتروحلو ***** وينحرم منها في عز الصغر

او من بعدها جدو كفلو ***** كان يحبو وعليه ما يصبر

كتبلو ربي يزيد يموتلو ***** ويزيد ينجرح جرح وحد اخر

*** النشاة ***

حزن بزاف على فراق اهلو ***** من يد ليد حتى كبر

رعى لغنم وماشي ديالو ***** كان للناس يرعى ويتاجر

وكل واحد شحال يمدلو ***** وهو حامد ربي وصابر

هات يجيب الخبزة ديالو ***** بعرق جبينو ويشقى ويدبر

وهذاك الرزق الي ينالو ***** يروح يعاون بيه وحد اخر

المساكين يمد لهم ياكلوا***** والناس الي مسهم الفقر

مالي ما لقا و على من يتكلوا ***** كيما الارامل والكبار فالعمر

ولا الحجاج لما يوصلوا ***** لمكة بعد التعب والسفر

حتى لحقوا لقبوه اهلو ***** الصادق الامين على خاطر

كان صادق في كل اقوالو ***** يصون الامانة ويحفظ السر


منقول للامانة