&& فقدت الغالي &&

**&& دفا الروح &&** · 21-10-2007, 07:16 AM

ياللـي دفنتـوا جثـتـه.. لـيـه تبـكـون؟
لـولا الحيـا..لأقـول : معـكـم خـذونـي

منه انحرمت وكنت انا عنـه مسجـون
مـا أذكـر لمحتـه .. غيـر مـره بعيونـي

شفتـه ..وكانـت فرحتـي مالهـا لــون
عجزت لأوصف .. من لمحته شجوني

ياليتنـي ..كنـت الكفـن يـوم تمشـون
أبـقـى مـعـه بالـقـبـر ثـــم تدفـنـونـي

أو ليتني .. من خلفكم كنت (مجنون)
أتـبـع خطـاكـم والـعـذر هــو : جنـونـي

أبكي وراكم .. وأدعي ان كـان تدعـون
مـا يكفـي انـه عـاش عمـره بدونـي؟؟

تكفـون < هاكـم عمـري اليـوم تكفـون
بـرخـص حيـاتـي دام خـابــت ظـنـونـي

مـا فادنـي صبـري !! ولا فـادنـي عــون
ولا فادني دمع(ن) .. حرق لي جفوني

يـا مـا بكيتـه والبكـي يحـرق عيـون
ميت أو انه حي .. دمعي بعيونـي!!

العـام كـان بفرحتـه.. يعـزف لـحـون
واليوم ؛ تحت الأرض .. ماهو بكوني

لكن أنا في فرحتـه.. كنـت مدفـون
فوق الثرى .. واليوم موته سجونـي

(سميت قلبي عقب فرقاه المحزون)
هو و الليالي .. عن هناه امنعونـي

ياليتنـي.. ماعشـت لحـظـه بهالـكـون
و ياليت ربعي .. في سكات اذبحوني

وياليتكـم .. عـن همّـي اليـوم تــدرون
منه انحرمت > ومن عزاه .. احرموني

حتى بوفاته !! يـوم أنـا طحـت مطعـون
أخفيت طعناتـي .. قبـل لا يفضحونـي

بكـيـت!! لـكـن .. ماتظـاهـرت بالـهـون
أبكي وأقول : الموت هو سبة طعوني

و إن كان في حبّـي أنـا ..ماتحسّـون ..؟!
دلوني لقبـره .. وهنـاك .. اتركونـي ..!

</B>

**زمـن** · 21-10-2007, 07:47 AM

عجزت ماذا أقول والله أمن فرط ألمي أمن جميل ماسطرت رعاك الله رعاك الله....زمن

**&& دفا الروح &&** · 21-10-2007, 07:56 AM

اهلا بك اختي زمن 00 صباحك خير يارب
اشكرك لمشاركتك احزاني 00 وابقاك الله
مرورك الاجمل
ادامك الله غاليتي

**service** · 21-10-2007, 09:02 AM

يعطيك ألـــــــــــف عـــــــافيــــــــه

**قلم صادق** · 21-10-2007, 09:32 AM

الأخت / دفا الروح
السلام عليكم ورحمة الله
لا يشعر بأحزان الأخرين إلا من عاش الحزن .. كلماتك مؤثرة وفيها حزن زاد من حزني ...
جمعمك الله بمن فارقتي في بحبوح الجنة وألهمنا الله وإياك الصبر
حفظك الله .

**ولي معكم ميعاد** · 21-10-2007, 10:03 AM

يسلم يداكي

**&& دفا الروح &&** · 21-10-2007, 10:35 AM

اهلا بك اختي سيرفس
دمتي بخير

**&& دفا الروح &&** · 21-10-2007, 10:39 AM

كتبت بواسطة قلم صادق

الأخت / دفا الروح
السلام عليكم ورحمة الله
لا يشعر بأحزان الأخرين إلا من عاش الحزن .. كلماتك مؤثرة وفيها حزن زاد من حزني ...
جمعمك الله بمن فارقتي في بحبوح الجنة وألهمنا الله وإياك الصبر
حفظك الله .

وعليكم السلام اخي الفاضل /قلم صادق
والله انك صدقتو لا يشعر بالنار الا من وطئها 00 خفف الله من حزنك يارب وحقق مناك وجمعنا واياهم في جنة الخلد
اثابك الرحمن