احلى احساس يا ريت الكل يقرئها

**NaDa...** · 10-07-2007, 01:11 AM

من اول ما رجعت من السفر ما شفت لج بينا ؟!
وانا الي كنت احسب انج قبل لا ادوس ارض المطار تجين
تكونين انتي اول شخص عيني تحتضن عيـنه
وكنت اتخيلج من زود فرحت رجعتي تبكيــــن
واشووف بدمعتج حكيج واعرفه قبل تحكيـنه
واجي باحلى من الي بتحكينه واتركج تحكين
تقولين الوطن نور !! واقول: بنــــــور مضوينه
تقوليلي غديت احلى واقول عيونـــج الحلوين
كلام نام بشفاهج وخفتي لا تصحينـــــــــه
ذخرتيه الغرام الي ينام ويتركج تصحيـــــن
تغانمتي غيابي لين رجعتي موازينـــــــــه
تعلم من ايدج لمس الكفوف وعلمج تجفيــــن
وليتج لاقيه اتفه شي فيني ما تلاقينـــــــه
ماهو بغرور!! بس خابرج ما لج امل تلقيــــن
تغافلج بغلى ولا بحلى ماهو من زينـــــــــه
تزينه الصور بس الصحيح ابن الحلال زويــــن
وانا ماني بناقص عنه يوم انج تبدينـــــه!!!!
نصيبي هو نصيبي لو يسددها من الصوبيـن
قنوع بمظهري والسم ما يذبح ثعابينـــــــــه
على قول المثل ماني حلو ولكن ماني بشين
اذا اهداج الزهر مره فانا اهديتج بساتينـــــه
واذا الهاج بفرح ليله فانا تهت لباكج سنيــن
واذا استضعفتج املاكه وشتتج ملاييــــــــــن
انا حتى فتات الخبز اقسمها معج نصيــــــــن
طموحي بس اجي واظفر بشي تستحقينـــــــه
تدينته تسلفته سرقته مو مهم منيــــــــــن! ؟؟
كاني من كثر ما ارضى بكل الي تمنينــــــــه
لو انج تطلبين الله يعنيني بقول آميــــــــــــن
انا ما العب على الحبلين ووقت الطيش وسنينه
تبين الحين يوم اني كبرت العب على الحبيليـن
ترا عند البدو بالذات عـــــــــــيب الي تسوينـه
حلاتج لي عشقتيني تعشقيـني ليــــوم الديـن
غرامن نسكن ضـــلوعه حشيمه من مجـــانيـنه
وفا يجمع معــــــــزتنا ولا عشق يذل اثنــيـــن
كثار الي تحـــــــــــدوني وقالولي تحبيـــــنه
امــــــانه لا تخليني صغير فعينهم تكفيــــــــن
لاني كل ما قالولي تخون اقوول مسكيــــــنه
عليج الله وامـــانه عليميهم من هو المسكـــين
انا خايف لي طــــاح الجمل تكثر سكاكيــــنه
وانا ما عادت ضلوعي تحمل طعنة السكيـــــن
مثل ما قالوا المكتوب واضح من عنواويــــــنه
لو ارحل منج للغربه بسافر من ظلامج ويــــــن
كفايه كل حلم يمر فرقادي تزوريــــــــــــــنـه
كفايه من تفارقنا وانا ما غمضتلي عـــــــــين
قبل يومين شفتج في المنام وقمت من حينـــه
ونمت امس ورجع نفس المنام الي قبل يوميـــن

مـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــنقول بس انا جالسه اكتب قصايد من اجل عيونكم

***باسمه*** · 10-07-2007, 01:40 AM

هلاااااااااااااندى

قصيده جميله .

نقل موفق وأظنها قصيدة الشاعر حامد زيد .

مشكوووره

**حوااء** · 10-07-2007, 11:23 AM

قـــــــصيدة جداً راائعه من روائع شعاري المفضل00حامدزيد
يسلمووووو ع النقل الحلووووووو
حفظك الله

**قلم صادق** · 10-07-2007, 11:38 AM

الأخت / ندى
السلام عليكم ورحمة الله
شكرا لك على هذا النقل الطيب ... جميل جدا في معانيه العميقة والتي تعبر عن صدق المشاعر ..

نصيبي هو نصيبي لو يسددها من الصوبيـن
قنوع بمظهري والسم ما يذبح ثعابينـــــــــه
على قول المثل ماني حلو ولكن ماني بشين
اذا اهداج الزهر مره فانا اهديتج بساتينـــــه
واذا الهاج بفرح ليله فانا تهت لباكج سنيــن
واذا استضعفتج املاكه وشتتج ملاييــــــــــن
انا حتى فتات الخبز اقسمها معج نصيــــــــن
طموحي بس اجي واظفر بشي تستحقينـــــــه
----------------------------------------
قمة في الررررررررررررررررروعة .... حفظك الله ... بانتظار أشعارك ..