عربي وأصلي عدناني

قريشي ومن نسل قحطان
......................................
لك الزمان إبيوم ذر الناس
الزمان عليك ذرّاني
وأخذ يردف علي ضرباته باليافوخ
لحد ما حيل خَوّاني
لكن بي طبع ما طيح
روح اسأل عليّ واشهودي عدواني
مو انسان يحجي وياك
جرح يمشي عله طوله وشمعه بصواني
ما عندي لجوء ايجتف الانسان
ولا مربوط بلساني
وك استاتس عندي من عمان
وسياسي... كوفي اعنان سمّاني
عراقي آني
من زاخو لحد الفاو عنواني
دجله أمي....وأبوي اسمه الفرات
وليله مرجاني
................ الزمان اشلون ذَبّاني
ولو حز ابضميري الجوع
بس ما غير ألواني
........... التاريخ إذا مو باول أحروفه
يحط اسم العراق ويشطب الثاني
عراقي آني البگـلبي على الساني
آنه الماصحت يوم أحاه
وعلى امتوني تگـطع صوت سجاني
وأظن ما قصريت أوياه
أخويه الجان ينخاني
يِأَشِّر بيده من ابعيد
جديم الگـوم يلكاني
عطش مره... شلت نهر الفرات وجيت
وشفت دجله على الجولان يتناني
عراقي آني
واليبيعن جگـاير على الرصيف اليوم نسواني
والماتوا بحسرة علبة حليب اطفال
هذوله أطفال خُوّاني
ما آغَنّي بعد بلاد العرب أوطاني
من الشام لبغدانِ
ومن نجد الى يمنٍ
الى مصر فتطوانِ
عراقي آني
ولو تعرفني كل الناس بس أعطيك برهاني
.........................................
ما هزوا وحك عيناك
شعره من شعرات وجداني
عراقي آني

عاشت ايدج بنت الرافدين وثلث تنعام

بسم الله

السلام عليكم ورحمته

الأخت الكريمة الغالية بنت الرافدين

شكرا لك على القصيدة الجميلة
وأدعو لك وللعراق بالخير والنصر إنشاء
الله والعيش بسلام وأمان بعيدا علة الإحتلال
والقتل والدمار

أختك

أنشودة الحزن

مشكورة اختي على موضعك الرائع

تفرج يا عراق ويرجعلك شبابك

تسلمآ على الردود الجميله أختكن في لله بنتالرافدين