قصيدة مؤثرة

قصيدة مؤثره

*يـا ليتنـي خدامـة بيـن اياديـك .. من شان اشوفك كل يوم برضايـا*

(ماعاش من يخليك خادمة يا يمه)

هذي قصيده مؤثرة لأم تشكي حالها بعد ان وداها ولدها (الله يهديه) للمصحه (دار العجزه) او كما يقااال ( دار النسيان) والبيت أعلاه يبكي حتى القلب القاسي

اترككم مع القصيده

وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

" يـا ليتنـي خدامـة بيـن اياديـك .. من شان اشوفك كل يوم برضايـا "

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا

(حسبي الله ونعم الوكيــــــــــــــل)
الله يكون فعونها آميــــــــــــــــن.
.
.
.

لاحول ولا قوة إلا بالله ..
قصيدة مؤثرة فعلاً ..
يعطيك العافية اخت عيون المها ..

السلام عليكم ورحمة الله تعالى وبركاته
قصيدة مؤثرة جدا تدمع العين لما تعانيه هذه الام
وما لنا الا أن نقول حسبي الله ونعم الوكيل
الف شكر لك اختي وفي انتظار جديدك
بداية موفقة ان شاء الله

جزاك الله خيرا

جزاك الله خيرا

جزاك الله خيرا

لا حول ولا قوة الا بالله

حسبها الله ونعم الوكيل

كلمات رائعة جدا جزاك الله خيرا مشكورة
سلمت يداكِ