جاهل الامر

**bylasan** · 21-04-2006, 07:40 AM

بسم الله الرحمن الرحيم
السلام عليكم ورحمة الله وبركاته

اكتب لكم هذه القصيدة التي احببتها من كل قلبي ارجو ان تنال اعجابكم واسمع تعليقكم عليها

-جاني جاهل الامر يسألني وش فيني
صوتي حزين وتنهيدي يهز القلوب

-يشوف الدمع يظن انه دلع فيني
انا ودمعي تخاوينا وقطعنا بالمسافه دروب

-ألِم الدمع بيديني ويبكي الدمع بيديني
تناثر دمعي في عيني حضن دمعي نسيج الثوب

-الايادمع لاتنشف انت اللي محليني
ترى غيري يظن الدمع اسبابه خطا وذنوب

-انا متكحله في دمعي وهو متكحل فيني
وغيري من بنات الجيل متكحل بكل اسلوب

-تبي تعرف ياجاهل علامي وش يبكيني
اول دمع خاويته وجنيته من ورا المحبوب

-وفارقت الهوى واهلي باسبابه معاديني
اعيش الوحدة واتصبر واظن صبري كما ايوب

-غير الصبر ياجاهل عندي اللي مكفيني
عندي قلب بالدنيا يعادل ماوزن بذهوب

-عيبه طيب وطيب يخاوي اللي معاديني
زمان الطيب غدى وولى. زمان اليوم كله عيوب

-عليك الله ياجاهل لاتسألني وش فيني
خلني مع دمعي أقطع بالمسافه دروب

-ترى لاخر بقايا العمر يبقى الدمع مخاويني
ومع دمعي حزن صوتي وتنهيدي يهز قلوب

الله لايسمح ويقدر ان شاء الله ماحد ببكي ولابحزن بس القصيدة حلوة والها معنى

(مع دعائي لحبيبتي امي بطول العمر)

_ بيلسان _