من كتاباتــــي :: ๑ღ من أنـــــــــــــا ؟؟ ღ๑

**القلم الوردي** · 29-10-2005, 03:32 PM

السلام عليكم ورحمة الله وبركاته

خــاطرتي تتحـدث عنــــي .. ربما هي محزنه ولكنها تعبر عن كل مافي قلبي ..
:::::::::::::::

أنــا مجموعة خلايا .. تكونت انسانه ..
وصرت مجموعة إنسانه .. وتسميــت بـالقلم الوردي ..

أنا اللي لا جا البرد قارص..
خذيت الي يدفيني .. وجيت أدمع بقلب حساس ..
أنا اللي لاعشقت .. أحس اني مجرد احساس ..
أنا اللي لاعشقـت .. حضنت بقلبي كل الناس ..
أنا اللي تربيت بأرض من أراضي الله ..
وعشقت أرضي بكل احساسي ..

أحسب الزمن يتغيـر .. والتاس واحــــد ..
أثاري الناس أجنـــاس ..
وأحسب الدنيا بلون واحــد .. أثاريها بكل الألوان ..
حـــزن ,, ألم ,, فرح ,, لهفــة ..
ياكثر ما الحزن جاني .. ويا قل مالفرح بقلبه خذاني ..
بس اني متفـــائلة ..

لأنه مافيه انسان يمر عليه الفرح إلا وصادته كثيييير أحزان ..
حتى الطفل يوم انولد قام يصيح .. وفلحظة لقاه لأمه هـدا ..
وبعـدهـا يبي يرضـع يعيد الصيحـة .. تحضنه أمـه بصدرها ..
يفرح وينسى أوجاعه ..
أنـا إنسانه .. مثل الطفــل .. أنا لي بالشعر كثير حكايا ..
كتبت كثيييير .. وبكيت أكثر وأكثر ..

وكانت دموعي تبلل صفحاتي ..
وكان الشعر ينسيني كثير أوجاعي ..
القلم له بقلبي معزهـ .. ساعدني بحياتي ..
خلاني أشوف دنياي .. و بحت كل اللي في قلي له ..
تمنيت الدنيا دفتــر أكتب على صفحاتـــه ..
أكتب على كيفي أبكي على كيفـي ..
وأساعد ناااس وناااس .. واخلي الناس تضحـك وتقول ..
شفيتِ جروح .. شفيتِ جروح ..

**a7lagirl** · 30-10-2005, 01:29 AM

رائع جدا جدا...

ماشاءالله..

بانتظار جديك...ارجو التواصل

**أسد الإسلام** · 31-10-2005, 02:18 AM

عجبني كثير

انا اشوف كلماتك مرتبه ومتناسقه ولها نغمة لها معاني في الروح تتفسر وبالقلب تنحفظ

بصراحة انا اشجعك على التقدم في هالمجال واتمنى لك التوفيق

وانا كتبت مواضيعي الجديدة بعنوان

............ العنود في قلبٍ حقود .........

وانا اصلا عضو جديد

وجزاك الرب خيرا

**حلم قلبي** · 31-10-2005, 03:03 AM

غاليتي

صدقتي عندما اسميتي نفسك بالقلم الوردي
قد تكون الكلمات حزينه لكنها اكثر من رائعه
دام قلمك...

**اعز الحبايب** · 31-10-2005, 04:44 AM

السلام عليكم ورحمة الله
أختي الكريمه
القلم الوردي
رائعا ماسطرته من درر بلونك الوردي
في انتظار جديدك بفارغ الصبر
دمتي بود
اختك
اعزالحبايب

**سجايا** · 31-10-2005, 05:05 AM

وعليكم السلام ورحمه الله وبركاته
كلمات رائــعه رغم أنها حزينه جدا
انتظر جديد ..من أنا؟؟.. بكلمات أكثر تفاؤل وبابتسامة مشرقه
ياقلمنا الرائع ..
دمتِ بحفظ الله

**( مجرد انسان )** · 31-10-2005, 05:28 AM

الاخت العزيزة ... القلم الوردي ..

خاطرتك رائعة جدا جدا

ومعبرة الى درجة كبيرة

واتمنى بان تستمري اكثر واكثر

ولكن نصيحتي لك

هي محاولة الكتابة باللغة العربية

فألفاضها معبرة اكثر من العامية

ولا تقولي لا اعرف

بل حاولي وانا واثق بانك ستستغربي من روعة ماكتبت

وفقك الله

دمتم سالمين

**ام البنين1977** · 31-10-2005, 06:11 PM

اهلا بالقلم الرقيق
ظننتك بدون رفيق !!
قلتي... قلمي و كتابي
هم فرحي و رثائي
فسعدت يقولك ...
فهم ايضا أعزائي
سعدت فيك يا القلم
حين نطقتي ...قلتي الحكم
لا تطلبي الوفاء من الناس
لان الوفاء ..عند رب الناس
ادعية بكل حواس
وقولي .......
رب كتبلي الاخلاص