لجل عينك أعـذب الشعـر أنثـره
وأكتب قصايد تخضع لك قوافيهـا
ولجل عينك ليل العشـق أسهـره
مواويل العشق لجل عينك أغنيهـا
ولجل عينك امشـي دربٍ أحـذره
دروب الجمر لجل عينك أمشيهـا
ولجل عينك بحر الشـوق أعبـره
تعصف أمواجه بروحي وتشقيهـا
ولجل عينك كل عمـري أخسـره
لجل عينٍ بألف عين وعين أشريها
ولجل عينك يـوم قلبـي تزقـره
لبيه لبيه وكل مـا فينـي يلبيهـا
يفز قلبي طير من فـوق اوكـره
يقطع لها بوادى الدنيـا وفيافيهـا
شوف عينك نـوت لكلـى بعثـره
اجمعني بعينك رتبني ف نواحيهـا
بعد عينك منهم أرجـو المعـذره
ما تسحرني عين لوبالحلا يغضيها
رياح الهجـر مجدافـي تكسـره
غريبه وعينك تنادينـي موانيهـا
الشوق مثل الجوع كافـر أكثـره
لى زاد عن حده المنيـة تواليهـا
عطشانه والظما منك مـا أقـدره
بموت جفت لهاتي مـن يرويهـا
ولى مت بك قلبي فصدرك إقبـره
يعيش قلبـي وروحـك يخاويهـا
والموت يكتبني سطر فـي دفتـره
وعينك فعاشقها ناسـك تعزيهـا
عاشق ومات لجل عينك وإذكـره
لعنبو عين تسوى الدنيا وما فيها