اخواتى العزيزات فى المنتدى:

هذه اول مشاركة لى فى هذا الركن. لقد تصفحت معظم مواضيع المنتدى و اعجبتنى جدا و استفدت منها كثيرا حيث انى عاشقة للاشغال اليدوية.

هل من احد فى المنتدى يعرف فن الشغل بالصوف Latch Hook بصراحة لا اعرف اسمه بالعربى و لكنى قمت بتنفيذ بعض الاشغال به و اعجبنى جدا حيث انه سهل للغاية و نتائجة رائعة و لكن جميع الاشغال التى نفذتها كانت على خامات مطبوعة جاهزة. حاولت انفذ بعض الرسومات بنفسى لكن اتضح انها صعبة بدون باترون. هل لدى احداكن بعض الباترونات اتنفيذ هذا النوع من الشغل؟

اعتقد ان باترونات الايتامين قد تكون مفيدة بعض الشئ لكن ليس مع كل الاشكال.

الصورة المرفقة هى لتوضيح نوع الشغل الذى تكلمت عنه

اختى العزيزة مرحبا بك واهنئك على هذا العمل الرائع
اما بخصوص هذا الفن بصراحة انا مقدرش افيدك بخصوصه
بس نحب كلنا انك تفيدينا باعنالك الرائعة وتخبرينا عن طريقة العمل

الفن ده جميل فعلا

وانا كمان اعتقد ان باترونات الايتامين ممكن تكون مفيده فيه
اسمه علي ما اعتقد بالعربي النفاش وكان فيه مواضيع هنا في الركن عنه لاخت ام عزيزان والاخت خوالي

تقريبا

السلام عليكم اريد ان اتعلم هذا الفن هل هو علي قماش او علي قنفاه او علي خيش يا ريت الي تعرف تعلمني او تكلمني عنه و شكرا

يا ريت نتعلم هاد الفن

وبارك الله فيك

اخواتى العزيزات:

لمن لا يعرف شئ عن هذا الفن و ادواته، الصورة المرفقة توضح نوع القماش و ادوات العمل مع العلم ان سمك الصوف لازم يكون كبير عشان المنظر يبان كويس

يا مبدعة من أين لك بهذه الأفكار؟

مشكورة اختى العزيزة

فكرة جميلة جدا هاحاول اطبقها

بصوا يا بنات الشغل ده سهل جدا و بيخلص بسرعة ممكن يكون خددية و ممكن يكون برواز و ممكن يكون سجادة حسب ما انتى عايزة.

المهم انك تلاقى القماش اللى تشتغلى عليه هو يشبه الكنفاه لكن مربعاته واسعة و نستخدم اداة زى الخطاف عشان تدخلى الصوف فيها. الحقيقة كل اللى اشتغلته قبل كدة كان بييجى القماش مطبوع جاهز و معاه الصوف متقطع على الاطوال المطلوبة و معاهم الخطاف

دلوقتى انا عايزة انفذ بعض الاشكال لوحدى بما انى عندى الخطاف و الحمد لله لقيت القماش بعد عذاب فى القاهرة و اللى ناقص التصاميم او الباترونات اللى اشتغل عيلها

هحاول الاقى صور توضع ازاى تستخدمى الخطاف مع الصوف