&& محتاجة أفكار لجهاز العروسة &&

**الشهد** · 21-08-2004, 11:44 PM

السلام عليكم ورحمة الله وبركاته

بنات نحتاج مساعدتكم , تعطونا أفكار لجهاز العروسة0

يعني نبغى طريقة حلوة نودي بها الجهاز لبيت العروسة..

مثلا الأحذية والشنط ,, نبغى طريقة حلوة لتغليفها ,, إحنا سمعنا عن طريقة خياطة أكياس
من قماش التل أو أي قماش خفيف ونحط داخله الأحذية والشنط ,, فلو فيه فكرة ثانية ياريت تقولولنا عليها
وكيف نختار نوع القماش .....

كمان المكياج والأرواج ,, كيف ممكن نزينها؟؟
والبكلات والاكسسوارات والأطواق نحطها في سبت ونزينها؟؟؟؟

أتمنى ألاقي عندكم أفكار ,, لأني محتاجتها ضروري وفي أقرب وقت00

**أم إستبرق** · 22-08-2004, 12:13 AM

هلا والله يا عمري ... قبل جم من يوم سويت جهاز لعروس من اهل زوجي ...

كان جهازها كله من صناديق الخشب الهندي الثقيل ( الي يكونون طقم ثلاثه نفس الموديل) وسلال خشبيه نفس الدرجه ( الي يكونون ثلاث داخل بعض) وصواني خشبيه بعد >>>> عشان يكتمل الطقم عند العروس لبيتها وزينتهم بتور سكري وبقواقع مع اوراق الورد الصناعي>>> يعني اعشاب بحريه وحطيت على كل قطعه( ملفوفه ابروحها) كرت اهداء باسم المعرس الي العروسه

حطيت الجنط مع الاحذيه مع العطو والمكياج في صندوق والبدل والدراريع والاقمشه في صندوق ثاني أما قمصان النوم والبجايم والملابس الداخليه في صندوق اصغر اشوي بس نفس الموديل

والمبخر والمرش وصينيتهم ولوازمهم فحطيتهم في سله من خشب ، والسجاده وثوب الصلاة مع جم كتاب ديني في سله ثانيه واللفات والعبايه في سله ثالثه ، والقران ابروحه شريتله علبه خاصه فيه وحطيته ،

وطبعا ما نسيت الحلويات والعلب الي تتوزع على المعازيم ، بعد في صواني خشبيه عشان يصير كله نفس الشكل

طبعا هذي شغلتي ... اذا تبين اوريج الصور تاخذين افكار ... بس انا ما اعرف انزلهم على المنتدى

**أم إستبرق** · 22-08-2004, 12:15 AM

اي نسيت اقولج .... حتى الشبكه زيتها في صندوق مع المهر ... وعندنا احنا انحط مرايا جدام العروس حق الملجه !! زينتها لها بعد

**- asma -** · 22-08-2004, 01:01 PM

اهلين شهودة

لقيت لك مجموعة من الصور أتمنى تفيدك..

http://www.utusan.com.my/utusan/albu...s/preview2.jpg

http://www.utusan.com.my/utusan/albu...s/preview3.jpg

وشوفي الصورة المرفقة..
عبارة عن علبة على شكل قلب ممكن تكون كبيرة نوعاً ما مغلفة بالمخمل تقدري تحطي
فيها العطور..

**عزيزه بإسلامي** · 22-08-2004, 01:56 PM

أختي الشهد أب أسأل عن طريقة الجهاز ،

أنا أول مره أسمع إنه يودون للعروس (( أحذيه وشنط وعطور وحتى القمصان نوم ...!!! ) ،

مادري احنا عندنا ماندز إلا المهر والشبكه في صندوق حلو وأنيق مع البخور وبعض العطور ،

بس تعجبت من هالطريقه ، والمهر شنو بتسوي فيه العروس مادام المعرس كل شي جهزا لها .

...!!!

سامحيني على هذا السؤال إذا فيه بعض الفضول ....

**وعود الخير** · 26-08-2004, 11:49 AM

عزيزة باسلامي...
عندنا في غزة ممكن ناخذ هذه الأفكار الحلوة في ارسال جهاز العروسة لبيت العريس .. حيث تذهب قريباتها لتعليق الجهاز وتكون ام العريس عازمة بعض قريباتها بدورها ليروا الجهاز...

بس مثل ما قلت اذا العريس جهز العروس شو بتسوي العروس بالمهر.. ؟؟؟ بس والله أفكار ام استبرق حلوة..