السلام عليكم
كيف الحال
وش الأخبار






تراني محرجة جدا وخجلانة مرة لأنني زودتها معاكم بس طلبات دون مشاركات فعالة
بس أكيد الأخوات لبعضهم ===========> يا كثر ها الكلام منك يا أم احلام



المهم ممكن أحد يساعدني في عمل نموذج بسيط مجسم لخلية نحل ؟؟؟ ‍‍‍!!

ولكن جزيل الشكر والتقدير

لو عندي وقت أم أحلام كنت ساعدتك أكثر...
بس رح أعطيكي رابط بالانجليزي، وشوفي إذا مناسب، ولو احتجتي ترجمة ما عليك سوى الطلب
http://www.bluebonnetvillage.com/bhive.htm

افا يا ام احلام غالي والطلب رخيص انتي بس تدللي
شوفي انا بسرعه خطرت على بالي هالفكرة بس ما ادري تنجح والا لا
شوفي حبيبتي جيبي علب روب ادري بتصير خلية نحل فريده من نوعها بس اتوقع انها بتصير حلوه
المهم صبغيها من بره اسود ومن جوه اصفر ولصقي العلب بعد ماتجف فوق بعض بمعنى انها تصير على شكل سداسي بس عامودي فهمتيني يعني مثلا نبدأ ب 3 علب وبعدين 4 وبعدين خط الوسط 5 وتحته 4 واخر خط 3 يعني شكل سداسي وجيبي من بعض الاسواق الشعبية يبيعون فراش انتي قصي من اجنحته بحيث تصير اصغر وصبغي النحلة بالألوان الاصلية لها واهو الاصفر والاسود ورشي داخل علب الروب اللماع الزري علشان يعطي شكل براق وحلو وكأنه فيه عسل حقيقي
عسى فهمتيني يا رب استر
المهم وهذي فكره علشان تبينين انه في عسل انك تاخذي الصمغ الحراري وتعملين منه على سطح املس كتل مثل شكل العسل المنساب ولما يجف الصمغ صبغيه بصبغ رش لماع ذهبي ولصقيه ( بعد ما تزيلينه بخفه من السطح الاملس ) في بعض فتحات علب الروب وكأن العسل يسيح من الخليه
ههههههههههههههها اشرايك ترى كل اللي قلت لك عنه تصور فقط من داخل مخي وحالا بدون تفكير انشاءالله اعجبتك الفكرة انتي بس تدللي
تحياتي لك حبيبتي

اعجبتني انا ياورد الصبا

بس ماشاءالله عليك هذا من دون تفكير اجل لو فكرتي ابدعتي






(موفقين ياعسل)

انت الخير والبركة يا ام احلام

ماشاء الله البنات أفادوك

عيني عليك يا ورد، فكرة حلوة جبتيلي بطريقتك فكرة قريبة...
ممكن علبتين بلاستك حجم متوسط، بنقلبهم بعكس بعضهم.. يعني فتحة العلبة الأولى على الثانية، وبنلصقهم ببعض. وقبل ما نلصقهم نكون عملنا ثقب في منتصف واحدة من العلب، لإدخال خيط للتعليق. وبعدين اعملي ثقوب مثل ما بتحبي فيها

تسلمون لي
بس تدرين يا اختي ايمان ليش ابي فتحات العلب لبره نشوفها يعني علشان تحط فيها مجسمات للنحل وكانه يشتغل في الخلية وبعدين امس وانا ابي انام قعدت افكر
فقلت تحط المجسم على غصن شجرة متين علشان يقدر يشيل المجسم وتثبت الغصن على قاعده والقاعده تلونها بلون اخضر مثل الحشيش وتحط عليها ازهار صناعيه
هههههههههههههه اشرايكم

الله يسعدكم حبيبات قلبي

ايمان أم الفزعات واحلى ورد واجوان والغالية صدى

شكرا جزيلا وبارك الله فيكن
سامحيني يا ورد بس ما فهمت كيف تكون رصة العلب يعني فوق بعض والا متجاورة معليش تراني شوي في الأعمال الفنية ثقيلة هههههههههههه
ايش رأيكم لو لستخدمت فناجين القهوة البلاستك مش تكون مناسبة
على العموم سأجرب وادعيلكم في كل الأحوال


تسلموا لأختكم الكبيرة أم احلام

اختي ام الاحلام اهم شيئ انها تكون مفرغة من الداخل وبعدين ترصينهم فوق بعض مثل وضع الخلية الحقيقية بمعنى انك لما ترصينهم وتلزقينهم تشوفينهم بالوجه يعني مو من فوق لا من الوجه
ما ادري فهمتي قصدي
تسلمين حبيبة قلبي

فهمت جزاك الله خير