اخواتي لقيت هذ الفكرة ولكن اريد من تشرحها كتابيا لاني لم افهمها اليكن الصور


طريقة خياطة مخدة محشية



























منقول

بسم الله الرحمن الرحيم
شوفى اختى انا فهمت القص والخياطه الحاجه الوحيده انى ما فهمتش بتتحشى منين بالضبط عالعموم انا هاقولك اللى فهمته يمكن تعرفى الباقى

اول حاجه الشرح طبعا على المخده اللى تحت لان دول اتنين واللى فوق عاديه جدا




نيجى بقى للمخده بتاعتنا الكاروه
اولا بنقص قطع متساويه من القماش من كل لون المقلم والمنقوش تمام والاتنين يبقوا متساويين برضه
اما اللون الابيض ده هو الظهر بتاع المخده وده نقصوا برضه قطع متساويه بس اصغر من مقاس قطع اللونين التانيين بحوالى سم مربع مثلا او اكتر سنه
بحيث لما نيجى نحط حواف الابيض والملون على بعض هتبقى الزياده اللى سبناها فى الملون طارده لجوه (يعنى هتعمل قبه زى ما انتى شايفه
تمام

هنقوم تانيين الحواف الزائده من النص (فى الملون طبعا) ونقوم واخدين غرزتين من كل نص حافه زى ما انتى شايفه من نص الحافه فقط

ونطبق ده على كل القع ونرصها بالطريقه دى عشان نعرف شكلها لما هتتخيط

لحد كده انا فاهمه تمام
بس فى خياطة المكنه هنا مش مبين هيحشوها ازاى بعد ما خيطوها

لكن بصى ممكن نعمل ايه
نخيط حواف الابيض مع بعضه (طبعا هو مشبوك فى الملون بس ده من نص الحواف بس يعنى فى فتحات من الزوايا) فبعد ما نخيط حواف البيض كله بتكون شكلها اتكون فبنروح حاشيين بالفيبر واحده واحده من فوق وبعدين نفقل
او جاتلى فكره تانيه ان مثلا هنا نخيط الاتنين دول من ثلات جهات ونحشى من الرابعه وبعدين نحط واحده نثبتها ونحشيها وبعدين واحده اخرى وهكذا

الحقيقه مش متاكده من كيفية الحشو بس جربى فى ورق قصيه بالطريقه وشوفى كده

واكيد الصور دى ناقصه ارجعى للموقع تانى لعل فيه تكملة الحشو

اتمنى اكون وصلتلك حاجه مش رغيت على الفاضى
وحاجه كمان اعذرينى لو كتبتى رد تسالينى عنها وانا ما ردتش اليوم عشان بقعد قصير اوى

شرحك مظبوط يا نيجار وكله صح
وانا شفت شرح المخدة دي في برنامج الباتشورك
وكانت الخطوات هي نفسها الي انتي شرحتيها وخيطت المربعات كلها مع بعض بنفس الترتيب الي في الصورة
وبعد كدا قصت المربع الابيض من نصه وحشيته بالفيبر وبعد ما خلصت قفلت الفتحات دي بالسراجة
وبعدين عملت بطانة تانية بمقاس المخدة كلها دا غير الظهر بتاع المخدة الي بيتركب فيه السوستة
يارب اكون قدرت اوصلك الفكرة

أهلا بيكى ياسمسمه
انا فهمت شرحك عن طريقة الحشو
واتمنى نكون افدناكى يا مولودية
وعلى العموم ياسمسمه لو عندك الصور بتاعت الحشو نزليها هنا عشان نكون شاركناها اكثر بالشرح والصور

شكرا لكن اخواتي على المساعدة الله يجعلها في ميزان حسناتكن والله يرضى عليكن

والف شكر حبيبتي نجار على الشرح واسفة تعبتك معايا الله لا يحرمني منك والله يسعدك دنيا واخرة