ماما واختى مسافرين العمره بعد يومين عقبالكم كلكم جميعا ممكن اعرف هما ممكن ياخدوا معاهم ايه للى راحت قبل كده يعنى من الادويه ولوازم السفر المهمه طبعا غير اللبس وهل ياخدوا معاهم اكل او معلبات حد يرتبلى وجزاكم الله الف خير

وعليكم السلام ورحمة الله

مبارك حببتى عمرة مقبولة ان شاء الله

اولا حببتى الملابس لازم تكون قطنية لان هنا الحرارة مرتفعة شوية

ثانيا الادوية ممكن ادوية المغص واذا كان فية بعد الشر يعنى ادوية ضغط وسكر

ممكن مسكنات للحرارة من باب الاحتياط
اما الاكل فمش لازم كل حاجة متوفرة هنا الحمد لله
لو اكل فى الطريق فقط

وربنا يرجعهم بالسلامة وعمرة مقبولة ان شاء الله

شكرا ام بودى على الاهتمام والرد ويجعله فى ميزان حسناتك

بارك الله فيك ام بودي

وربنا يرجعهم بالسلامه وتقبل الله صالح الاعمال

مبروك حبيبتي انا لسه جايه و الله الدنيا هناك اكثر من رائعة
المهم لازم ملابس قطنية
ادوية للصداع
كريمات ممكن للتسلخات عشان كثرة المشي
فيكس عشان الرجلين ما ينتفخوش
لوازم الاستحمام من شامبو و صابون و فوط
ملاية عشان الاوتيل ممكن يكون فرشو اي كلام
ممكن جبنة مثلثات و خيار و بقسماط
غير كده في اكل بس مش اوي يعني
المهم من ده كل انك بتنسي دنيتك كلها ما بتفكري لا في اكل و لا شرب و لا اي حاجة خالص ممكن تصحي الصبح سبحان الله تشربي ماء زمزم و تمر بفضل معاك لبعد العصر و من العبادة و جمالية المكان و الله مش بيشغلك اي حاجة غير التعبد و روعة و روحانية المكان
عمرة مقبولة و يرجعوا انشاء الله بالسلامة و اتمنى اكون افادتك
و الله العظيم ما كنتش عايزه اجي
و الحمد لله

الحمدلله الاخوات ماقصروا

وحياكم عندنا

وعمره مقبوله يارب

البنات ماقصروا وحياكم في بلاد الحرمين

يروحوا ويرجعوا بالسلامة

لو هيروحوا برى اكيد طبعا لازم ياخدوا اكل وماء معهم وطبعا بجانب مناديل ورقية وصابون وفوطة

وعن نفسى لانى بقرف جدا اخدت ديتول وقاعدات تواليت اكياس هتلاقيها فى فتح الله جناكليس

وشبشب لانهم لن يستحملوا الاحذية يعنى ياخذوا شىء مريح للقدم

يفضل انك تعطيهم معلبات لان الاكل غالى احنا اخدنا معنا معلبات ويمكن رجعنا باغلبها لان

ما كنات بناكل كان اهم شىء نقضى الوقت بالحرمين فما كنا بنجوع يمكن ماما بس لانها مريضة

سكر وبتاخذ علاج واحيانا اشترينا اكل جاهز من هناك مشويات يعنى

هقول لك على مكانين عجبونى هناك لشراء اشياء فى المدينة مزايا مول اسعارة حلوة وبه اشياء عجبتنى

فى مكة فى مكان اسمة رامز مول بجانب أريام الدولى دول اللى رحتهم كان اسعارة حلوة رامز وبه اشياء كثير

والله اعلم بقى

كان فى ناس اقترحوا علينا لاجهزة مكان اسمة العيدروس بس مارحت مالحقت الوقت جرى بسرعة وما نتى عايزة تتركى الحرم وتلفى وتحسى انك لم تقضى وقت كافى فى الرحم والوقت بيجرى ومش عايزة تتركية وترحلى ربنا يكرمنا ونرجع تانى اتقهرت وانا راجعة ما كان لى نفس ارجع
وخصوصا فى المدينىة كنت هعيط واحنا بنركب علشان نروح مكة بس كانت هينة لاننا رايحين مكة لكن الصدمة بقى واحنا ماشيين من مكة مش عايزة امشى وكان نفسى ينسونى هناك

خلى والدتك واختك يدعولى ارجع ربنا يكرمنا ونتابع بين الحج والعمرة ويكرمنا ونكون من اهلها

شكرا للاهتمام ام سوسو وام تولين وروز والعضوه الجديده وربنا يجعلها فى ميزان حسناتكم ويكرمكم امين

كتبت بواسطة om salsapil

يروحوا ويرجعوا بالسلامة

لو هيروحوا برى اكيد طبعا لازم ياخدوا اكل وماء معهم وطبعا بجانب مناديل ورقية وصابون وفوطة

وعن نفسى لانى بقرف جدا اخدت ديتول وقاعدات تواليت اكياس هتلاقيها فى فتح الله جناكليس

وشبشب لانهم لن يستحملوا الاحذية يعنى ياخذوا شىء مريح للقدم

يفضل انك تعطيهم معلبات لان الاكل غالى احنا اخدنا معنا معلبات ويمكن رجعنا باغلبها لان

ما كنات بناكل كان اهم شىء نقضى الوقت بالحرمين فما كنا بنجوع يمكن ماما بس لانها مريضة

سكر وبتاخذ علاج واحيانا اشترينا اكل جاهز من هناك مشويات يعنى

هقول لك على مكانين عجبونى هناك لشراء اشياء فى المدينة مزايا مول اسعارة حلوة وبه اشياء عجبتنى

فى مكة فى مكان اسمة رامز مول بجانب أريام الدولى دول اللى رحتهم كان اسعارة حلوة رامز وبه اشياء كثير

والله اعلم بقى

كان فى ناس اقترحوا علينا لاجهزة مكان اسمة العيدروس بس مارحت مالحقت الوقت جرى بسرعة وما نتى عايزة تتركى الحرم وتلفى وتحسى انك لم تقضى وقت كافى فى الرحم والوقت بيجرى ومش عايزة تتركية وترحلى ربنا يكرمنا ونرجع تانى اتقهرت وانا راجعة ما كان لى نفس ارجع
وخصوصا فى المدينىة كنت هعيط واحنا بنركب علشان نروح مكة بس كانت هينة لاننا رايحين مكة لكن الصدمة بقى واحنا ماشيين من مكة مش عايزة امشى وكان نفسى ينسونى هناك

خلى والدتك واختك يدعولى ارجع ربنا يكرمنا ونتابع بين الحج والعمرة ويكرمنا ونكون من اهلها

ربنا يكتبهالك تانى وتالت ان شاء الله وشكرا على الرد والاهتمام وبجد ها اكد عليهم ان شاء اللى يدعولك وانا كمان اروح انا وزوجى ويكتبهالنا ان شاء الله وهاقول لاختى على الاماكن اللى قولتيلى عليها وعلى فكره هما هايروحوا طيران وماما كمان عندها السكر علشان كده كنت بسائل على الادويه وربنا يشفيلك مامتك وماما يا رب وشكرا