سلام عليكم ورحمه الله وبركاته
اولا كل سنه وانتم طيبين .................
ثانيا انا كنت بفكر ادلع الاب توب واعملو كفر وجبت الادوات وعملتو وبعد مخلصتو قولت احطو لاخواتى عشان لو عجبهم ينفذوة وطريقتو سهله خالللللللص
اولا ؛الادوات
1- قماش شكلو عجبك ويفضل يكون من الفرو عشان يبقى شكلو اشيك او من الجينز عموما الى عندك اعملى بيه
2-مسدس شمع
3-مسطرة
4- قلم رصاص
5- استك عريض بس مش اوى الى هو دة
6- دبدوب صغير او قلب ا اى حاجه تيجى فى بالك تنفع للتزين بس يراعى ميكنش حجمها تقيل عشان متآثرش على شكل الكفر
ثانيا طريقه العمل
-اول حاجه هعملها انى اخد عرض وطول اللاب وازود على المقاس الى خدتو تلاته سنتى فى العرض والطول
-وانزل المقاسات دى على القماش واكون عندى قطعتين قماش هقصهم بشكل مستطيل ونفس المقاس الى هو مقاس اللاب زائد تلاته سنتى زيادة وهيبقى عندنا قطعتين بالشكل دة
-بعد كدة هتنى اتنين سنتى من الزيادة الى خدتها عن مقاس اللاب بالشكل دة
-بعد كدة هتنى الاتنين التنيه الى عملتها نص تنيه كمان باالشكل دة
- بعد كدة هضع القماش مقابل للاب عشان اعلم بالمسطرة والقلم الرصاص على المكان المقابل لمكان وصله النت والكابل بتاع الكهربا على القماش بالشكل دة
- دة هيكون شكلها بعد مقص المكان دة
-وهتنى الطرف التالت للقماش بالشكل دة
- وهخيط الطرف الرابع للقماش فى بعض يعنى هشبك القطعتين فى بعض من الطرف الرابع للقماش
- هعلم على زوايا القماش من الاربع اتجاهات بالقلم الرصاص والمسطرة عشان دة المكان الى هيركب فى اللآستك الى هيمسك اللاب بالكفر
-وبعد مركب الآستك واالبس الكفر للاب هيبقى بالشكل دة
- دة شكلو وهو مقفول
- ودة وهو مفتوح
يارب تعجبكو الفكرة وتدلعو اللاب انتو كمان
الروابط المفضلة