سرب الحمامات<<<<<اشطر ستات بيوت

**عطر الشموع** · 31-10-2009, 10:25 PM

على بركه الله نبدا موضوعنا هناااااا

وهو عباره عن مجموعه سيدات اجتمعوا على هدف واحد

هو الحب في الله

بنتشارك في جميع خبرات الحياه سواء خبرات منزليه او خبرات

زوجيه او خبرات مطبخيه و حتى التعليميه و كمان صحيه

يعني كل شئ في حياتنا بنشجع بعض عليه

....................

سرب الحمامات<<<<اشطر ستات بيوت

**عطر الشموع** · 31-10-2009, 10:30 PM

هبدا انا ....

من شويه ابني طلب مني ياكل رماان و طبعا كلنا عارفين اد ايه الرمان ممل جدا

في تفريطه

فجربت طريقه كنت شفتها في فتافيت <<<<قطعت الرمانه بالسكينه من النص

و جبت عصاره الليمون الاستانليس و فضلت اضرب على ظهر الرمانه

و كله اتفرط في ثواني ولا لغبطه ولا زروطه و ايدي زي الفل

**tadoh** · 31-10-2009, 10:46 PM

السلام عليكم ورحمه الله وبركاته اختي عطر جزاكي
الله خيرا علي الموضوع الجديد ربنا يجعله فاتحه خير
علينا جميعا واسأل الله العظيم رب العرش العظيم كما
جمعنا في الدنيا بغير ميعاد ان يجمعنا في جناته جميعا.

**mado2006** · 31-10-2009, 10:52 PM

تركيبة تنضيف قماش الانتيريهات والسجاد
هنجيب وعاء كبير ونحطفيه ربع كوباية صابون سايل وربع كوباية خل ونصف ملعقة نشادر وكوباية ميه هيحصل فوران فى التركيبه كده تبقى جاهزة وبعدين نجيب ليفه بلاسيتك ناعمه او سفنجه ونبدء فى تنضيف القماش ونشف بقماشه مبلولة بماء نضيف

اما السيراميك فاحسن حاجة ليه نضيف على ماء المسح شوية جاز او صابون سايل هتلاقوه بيبرق

النمل احسن حاجه ليه جربتها هيه ميه مذوب فيها قليل من النشادر فى بخاخه
مبيد حشرى للقضاء على الصراصير من اختراعى وجربته وكان هايل جبت بودرة صراصير اى نوع وحطيتها فى بخاخه وحطيت عليها جاز ورجيت السائل وبقيت ارش منه فى اى مكان فيه صراصير تموت فى الحال وبكده نوفر تمن المبيدات الغاليه

لصابون السايل نحط عليه ملعقة ملح وملعقة كربونات هتلاقوه تخن وبقى عامل زى الشامبو وهيبقى حلو اوى فى غسيل الاطباق

تنضيف الحمامات هنجيب ملعقة نشادر وكمان ملعقة خل وصابون سايل وكوباية ميه ونسيبهم على ارضية الحمام وبعدين ننظف بفرشاة ونشطف بالماء

**rawanyo** · 31-10-2009, 10:57 PM

ايوه يا عطر ان شاء الله يبقي التجمع مفيد لينا كلنا

**Rana363** · 31-10-2009, 11:22 PM

اختى لمثل هذه الموضوعات شروط الا تخرج عن موضوعات المختصه بالركن وعلى صاحبه الموضوع مراقبتها والتبليغ عن اى مخالفه والا سوف تغلق

موفقات وبارك الله فيكم

**محبة للاسلام** · 31-10-2009, 11:37 PM

السلام عليكم
ياريت اكون معاككو افيد و استفيد
براد الشاي لو عاوزاة يبقي نضيف من جوة بدون عناء حطي مية و خل كتير وسيبية يغلي حيروح كأنة جديد
لو لزق حاجة في الحلة حطي حبة مية صغيرين و شوية صابون سائل وسبية يغلي وبعدين ادعكي حيطلع علي طول
و يارب اكون فيدكو

**omfatema** · 01-11-2009, 01:32 AM

لوسمحتوانا كمان عاوزةاشارك
الخل ليه استخدامات كتير فى النظافة
يعنى تضعيه مع ماء وصابون سائل وتدعكى بيه القيشانى والسيراميك
وايضا تدعكى بيه الحنفيات والخلاطات
بيخليها تبرق وكانها جديدة
ده اللى فكراه دلوقتى
ولو افتكرت شىء تانى حقوووووووووول علطول

**خيرزاد** · 01-11-2009, 04:56 AM

جزاكى الله خيرا وجزاكم جميعا
انا برضه باستخدم الخل كتير تقريبا فى كل التنضيف
مثلا اعين البوتجاز تنقع فى ماء ساخن وخل وشويه ملح وممكن نعصر نصف لمونه = لمعان كانه جديد
لكن يستحسن تتنقع مثلا ليله اويوم كامل تكونى خارج المنزل لانك طبعا مش هتشتغلى عليه

**ميرندا محمود** · 09-11-2009, 11:55 PM

عطر الشموع حبيبتى منورةانا لسة داخلة بالصدفة ولقيت اشطر ستات بيوت سرب الحمامات يلا يا بنات شاركوا وخلوا الموضوع ينور بيكم انا النهاردة كان عندى شغل كتير فى البيت وعملت على الغدا كفتة ارز واللة تحفة ومعاها رز بالشعرية وسلطة ولسة عندىتنضيف كتير ادعوا لى ولتنضيفالحمام استعمل هاربيك او فلاش بيخلوة فل يالة قولولنا على وصفاتكم المنزلية بس تكون مجربة علشان كلنا نستفيد