لأصحاب الهوايات اليدوية !!!

***سمسمية*** · 04-06-2009, 12:37 PM

السلام عليكم
ممكن يا جماعة حد يقوللي ما اسم هذه الخرامة
عشان عاوزة اشتريها
واجبها من مصر من اي حتة بالضبط
محتاجاها اوي لو سمحتم

جزاكم الله خيرا

**samahseleem** · 04-06-2009, 01:13 PM

ممكن تسالى عليها فى مكتبات سمير وعلى
توصفهاله وتقولولى له هى بتعمل ايه بالضبط
ممكن حد فى المكتبه يكون عارفها

**chrysanthemum** · 04-06-2009, 06:11 PM

خدى صورتها واسألى علي اسمها فى أى محل متخصص فى بيع الأحذية الرياضية ولو سألتى حد شغال فى مصنع يكون أحسن لأنهم بيستخدموها فى تخريم مكان الرباط.

**chrysanthemum** · 04-06-2009, 06:32 PM

على فكرة عملتلك بحث على بعض كلمات وطلع اسمها كماشةخرامة(زرادية خرامة) والله أعلم ،بيستخدموها فى خرم الجلود.بس مش عارفة بتكبس المسامير ولا لأ وبتيجى منين الله أعلم أنا مش من القاهرة.

**رويدا2005** · 04-06-2009, 06:43 PM

يا ام خالد مرحبا بك الخرامة دى فى القاهرة فى العتبة
فى الرويعى شارع عدد الاحذية ... لما تجبيها طمننى
واى خدمة

***سمسمية*** · 05-06-2009, 08:33 PM

كتبت بواسطة samahseleem

ممكن تسالى عليها فى مكتبات سمير وعلى
توصفهاله وتقولولى له هى بتعمل ايه بالضبط
ممكن حد فى المكتبه يكون عارفها

جزاك الله خيرا حبيبتي

كتبت بواسطة chrysanthemum

على فكرة عملتلك بحث على بعض كلمات وطلع اسمها كماشةخرامة(زرادية خرامة) والله أعلم ،بيستخدموها فى خرم الجلود.بس مش عارفة بتكبس المسامير ولا لأ وبتيجى منين الله أعلم أنا مش من القاهرة.

انا تعبتك معايا يا غالية ربنا يبارك لك

كتبت بواسطة رويدا2005

يا ام خالد مرحبا بك الخرامة دى فى القاهرة فى العتبة
فى الرويعى شارع عدد الاحذية ... لما تجبيها طمننى
واى خدمة

متشكرة جدااااااااااااااا ليكي يا رويدا يارب اعرف اعطر فيها
والله يا جماعة تعبتكم شكرااااااااا ليكم اوي

**ماما سميحه** · 14-06-2009, 02:06 AM

يارب تروحى وترجعى بسلامة الله.للاسف شفت رسالتك ربما متأخره واحتمال لقيتى الخرامه ولكن حادلك حسب معلوماتى,فى القاهره وفى اول شارع الموسكى من شارع بور سعيد فيه حاره صغيره بيبيعول فيها لوازم واكسسوار الشنط اسألى عن ماكينة كبس الكبسولات بتاعة الشنط هى ب 35 جنيه ولونها اخضر(مش شيك زى الخرامه اللى فى الصوره ولكن بتقوم بنفس الغرض) عند نفس البائع اسألى عن الكبسول والكيس فيه حوالى 1000 ب 15 جنيه ولكل نوع كبسول فيه قطعتين بيركبوا فى الماكينه واحده فوق والتانيه من اسفل اسمهم (لقم) بضم اللام سعرهم من 15:20 جنيه لان كل نوع كبسول بيبقى له مقاس معين. واعتقد اذا سألتى فى السويس اسألى محل لتصليح الاحذيه والشنط وبأمر الله حتلاقى ضالتك وربنا يوفقك.يارب اكون قدرت اساعدك فى المعلومه,وياريت تطمنينى