اصنعى بنفسك دبابيس طرحتك

**سلمى المصريه** · 03-05-2009, 01:27 AM

بسم الله الرحمن الرحيم
اخواتى الاعزاء الموضوع ده انا عملاه مخصوص لاخت كانت بتسال عن طريقه عمل العجينه وليكم طبعا

طبعا كلنا عارفين ان الدبابيس تمنها غالى وبنصرف عليها كتير و بنكون عايزين نزين الطرحه بيها
وليكم أفكار حلوه انكم تعملوهاأول فكره: فى دبابيس طويله بتتحط على الطرحه من جتب بتتباع فاضيه من غير الحليه و فى أحجار و خرز كبير بيتباع كل ده فى محلات الكلف و طبعا هتقولى ألزق الحليه فى الدبوس ازاى وهقولك تمسكى طرف الدبوس بايدك و الطرف التانى تقربيه من النار و أول ما طرف الدبوس يحمر من النار أمسكى الحليه و دخلى الدبوس فيها و الطرقه دى الدبوس مش هيتفك ومش مكلفه بالمره وممكن تعمليها فى دبابيس المشبك
تانى فكره : عجينه السراميك و بتتعمل ازاى أكيد معظمكوا نفسكوا تعرفوا ازاى
المكونات : ربع كيلو برطمان غراء أبيض
نشا
زيت فازلين (عباره عن فازلين عادى و بتسيحيه ع النار )
الطريقه :
نصب الغراء كله فى طبق غويط و نشوف كان البرطمان مملى لحد فين و تحطى النشا مرتين على أد ماكان البرطمان مملى و بعدين نصب زيت الفازلين و نقلب كل ده مع بعض بمعلقه خشب لحد ما تبقى عجينه ولو العجينه ناشفه زودى شويه غراء ولو طريه قوى زودى شويه نشا و لما تخلصى حطيها فى كيس مقفول عليها كويس و لايصل ليها الماء حتى لا تنشف و لا الهواء حتى لا تعفن و تخدى منها اللى انتى عايزاه و تلونيها و تشكليها الشكل اللى تحبيه و تغرسيها فى الدبوس و تسبيها لحد ما تنشف و للانجاز حطيها أدام المروحه و ممكن تضيفى البرونز علشان تديه شكل حلو أو زينه أكتر
جربى و أدعيلى و قولى ايه رأيك
ودى بعض الاشكال