خلونا نشجع بعض !!!!!!!

**نورلينة** · 19-02-2003, 05:07 PM

السلام عليكم ورحمة الله وبركاته

المره هذي ماعندي فكره عشان أنزلها (مع ان الأفكار بالهبل عندي)

بس حابه انه نتكلم عن الأعمال اللي ننزلها في المنتدى .......

كثيره هي الأعمال الفنيه اللي نطرحها ........

لكن هل ننفذها ولالأ ؟

وماهو العمل اللي نفذتيه من ضمن الأعمال المطروحه ؟

هل واجهتك صعوبه في تنفيذه؟

هل ظهر بالصوره اللي تمنيتيها أو أحسن أو أسوأ؟

****************

بصراحه يابنات انا قبل ماأسجل في المنتدى كنت أنفذ معظم الأفكار اللي أشوفها هنا واذا مالقيت شي جديد هنا رحت أدور في المنتديات الأخرى

بس الحين ......صرت كسلاااااااانه مرررره فيه أفكار كثيره تعجبني بس أتكاسل أسويها

الحين بتقولون أجل الأفكار اللي تنزليها ليه ماتنفذيها

ياللا تعالوا نتكلم بصراحه ونشجع بعض .......
يعني مثلاً .....نحاول ننزل فكره بسيطه وكل وحده مننا تنفذها وبعد اسبوع نخبر بعض بالنتيجه
بس طبعا نعملها بصراحه وأمانه

**شمالية غربية** · 19-02-2003, 09:09 PM

حلووووووووووو..

بالنسبة لي تعجبني الافكار اللي تحطونها ..واتحمس كثيييييير اني اسويها

لكن يمنعني ..عدم توفر الخامات في المدينه اللي انا فيها ..

حتى التحف والاكسسوارات حقت البيت ..اشتريها لما انزل للرياض .

يعني فكرة صدى حقت الشموع عجبتني ونفسي انفذها ..لكن العناصر حقتها مستحييل القاها

هون ..

**- asma -** · 20-02-2003, 07:31 AM

الفكرة اللي دائما انفذها هي الأكياس الورقية

احب ابتكر فيها واخليها من أوراق التجاليد اللي تعجبني

تااااااااااااااااااني شي

في افكار انزلها وما تنعمل لأنها تحتاج مساحة كبيرة وانا غرفتي تبع السكــــــــن كلها 2 ونص في 2 ونص يعني ياااااااااااااااااااااااادوب تكفي كتبي وقرابيعي

لكن فيه افكار اكون شفتها في البيت يعني يا انه تكون ماما عاملته او احد من اخواتي زي مثلا تنسيق الزهور هذا مررررررررررررة ماني فالحة فيه لكن ماما ماشاء الله تحب الشيء هذا معبية البيت ورووووووود

ومنها بديت اهتم

-----------------

شمولة

انت في مدينة

الأدوات كلها شموع وورود طبيعة وفلين أخضر ووووووووو

لا تكوني في الربــــــــــع الخالـــــــــي

**نورلينة** · 20-02-2003, 01:34 PM

طيب ياحلوين

أنا أكثر الأفكار اللي أنفذها هي اللي خاصه بالهدايا والشموع والتجديد بالإستنسل وشغلات السلال......

بس هذا كله كااااااان زمااااااااان
الحين يالله أقوم أعملي كوب حليب (أعوذ بالله من الكسل)

وأنا اليومين هذي مجمعه مجموعه كبييييييره من علب الحلويات والمكسرات اللي على شكل اسطواني .......شكلي راح ارميها اذا ماشجعتوني

**********
طيب ياللا يابنات ......ايش رأيكم ننزل فكره بسيطه ونتنافس في تنفيذها
اذا موافقين قولوا عشان نختار الفكره............أنتظركم

**نورلينة** · 20-02-2003, 03:27 PM

على فكره أنا عندي سؤال من زمااااان ودي أسألكم .......
بس شفتوا الكسل كيف نسّاني

أنا ناويه ألصق مجموعه من المرايات الصغيره (20×20سم) و(10×10سم) على الجدار بشكل ما

بس أبي أسأل عن الصمغ المناسب والقوي لأني راح الصقها على الجدار مباشره .......

**رسن** · 20-02-2003, 06:26 PM

انا احب انفذ طرق لتنسيق الشموع او العمل على الزجاج وهوايتي هي الفن

لكن ما تحمست مره لاني انا واهلي الان في امريكا لكن اجمع افكار عشان
انشاء الله اذا رجعنا انفذها

باي

**البشرى** · 21-02-2003, 12:00 AM

اما انا يااااااااااما استفدت منكم الله يجزاكم خير
من المواضيع الي استفدت منها
موضوع لشمالية غربية فيه افكار لتعليق اللوحات
..........................الصراحة كان روووووووعة
وهو اني علقت لوحة كنت حاطتها بالمجلس الرسمي للضيوف(لان بيتي تفصال امريكي)الله يهدهم
المهم علقت اللوحة ببقايا القيطان الستائر الي في نفس المجلس
وايضا عملت من نفس القيطان زي التعليقة على الابجورة (كانت فكرة انفال الله يعافيها)..
ولبست من نفس القيطان فازة كانت على طاولة المجلس
يابنات كل من جاء عندي بالبيت اعجبته وسألني من اي محل شاريه هالطقم؟؟
ولو ابعدد الافكار ما انتهيت
غرفة المعيشة خليتها شي ثااااااااااااااااااااااني
استفدت من افكار الخداديات وصنعت بنفسي خداديات مناسبة للون الطقم الموجود بالغرفة
وخيطت بنفسي مفرش للطاولة
وغيرت من شكل الابجورة لانها كانت قديمة شوي
..................ماتتخيلون كيف احلوت الغرفة وتغيرت
كل هذا بفضل الله ثم بفضلكم
الي كل ما اسوي شي جديد من افكاركم ادعي لكم وحدة وحدة
....................................الله يجزاكم خير كلكم.....................................

**بنت بلدها** · 22-02-2003, 02:16 PM

أنا والله نفسج

الكسل مره ذابحني

ومره كمان

المواد مو عندي

بس أنا وياج شرايج نتعاون

يالله نبدأ

تسلمممممممممممممممممممممممين

**طـــيـــــف** · 22-02-2003, 11:08 PM

أهلين نــــــــــــور

آسفه ما عندي شي أقوله

غـــــــــيــــر؟؟؟؟؟؟

اني معجبه وااااايد بمشاركاتج ومواضيعج تجنن وتعجبني

وأي موضوع ألقى اسمج فيه أدش على طوووول عشان أقريه

ومشكوره على المجهود الطيب

**نورلينة** · 23-02-2003, 09:59 PM

هاه يابنات ياللي دخلتوا ماعندكم فكره تطرحونها عشان ننفذها سوى ونترك الكسل

ياللا لاتطولون أكثر ........

رسن متى بترجعون ان شاء الله ......اذا مطولين في أمريكا لاتتكاسلين نفذي الأعمال (علمي نفسك)

أم وريحانه ....ماشاء الله عليك ...والله انك حرمةٍ سنعه ...ياللا عطينا فكره

بنت بلدهااااااااا....يالكسلانه ....طلعي في غيري كسلانين وأنا مدري

طيف ....أسعدني كلامك جداً واخجلني وان شاء الله أكون عند حسن ظنكم ...مع اني والله أشوف أنه فيه كثير من الأخوات مميزات أكثير مني بكثييييير