السلام عليكم ورحمة الله وبركاته
أخواتى الحبيبات اسعد الله صباحكم كيف حالكم يعنى عاملين ايه انهارده انا جيبالكم حاجه كدا عملتها امبارح على السريع لواحده صحبتى زنقتى فى هديه عشان اكل عندها حتة كيك صغيره بمناسبة التجديدات اللى حصلت فى مطبخها
وقررت تعزمنى على حتة كيك صغيره مقابل حاجه من تحت ايدى
المهم مخبيش عليكم نظرا لديق الوقت لانى لازم الحق الكيك قبل مايخلص ههههههههههههههههههههه عملت الحاجه دى اللى انا حابه اوريهالكم ويارب تعجبكم اسمحولى يعنى .
نبدأ ببسم الله الرحمن الرحيم
اول حاجه نظرا للديكور الجديد بتاع المطبخ هى قلبت نوعه من الوميتال الومينيوم يعنى الى خشب زان فكرت انى اعمل حاجه برضو من نفس الخامه يعنى خشب عشان تنسجم مع الديكور العام للمطبخ معايا اول حاجه
روحت عند اقرب سرير فى البيت وبصيت شمال وبعدين يمين واتأكدت ان محدش شايفنى المهم وبسرعه سحبت
لوح خشب اللى هو الموله عندنا اسمه كدا فى مصر
وجريت بيه على البلكونه بسرعه هههههههههههههههههههههههههه معلش بحب روح المغامره المهم ما اخبيش عليكم هو صحيح اللى استخدمته لو خشب بتاع سرير بس زياده والله وبعدين هو مركون فى البلكونه بس انا قولت اكيد حييجى اليوم اللى استخدمه فيه والحمد لله مافيش حاجه بتخسر جبته وبالمنشار قصيت منه جزء عباره 25 سم فى 20 سم وبعدين بقلم الرصاص علمت مسافة 6 سم من جهه واحده ونشرت تانى عشان يدينى شكل بيت العصفور معايا والصوره حتبين اكتر قصدى ايه
المهم لغاية كدا دا هو اصعب حاجه فى الموضوع
وحنجيب سدابه اكيد عندنا ديما فى البيت بتتبقى من اى شغل او ترميم لاى ديكور حائط او شباك عرفتوها المهم حتى لو مش متوفره ينفع اى نوع خشب رفيع السمك وحنقص منه قطعتين طول كل واحده 14 سم وحنحضر كمان حتة خيش صغيره جدا زى اللى فى الصوره
ودى باقى الادوات عباره عن مسدس شمع + مسامير اى طول يناسب الخشب + تعليقه البراويز اللى لونها دهبى فى الصوره + مسامير عين الكتكوت بتاعت المنجد + شاكوش + منشار ودا دوره انتهى فى الجزء الاول + واللى فى العبوتين الزجاجتين دول استر هو صحيح ربنا يستر والهديه تعجبها بس اللى انا اقصده بالاستر للى مايعرفهوش هو صباغه للخشب موجوده عند النجار عشان كدا بيسموه استرجى و ب 2 جنيه يفضلو عندك سنه وانتى بتستخدميهم وانا جايبه اللون الجوزى واللون الاسود واللون التالت بيبقى احمر ماهوجنى بس مش بيعجبنى كتير
ودى اخر المكونات عباره عن زجاجات صغيره بجبها من عند العطار وهو بيستخدمها
لوضع الزيوت فيها وبمسدس الشمع حنغطى الزجاجات دى بعد ما نعبيهم بأى حبوب متوفره عندنا او مدة صلاحيتها انتهت او حتى ممكن نحتفظ باللى بطلع من بعد تنقيتها مش مهم مش حيبان يعنى
وهنا بعد مادقيت الخشبه اللى نشرتها مع السدايب وحطيت التعليقه من الخلف وزينت الخشبه بعد ما دهنتها بالاستر بمسامير عين الكتكوت
وهنا بمسدس الشمع لزقت الزجاجات الصغيره وزينت شويه الخشبه بشريطه دهبى مع ورده انا اللى عملاها برضو
ودى واحده تانيه اصلى بحب اللون الاسود اوى وكتبت بانبوبة ريليف عباره قال يعنى عشان يطلع شكلها كلاسيك شويه وبنت ناس هههههههههههههه
ودول الاتنين مع بعض مش السوده احلى والا ايه رأيكم ؟؟؟؟؟؟؟؟؟؟؟؟؟؟
المهم انا عارفه ان العمل بسيط بس انا حبيت اعرضه عليكم وبعدين طريقة التزيين مش مشكله تختلف من واحده للتانيه لاننا ديما بنتصرف ونزين على حسب الامكانيات المتاحه عندنا بس انا من حبى فى كل كل الاشغال اليدويه تقريبا بقى عندى مرض ههههههههههههههههههههههههههههه انى اجمع اى ادوات او اكسيسوارات او خامات كله بينفع ومش بيخسر خالص
اترككم فى رعاية الله وامنه وحفظه
والسلام عليكم ورحمة الله وبركاته
الروابط المفضلة