السلام عليكم ورحمة الله وبركاتة انا لسة مشتركة في المنتدي فارجو ان تقبلوني اختا لكم واجو ان تفيدوني في هذا الموضوع انا عندي بنتين الكبرى 21عام ولحد دلوقت ماجهزتهاش ان شاء الله هنزل اشتري ادوات المطبخ لها بس معنديش خبرة في الحجات دى ارجو مساعدتي اشتري اية اية اشترية الاول كيف اعرف الموصفات الجيدةمثلا(الاركوبال اوالصيني اوالتيفال اوالبيركس اوالالمونيوم)اية افضل مكان للشراء علي فكرة انا ساكنة في القاهرة وجزاكم الله عني خيرا مستنية ردكم

السلام عليكم
ممكن تنزلي حمام الثلاثاء اللي في الازهر موجود فيه حاجات حلوه كتير واطقم صيني جميله جدا واسعاره معقوله فيه الرخيص وفيه الغالي وعندك كمان التوحيد والنور في حاجات حلوه كتير وكل الاقسام من البلاستيكات لادوات المنزل للمفارش والملايات وكل حاجه
ربنا يوفقك

شكرا بس عاوزة معلومات اكثر

بصي نصيحه بالنسبه للاطقم الحلل عندك استانلس المصانع الحربيه حلو جدا و عن تجربه و فعلا يستاهل الفلوس اسالي علي في القطاع العام .

و الالومنيوم الاهرام افضل انواع الالومنيوم

بعدها الحاجات التانيه ممكن من حمام التلات بس خلي بالك لازم تفاصلي كويس علشان تخدي بسعر كويس

و بالنسبه ليها ممكن تبدي تجيبي ملابس البيت و الملايات و البطاطينو مفرش السرير و الفوط دة اللي ممكن يتجاب دلوقتي الباقي دة بيبقي تبع الشقه زي السجاد و الستاير.

و قدام مش مستعجله ممكن تلفي براحتك و تيجي خلال فترات المعارض و الاوكازيون

و اي استفسار انا تحت امرك

ينقل لركن المقبلات ..

شكرا لكي وجزلكي الله خيرا وربنا يجعلة في ميزان حسناتك ان شاء اللة

طبعا الاخوات قايمين بالواجب وااضافتى هو انك تخلى بالك من المقاسات يعنى اشترى ليهم مقاسات اكبر عشان ينفعهم بعدين فى الحمل وبذات الجلاليب والقمسان وكمان استنى المعرض التسوق بيكون فيه حاجات حلوه وكمان حمام التلات والعتبه والوكاله وربنا معاكى ويسعدهم

سورى القمصان خطااااا مطبعى ههههههههههههههههه

شكرا وجزاكي الله خيرا

انا اشتريت معظم حاجاتى من حمام الثلاثاء جبت منه ادوات المطبخ وفى شارع الازهر من بره جبت اطقم الملايات والكوفرتات ومن الموسكى اشتريت الهدوم واى استفسار انا فى الخدمه على فكره انا ساكنه قريب من الازهر