اللي تساعدني راح ادعيلها من كل قلبي في صلاة الليل ...

**Jeed** · 15-02-2003, 05:21 PM

بنات انا سمعت انا كاسات المويه والثلاجات يتم تبخيرها بالمستكه ودي اعرف الطريقة بالضبط فياليت تساعدوني وما تبخلون علي بالاجابه والله اللي تساعدني راح ادعي لها من كل قلبي في صلاة الليل ...

اختكم Jeed

**جورى** · 15-02-2003, 06:28 PM

انا انا
اولا فى الثلاجه عادى حطى المبخر فيها والكاسات حطى القلاص فوق المبخر بعدين فى بطنه راح يتجمع البخور حطيه على مقلوب على وجهه يعنى صكى على الهوا بس هذه الطريقه

مو تنسين الوعدهههههههههههههههههههههههههههههههههههههههه

**Jeed** · 15-02-2003, 09:35 PM

مشكورة جوري الله يعطيج اللي تبينه ويفرحج بالدنيا والاخرة بس بغيت اسأل المستكة اللي راح استخدمها اهي نفسها اللي نستخدمها للاكل وهل اشب الفحم عادي ثم احط فوقه المستكه سامحيني اذا ثقلت عليج بالاسئله بس انا سمعت عن هالشي بالمنتدى وحبيت اجرب لان الطريقه حيل اعجبتني .

انشالله اليوم في صلاتي راح ادعيلج وما راح انساج

مع أرق التحيات
Jeed

**نواير** · 17-02-2003, 03:08 AM

معليش جوري بس قلت خليني الحق دعوة
اختي جييد نعم نفس المستكة والأفضل الكاسات رطبة يعني تشطفيها وتبخريها وتقلبيها على منشفه
لين ماتنشف
بس ايش قصدك بالثلاجات ؟ ترامس الشاي والقهوة ماينفع تأثر على طعم اللي فيها
الثلاجة العادية المستخدمة في التبريد يعدم طعم اي شي مكشوف فيها يوضع فيها فحم بس
التبخير بالمستكة على حد علمي بس لكاسات الماءاو الترامس التي يحفظ بها الماء

لاتنسي الدعاء بالهداية الله يجزاكي خير

**Jeed** · 17-02-2003, 11:21 AM

الحين اوضحت الصوره مشكوره نواير وايد وايد وانشالله ماراح انساج بالدعاء هذا وعد

**شمالية غربية** · 17-02-2003, 03:00 PM

تفضلي اختي هذا الرابط ...باذن الله يفيدك ..والاخوات ماقصروا جزاهم الله خير

موية الشرب.+..ضيوفك عطشانين= سر خطير ..اذا دخلتي راح تدعين لي ؟!؟!؟!؟!؟!؟!؟!؟!؟!؟!؟!؟

**Jeed** · 17-02-2003, 04:04 PM

تسلمين شماليه غربيه دخلت عالرابط واستفدت منه وايد وعجبتني فكرة ماي الورد حيل انشالله بجربها

بنات شكر خاص لكل من ساعدني والله لا يحرمني منكم وانشالله ربي يعطي كل وحده فيكم اللي اتمناه بالدنيا والاخره والسامع يقول امين.

ارق التحيات Jeed

**نمارق** · 19-02-2003, 02:24 AM

اختي خسارة مالحقنا على الدعوة لكن البنات اللي ردوا يستاهلون والله كفوا ووفوا معك لكن لاتنسينا من الدعوة معاهم اختي
تحياتي

**Jeed** · 19-02-2003, 09:16 AM

هلا نمارق اي والله الخوات كفوا ووفوا الله يجزيهم كل خير وانت بعد تستاهلين كل خير واكيد ماراح انساج بالدعاء

**سيدة** · 19-02-2003, 10:23 PM

السلام عليكم ورحمة الله وبركاته
جيت الحق لي دعوة
فيه ناس يحطوا اللبان في الماء بدون تبخير ( اللبان اللذي يستخدم في التبخير )
ماادري يمكن المعلومة ناقصة بس قلت يمكن البعض يكمل ونستفيد !!!