يا اخواتي الكرام عاوزة اي اخت فاضلة تفدني واي حد عندة حل يقولي علية
ملابسي ضاقت علي بعد الزواج ونفسي البسهم تاني اعمل ايه اوسعهم ازاي
( البنطلون - والجيب - والتونك ) اوصلهم من الجوانب عشان يوسعه بس اجيب قماش يمشي معاه منين كنت بفكر اوسع بالستان العريض بس ازاي قوللي افكركم
وفي نفس الوقت يكون التوسيع شكله حلوه محلي اللبس اكتر من الاول .

السلام عليكم ..
صراحه يا اختي الحبيبه عندي حل بس ما راح يعجبك ما فيه الا انك انتي تنحفي وترجعي زي اول اما تجيبي قماش ثاني وتوسعي فيه شوي صعبه بس ممكن اذا وسعتي فيه زي ما قلتي مثل البنطلون مثلا لازم تلبسي معاه بلوزه طويله عشان تغطي الي عملتيه
او في بعض الاحيان يكون فيه زيادات من الجوانب تكون موجده اذ تقدري تفكي الخياط الاول وترجعي توسعي فيه ثم تخيطيه من ثاني بعد التوسعه احتمال ينفع..
الله يعينك

انا متفقة مع الاخت ملكة حب الرياض
هذا هو الحل الصائب.لازم تسترجعي شكلك قبل الزواج.

شكرا لكم وارائكم كويسه جدا بس في حاجة مهمة ان انا عندي طفلة 7 شهور ما ينفعش اعمل رجيم دلوقتي عشان ما يكونش ضار ليها عشان بترضع ياريت لو في حل تاني زي ما انتو عارفين الملابس الجاهزة مش موجود فيها توسيع بتبقي متفصلة علي القد بالضبط ودة عيب الجاهز وانا مش بحب التفصيل لانة ماببقاش مظبوط وياما فصلت وملبستش وشحتة

شوفى حبيبتى انا سألتلك ماما قالتلى انه مش حينفع الا لو انت وديتيهم لخياطه او ترزى وقولتلهم انك عاوزه توسعيهم بس بشكل جميل من غير مايبوظ حاجه فى الشكل العام فقولت لماما ليه بقى قالتلى ان الخياط او الخياطه بيبقى عندهم بقايا اقمشه من الناس التانيين وطبعا عشان توسعى بنطلون من قماش الجبردين او الكتان مستحيل حتعمليله سمكه لتوسيعه من قماش ساتان يعنى نوع كمان الملابس بتاعتك حيتحكم فى نو القماش اللى حتستخدميه للتوسيع يارب اكون افادتك فى الفكره دى وانشاء الله تنفع وتلبسى ملابسك تانى وتتهنى بيها يارب ويخليلك بنتك امين يارب العالمين

شوفي يا ستي انا قابلت نفس المشكلة لانى ولدت بنتى قبل بنتك بثلاث شهور الحل اللى لقيتة في البنطلونات والجيبات انى جبت ربعمتر قماش مشابة للون البنطلون او الجيب ولازم يكون قماش استرتش وفتحت البنطلون 10 سنتى من كل جمب وعملت وصلة صغير وخيطتها من الداخل جربى مع قطعة واحدة وشوفى فى حاجة ثانية انصحك تقراى كتاب عن الرضاعة او تدورى عالنت لانى عرفت ان في اطعمة مشهورة انها ضرورية للرضاعة وهى مش مفيدة زى مالناس متصورة غير كدة في اطعمة بتدر اللبن ولا تسبب السمنة زى المشوى ويارب اسمع عنك كل خير