السلام عليكم و رحمه الله و بركاته
و حشتونى جدا يا بنات انا عارفه انى مقصره معاكم و دخولى المنتدى اصبح قليل لكن والله انا مشغوله جدا مع الاولاد و باحاول اعمل اى عمل فنى مش عارفه خالص المهم انا اعيش فى القاهره و تعبت من البحث عن مكان لبيع الكريستال (سوراروفسكى) غير موجود بالمره فانا بس طلبى الصغير منكم عن مكان بيعه فى القاهره . و ان شاء الله لنا موعد قريب مع العوده للاشغال الفنيه .

ان شاء الله يساعدوكى بنات مصر

ممكن يكون فى الموسكى لانها منطقة تجاريه ويوجد فيها محلات للخرز وممكن تلاقى الى انت عاوزاه

ها أقول لك يا جميل عن مكان لبيع الشواروفيسكي

بس جااااااامد بس خدي بالك انة غالي بس أكيد أرخص من برة

فية واحد في الموسكي في عمارة كدة يعني المحل فوق

أسمة محمد طة بيتهيء لي هو الوحيد اللي عندة الحجات دي

بس للأسف انا مش ها أقدر اوفهولك كويبس بس انتي لما توصلي الموسكي

ما تعديش شارع بورسعيد خليكي على الناحية اللي من ناحية العتبة مش من ناحية الحسين

و أسالي الناس عن الدرب الجديد المكان دة متخصص فصوص و خررز و خلافة

أمشي في أخر الدرب و أ سألي عن محمد طة و هو على العموم لما تكسري يمين

من أخر الدرب ها تلاقي ناس بياعين فارشين في الارض و بيبيعوا حجات كتير

خليكي ماشية في الشارع دة لغاية ما ها تلاقي نفسك خلاص شوية و ها تعدي شارع بورسعيد

ما تعديهوش و هلاتلاقي محمد طة على شمالك و ها تلاقي فا ترينة صغيرة في مدخل

العمارة بتاعتة و الاحسن انك تسألي بردو معليش الوصف مش دقيق بس

اهو هوة دة اللي خطر على بالي

شكرا يا بنات على الاستجابه و الرد مشكوره اختى كانزى
عزيزتى دور1 اشكرك كثيرا على العنوان اعتقد انى رحت المكان ده قبل كده و الناس دلونى على محل متخصص فى بيع الاحجار و الفصوص و هو نصرانى و سألته عن الكريستال قال لى غير موجود فى السوق بتاتا الا كريستال عصفور و للأسف لا يباع الا على هيئه سبحه او عقد و ثمنه غالى جدا انا اشتريت من عشر سنوات عقد صغير بخمسين جنيه
على العموم مشكوره على الاهتمام و انا حابحث عن محمد طه و ربنا يسهل.

تسلمييييييييييين