السلام عليكم و رحمة الله و بركاته

أخواتي العزيزات
فكرت في هذا الموضوع لأني متزوجة من 4 سنوات و لي طفل عمره سنتين و لا أستطيع حتي الان التحكم في مصروف البيت
فتارة افكر في ان ابدأ بشراء الأكل و اللحوم مرة واحدة للشهر و مرة افكر اني اعمل ده كل أسبوع و ساعات بشكل يومي و كل ده حتي أستطيع التحكم الكامل
نجحت أحيانا و فشلت كثيرا
ففكرت اننا نتبادل الخبرات هنا لنفيد و نستفيد من الأفكار المختلفة لربات البيوت الناجحات
ربما تجد كل واحدة فكرة او اكثر عند السيدات الاخريات
و بذلك نحقق اقصي استفادة

اسفة اتكلمت كتير
ارجو الا تبخلوا بالردود و المشاركات و احتسبي الاجر

السلام عليكم ورحمة الله وبركاته

موضوع رائع وهايكون مفيد للكل ان شاء الله

بالنسبه لى مصروف البيت بيكون اسبوعى

بقسم كل ممبلغ فى ظرف

مثلا طلبات سوبر ماركت فى ظرف

لحمه فى ظرف وفراخ فى ظرف

لانى بشتريهم بالشهر فبحوش كل اسبوع جزء منهم

ومبلغ للتحويش فى ظرف

واخر كل شهر لو اتبقى حاجه بضيفه لمبلغ التحويش

بس كدا لو فيه اضافه هابقى ازودها

السلام عليكم بالنسبة لى اشترى اللحوم كلها فى الشهر اما باقى الطلبات من سوبر ماركت والخ اشتريها حسب احتياج البيت

كتبت بواسطة حنونه هانم

السلام عليكم ورحمة الله وبركاته

موضوع رائع وهايكون مفيد للكل ان شاء الله

بالنسبه لى مصروف البيت بيكون اسبوعى

بقسم كل ممبلغ فى ظرف

مثلا طلبات سوبر ماركت فى ظرف

لحمه فى ظرف وفراخ فى ظرف

لانى بشتريهم بالشهر فبحوش كل اسبوع جزء منهم

ومبلغ للتحويش فى ظرف

واخر كل شهر لو اتبقى حاجه بضيفه لمبلغ التحويش

بس كدا لو فيه اضافه هابقى ازودها

حنونة هانم
شكرا لردك و اهتمامك اولا
ثانيا طيب فين بقية الحاجات يعني المنظفات و الخضار و الفاكهة
و ايه أساليبك في التوفير و أسرارك الخاصة

كتبت بواسطة toty73

السلام عليكم بالنسبة لى اشترى اللحوم كلها فى الشهر اما باقى الطلبات من سوبر ماركت والخ اشتريها حسب احتياج البيت

توتي73
نورتيني ؤو لي الشرف ان يكون موضوعي اول مشاركة ليكي
بس انا عايزة من تفاصيل عشان نقدر نستفيد
ازاي بتعرفي احتياجات البيت في الشهر؟
و كده برده و مش بس اللحوم و فين باقي الحاجات
في انتظار ردك وفي انتظار ردود باقي البنات

أنا شخصيا بقسم المصروف على 4
كل أسبوع أشتري كل ما يلزمني فقط
و الباقي أحوشو

احنا بنأخذ المرتب وزوجي بيطلع مصروفه لاخر الشهر والباقي بننزل السوبر ماركت كبير بنجيب اللحوم والفراخ والخضار والمسحوق والمكرونات والصابون كل حاجه تكفي لشهر
وباقي المصروف بنحوش جزء منه والباقي الحاجات اليوميه مثل الخبز يعني حاجات لازم
تشتريها طازجه وربنا بيبارك الحمد لله

كتبت بواسطة bero333

حنونة هانم
شكرا لردك و اهتمامك اولا
ثانيا طيب فين بقية الحاجات يعني المنظفات و الخضار و الفاكهة
و ايه أساليبك في التوفير و أسرارك الخاصة

فى جزء من المصروف بكون محدداه بيفضل فى المحفظه للاحتياجاتاليوميه زى الخضار او اى طلب سريع او اللبن

الفاكهه مش اختصاصى لان جوزى اللى بيشتريها

بحاول من باب التوفير اشترى الزيت بالكرتونه والمكرونه كميه بالجمله والارز شكاره

ودا هايوفر كتير
ولو افتكرت حاجه هاضيفها

نسيت اقولكم ان لازم جزء ولو بسيط من المصرف يكون للصدقه علشان ربنا يبارك

كتبت بواسطة حنونه هانم

نسيت اقولكم ان لازم جزء ولو بسيط من المصرف يكون للصدقه علشان ربنا يبارك

حنونة هانم جزاكي الله كل خير علي هذه الفكرة انا كنت سايبة الموضوع ده للصدفة و طبعا كتير بانسي
بس من أول الشهر الجديد هأعمل كده ان شاء الله

كتبت بواسطة louloua

أنا شخصيا بقسم المصروف على 4
كل أسبوع أشتري كل ما يلزمني فقط
و الباقي أحوشو

فكرة حلوة
انا جربتها مرة بس بأصرف مصروف الأسبوع و ادخل علي اللي بعده
هههههههههههههههههه
و غالبا الاقي اخر اسبوع من غير و لا مليم

انا عاملة لكل بند من المصروفات ظرف

يعنى عندك ظرف مصروف البيت

و ظرف الصدقات

و ظرف المياه و الكهربا و الغاز و البواب

و ظرف الايجار و الجمعية لمدرسة بنتى عقبال اولادكم باذن الله

دى الاظرف اللى معايا انا
=============================
ظرف التليفونات و كروت الموبايل....

و ظرف بنزين السيارة و اى طارئ فيها

دووول بقى مع زوجى لانهم مش تيعى

و كمان زوجى بياخد مصروف ليه فى محفظته

و المفروض فى ظرف للتوفير لكن الحمد لله على طول فاااااضى ههههه

===========================================