طالبه النصيحة

**مليكة القلب** · 25-10-2008, 05:33 AM

السلام عليكم اخواتي
ديه اول مرة اشارك بموضوع في المنتدي بالرغم اني متابعاه من زمان و معجبه جدا باعضاءه لانهم فعلا خدومين جدا

و علشان كدة فكرت الجالكم بمشكلتي
انا عندي بنتين الاولي في kg2 , التانيه سنتين و انا دلوقتي مش بشتغل و فكرت اني اشتغل في البيت اشغال يدويه لاني من ساعه ما سيبت الشغل و انا حاسه ان ما فيش حاجه خاصه بيا بعملها
المشكله اني حاسه ان وقتي مش متنظم خالص و بيعدي اليوم و انا معملتش حاجة من اللي انا عايزة اعملها و الموضوع دة بيخلني اكتاب اكتر.

فيا ياتري تنصحوني بايه و اظبط يومي ازاي علشان اعمل اللي انا عايزاه من متابعه دروس و متابعه بنتي و البيت و الشغل بتاعي

**yara.yara** · 25-10-2008, 07:52 AM

السلام عليكم ورحمة الله وبركاته
بصى ياحبيبتى انا من زمان والحمد لله واخواتى اتعودنا كيف ننظم وقتنا
بس اول ما تزوجنا لاقينا الوضع اختلف طبعا فى الحياة الزوجيه
فقررت من اول شهر من الزواج تنظيم حياتى ووقتى بحيث لا اجلس انظر الى الحيطان بدون عمل شئ
لأنى متعوده دائما قبل ما انام اسأل نفسى انا عملت ايه اليوم?
فالحياة الأسريه اللى فيها اطفال سهله تنظيمها جدا
اولا :لو انتى بتصحى بدرى يبقى تبدأى بالتحضير للغداء وممكن تعمليه كله وتشيليه فى الثلاجه وتطلعيه على التسخين على طول
وبعد كده تدخلى تنامى شويه مع اولادك
ولما حد فيهم يصحى تصحى معاه طبعا زى مابتعملى
وبعدين تبدأى تفطريهم وتفطرى طبعا معاهم ههههههه
وفى هذه الفترة بيكونو مشغولين باللعب انتى بقى وقتها تكونى بتمارسى نشاطك اللى ذكرتيه
اللى هوه الأشغال اليدويه لأن هذا الوقت انفع وقت لعمل هذه الأشياء
وبعد كده اكيد هينامو شويه ممكن انتى بقى تبدأى بترتيب المنزل
وبعدين هتلاقى الوقت جرى ويجى معاد الغداء وممكن بقى بعد كده تكملى اشغالك اليدويه او ادخلى على النت شويه اواعملى اى شئ اخر انتى متعوده تعمليه
والعبى مع اولادك برضه شويه وابدأى بعمل الهوم ورك مع ابنك وبعد ماتعشيهم خليهم يتفرجو على فيلم كارتون لحد ماينامو
ونامى انتى كمان بدرى عشان تبدأى يومك التالى بنشاط
وربنا يوفقك فى حياتك
اتمنى اكون افدتك
وربنا يصلحلك الأحوال

**وجدان الشوق** · 25-10-2008, 08:25 AM

مرحبا صباح الخير
انا بعد احس بفراغ بعد مااعتذرت من الكورس
وغير كذا ماأقدر اشتغل بأي شي لان يزيد علي ألم كتفي
فقلت اقرا كتب اجنبيه عشان اقوي اللغه اكثر وبسسسس

الله يشغلنا بطاعته

**مليكة القلب** · 25-10-2008, 02:06 PM

اولا انا بعتذر اني وضعت الموضوع في المكان غير المناسب

يارا -- اشكرك كتير علي نصيحتك و ان شاء الله انفذ و ربنا يكرمك
وجدان الشوق _ شكرا ليكي و ربنا يتمم حملك علي خير ان شاء الله اختي