ياستات الحقوا دبروا اموركم قبل فوات الاوان * امال رفقي **

**امال رفقي** · 24-10-2008, 03:18 AM

السلام عليكم ورحمه الله وبركاته

اصبحت موضه غريبه كل زوج يطلع عينه وموش عرف يستحمل مراته يتزوج عليها او يطلقها
الموضوع اللي انا جايه اطرحه عليكم اليوم الحقي نفسك وعدلي من طريقه اسرافك في الاستخدامات للموارد

انا سامعه واحده انا موش فاهمه حاجه
اقصد انظري الي كيس الزباله اليومي اللي بيخرخ من بيتك

اد ايه ياحرام اكل بترمي وطبعا ده ترجمه لمجهود زوجك اللي طول النهار طالع عينه وبيحارب علشان لقمه العييش

هتقوليلي طيب انا اعمل ايه
ماشي هقوللك خطوه بخطوه انا طوال العشرين سنه يمكن باديكي خبرتي علي طبق من فضه قال الله تعالي الي المسلمين

بسم الله الرحمن الرحيم
ان المبذرين كانوا اخوان الشياطين وكان الشيطان لربه كفورا صدق الله العظيم

والرسول عليه افضل الصلاه والسلام
قال كلكم راع وكلكم مسئول عن رعيته الرجل راع ومسئول عن رعيته والمرأة راعيه ومسؤله عن رعيتها

ازاي اعرف معيار الاكل ومايترميش حاجه اوتفيض وتعمل من غير ماتدري تسمم غذائي واسهال بركنتها في التلاجه وبتتفتح وتتقفل في اليوم الف مره

نبدا اولا بالرز

الله يكرمه اسامه السيد مره في البرنامح بتاعه قال الفرد الطبيعي بياخد طبق رز اللي هو نصف كوب رز قبل غسيله
ماشي انتوا مصحصحين ولانمتوا مني
يعني لو انتوا اب وام وولدين هتعملي 2 كوب رز
العيش او الخبز

اول مابتشتريه بتقطعيه لانصاف وتشيليه في الفريزر وعند الاستخدام بتطلعيه قبلها 10 دقائق
ماشي اكمل

الخضار علشان النزول بالمره بتشتري نوعين تطبخي واحد والتاني بتجهزيه وتضعيه وهو مجهز في الفريزر
علي سبيل المثال
بطاطس

و بسله او البازلاء باشتريها وافصصها وفي الوجبه باعمل 2 كوب فقط
لاسره مكونه من 4 افراد

وتراعي دايما انا باشتري البطاطس صالحه لاستخدام اسبوع مثلا 4 كيلوا ولما يخلصوا بتشتري تاني اني باعملها مسلوقه واحمرها وده اضمن لصحتهم من الشيبسي اللي بيتباع في الخارج والمواد الحافظه
اللحـــــــــــوم

نكمل بكرة ان شاء الله

**logey05** · 24-10-2008, 05:32 PM

بارك الله فيكي
منظرينك بكره ان شاء الله

**بسومة العسولة** · 24-10-2008, 05:56 PM

والله عندك حق اكل كتير بيترمى

تسلمى على الموضوع

**امال رفقي** · 24-10-2008, 09:01 PM

السلام عليكم
نكمل باذن الله
الحوم

يكون لونه وردي ومعروفه المصدر
وشوفي انت بتستهلكي اد ايه في الطبخه الواحده
وكذللك لحم مفروم
واحتاجاتك فقط وعدم التبزير

انا باعمل احتياطي في اللحم المفروم لعمل البيتزا كيلو زياده

الاسماك

بعدد افراد اسرتك وزياده واحده للاب
الارز بتعايريه بالكوبايه
احتاجات الفرد الرشيد طبق رز
اي نصف كوب قبل التسويه
4 افراد بتعملي 2 كوب كبير فقط
كذلك المكرونه

وكذلك الشعريه انا في الشتا باجيبها بزياده لانها وجبه العشاء باللبن
والفراخ
انا عن نفسي باجيب فرخه اسبوعيا

انا الفراخ اللي باشتريها فراخ مثقفه

**امال رفقي** · 24-10-2008, 09:18 PM

قبل مجيء زوجك بساعه تكوني مخلصه كل شيء الاكل ويدخل منزله كانه داخل الجنه

وانت لازم تكوني متالقه سندريلا في النصف التاني من عمرها
وشويه دلع علشان عينه ماتزوعش علي اللي بره

التليفـــــــــــــون

نصيحه وحطيها حلقه في ودانك
ماحدش هيخاف علي مال زوجك الا انت
الرغي الي علي الفاضي والمليان مافيش داعي منه
كوني عندك شخصيه المكالمه لاتزيد عن 10 دقائق وتنهي الحديث بطريقه لبقه
بعد اذنك بقي الاكل علي النار
وافتكري دايما ان الامانه انك تراعيه جتي ولو غايب
لان الفاتوره هتبين اد ايه بتستهلكي مالك ووقتك اللي هما اول حاجه الواحده هتتحاسب عليها لما تموت
الكهـــــــــرباء

اول مره الشهر اللي احنا فيه تيجي استهلاك الكهرباء 100 جنيه
مع العلم ان البوتوجاز السخان غاز
ركبي في النجف لمبه الموفره فتققلل الاستهلاك
والتنبيه علي الاولاد اللي يخرخ من حجرته يطفئ النور