بيت الدرج شفتو ايش سويت فية.؟؟؟

**آذان الفجر** · 19-12-2002, 04:21 AM

أنا ساكنة في إيجار وعلى قولت المثل إلي في إيجار كل يوم لة دار
علشان كذا عندي أفكار كثيرة
مرة سكنت في دور علوي ومدخل البيت فية بيت للدرج يواجة كل من دخل
فكرت وش أسوي فية

فكرت

و

فكرت

و

فكرت

ولقيت فكرة
جبت طاولة قديمة ولصقتها في زاوية الدرج الداخلية
وشريت قماش خيش من عند البنائين سعر الطول 30 ريال سعودي
وفرشت الطاولة والأرضية حتى الجدران فرشتها ولصقتة بمسدس الصمغ وصفيت كل شيء تراثي في بيتي حطيتة فية
حتى كان عندي جلابية من أبها علقتها مع القفة وأعمال الخوص والسفرة والحركات هذي شيء في الأرض وشيء معلق وشيء فوق الطاولة وشيء تحتة و حطيت (وجار)..(بيني وبينكم هو للشوي أصلاً بس علشان حجمة صغير حطيتة) وحطيت علية خشب وعلقت سيف ومنخل طحين(يعني جنادرية على غفلة )
المهم صار كل من زارني وقف شوي يتفرج فيما أنا أسرع أحط القهوة
أحم أحم أحم
عسا الفكرة أعجبتكم.

**نورلينة** · 19-12-2002, 04:27 AM

يا هلا يااذن الفجر
فكرتك جميلة جدا وانا مثلك في شغلتين الاولى انا ساكنه ايجار
الثانية بخصوص الفكرة فانا سويت فكرة قريبة منها موجودة في المنتدى بعنوان (فكرة رهيييييييييبة لاستغلال زوايا البيت)ياليت تطلعين عليها وتقولين لي رايك
وشكرا