فكرة رهيييييييييييييييبة لإستغلال الزوايا في المنزل

**نورلينة** · 17-12-2002, 04:57 PM

عندي لكم فكرة حلوة وجديدة طبعا الكثير منا تحتار ايش تحط في الزاوية في المنزل وتحاول تدور على أفكار غير تقليدية وغير مملة .......شوفوا أنا ايش سويت
جبت أربعة مساند عربية تراثية صغيرة لونها أحمر عرفتوها اللي يحطونها في المجالس العربية وبيوت الشعر وصفيت اثنتين على الجدار وثتنتين فوق لعض في الوسط على شكل مسند وبعدين جبت سجادة تعليقة على الجدار تراثية وعلقتها خلفها وعلى اليمين وضعت زير فخاري كبير وعلى اليسار نخلة صناعية كبيرة وفرشت أمامها سجادة فرو أبيض صغيرة ووضعت صينية نحاسية كبيرة وعليها دلة وابريق وفناجين طبعا زينة وديكور فقط ليست للاستخدام
وأصبح شكلها متحف نجدي مصغر
وعلى الفكرة هذه الإغراض اشتريتها من القرية النجدية الموجودة في شاليهات اليمامة في الرياض وبسعر رمزي جدا
أرجو إني أفدتكم وممكن كل واحدة تعمل مثلا متحف حجازي أو شامي على حسب منطقتها
وشكرا

**شمالية غربية** · 17-12-2002, 08:29 PM

فكرة حلووووووووووووووووة يانور ..

كنت ابي اسألك عن السجادة التراثية ..هي مخصصة جدارية ..ولا انت علقتيها ..

لأني مره شفت محل اثاث كان معلق وحده عجبتني واحسبها ديكور ...وجيته بعد فترة لقيته بايعها ..وابي اشوف

هي نفسها ولا لا..؟؟؟؟؟؟؟؟؟؟

**نورلينة** · 18-12-2002, 01:50 AM

شكرا يا شمالية غربية على ردك وأرجو أنها فعلا تكون اعجبتك
أما عن سؤالك فالسجادة تكون جدارية وعادة يكون حجمها صغير وبعضها تكون على شكل شريط
متوسط العرض ولها اهداب ملونه وبعضها تكون مربعة وجميعها خاصة بالتعليق
شكرا

**- asma -** · 18-12-2002, 11:43 AM

فكرتك حلوة

يعطيك العافية

**نورلينة** · 18-12-2002, 12:07 PM

شكرا يا ابنة الرجل

**آذان الفجر** · 19-12-2002, 04:05 AM

نور9
فكرك مرة حلوة بس أعزمينا
ولا أقولك خلاص أنا معزومة ما أقدر أجي معليش .

**ملاذ نجد** · 19-12-2002, 04:55 AM

ــــــــــــــــــــــــــــــــــــــ
..............سبحان الله وبحمده........سبحان الله العظيم.............

**نورلينة** · 20-12-2002, 06:43 AM

ولو ياآذان الفجر انتي تجين من غير عزيمة البيت بيتك بس انتي روحي لعزيمتك بعدين تعالي

ترى الخروف يحتريك مربوط في السطح
بس لازم تجين وانتي لابسة برقع ودراعة نجدية عشان بقلطك في هالمجلس .....اقصد المتحف

مشكورة ياملاذ نجد حياك الله بعد مع آذان الفجر