الي عندها عمل فني لاتبخل علينا

السلام عليكم ورحمة الله وبركاته
ابغى اطلب منكم طلب وياليت ماتردوني
بنت اختي في المتوسطه طالبين منها عمل فني وبصراحة احترنا ايش نسوي وقلت خليني
اسألكم يمكن عندكم افكار حلوووة وهو مطلوب منها الاسبوع الجاي
انا في انتظاركم وياليت تكون افكار غريبه


اختكم وردة الربيع

شوفي اختي انا ماأعرف باالاعمال كثير :

لكن بقولك على عملين ان شاء الله يعجبونك

اول واحد تفصل مفرش طاولة الدائري ..وتجيب اباجورة لو هي قديمة وتلبس الغطاء حقها من

نفس قماش المفرش ..., وتجيب لوح خشب صغير وتلبسه بعد من نفس القماش ...

طبعا المفرش بيكون قطعتين اللي تحت سده وفوق مشجر او العكس ..
فيصير مثلا
المفرش اللي تحت وغطاء الا باجورة من نفس القماش ..

واللوحة والقماش اللي فوق حق المفرش من نفس اللون ..

وتلصق على اللوحة ورد مجفف ..

لاتخافين هي مو صعبة تقدرين تخلصينها بيوم ونصف ..

الطاولة الدائرية تلاقينها تباع جاهزة عند محلات المفروشات بالرياض ..والقماش اشتري من

سوق الجملة حق الستائر ...

والخشب اي قطعة خشب عندكم في البيت تنفع ..

العمل هذا انا سويته في الكلية والكل عجبه ...
شوفي الصورة


مفرش الطاولة قطعتين ..مشجر اعلى وكاروهات اسفل ممكن

يعني بيكون الغطاء حق الاباجورة كاروهات واللوحة تلبسينها القماش المشجر ...

اوالعكس اللي يريحك ..

وفي موضوعي على هذا الرابط

اجعلي بصمتك الجميلة ....تظهر في منزلك .>>>> فقط بأفكار بسيطة

بتلاقين افكار كثيرة ومناسبة ..مثل مجموعة الخرز المكونة من برواز وفازه وغيره ..

تصفحي الموضوع وانا متأكدة انك بتلاقين اعمال مناسبة للبنية حق المدرسة ..الله يوفقها .

شمووووووووووول الله يعطيك العافيه ماقصرتي
وردة الربيع هلا فيك وببنات اختك يالغاليه الركن ملئ افكار خذي لك جوله وراح تلقين افكار كثيرة ....
شوفي هذه افكار بااستخدام الرولات الخاصه بالمناديل :
فكرة بالصور للرولات
لكل من سألت عن أفكار للرول....

وهذا فيه استغلال لخامات متنوعه :
افكار بسيطة
افكار تعالوا بس نختار

وهذا فيه افكار للرسم على الادوات الزجاجية :
دروس خصوصية

وهناك المزيد من الأفكار المتعدده التي تناسب المدارس فقط خذي جوله وستجدين مايسرك

مشرفاتنا العزيزات
الف الف شكر لكم على جهودكم الله يعطيكم العافيه ماقصرتم بصراحة افكار واعمال حلووة
انشاء الله تعجب بنت اختي وتستفيد منها
وراح اخذ جوله زي ماقالت الاخت الغاليه ديم وانشاء الله الاقي اعمال سهله وحلووة
الف شكر لكم مرة ثانيه وتقبلوا تحياتي

وردة الربيع واللي يعافيج ممكن طلب مدام انت موجوده معاي

ممكن مساعده

اختي وردة الربيع لاشكر على واجب ..

واعتقد طريقة الخرز في موضوعي ...سهلة ومميزة وتناسب المرحلة المتوسطة ..وتقدر البنية الله يحفظها تنفذها بنفسها ..

وممكن تسوي كيس فواكه :

مثلا تجيب خيشة رز او سكر وتحشاه قطن لين قبل الاخير بشوي ..وتجيب نوع خضار مثل بطاط , او باذنجان او اي شي ثاني ..او فواكه وتلصقها بصمغ مسدس على بداية الخيشة , يعني في النهاية تصير كأنه كيس مليان بطاط او باذنجان اواو ..
اتمنى تكون الفكرة واضحة ..
الخضروات والفواكه هذي .موجودة في المكتبات .
وممكن تقسم الكيس يعني تقصه , لاكياس صغيرة وتسويه بنفس الطريقة ...يعني يصير اكياس صغيرة ,من الرز او الحمص او العدس ..
الفكرة هذي ..
جبتها من تحفة عندي في المطبخ .. روعه خيشات صغيييرة مره كل وحده فيها رز وعدس وحمص وحده بيض صغيييير ..

الاخت طماطه
اتفضلي اذا قدرت على طلبك انشاء الله ماراح اقصر معاكي

الاخت الغاليه شماليه
بصراحة يعجز لساني عن شكري وتقديري لك وتسلمين والله على الفكرة
الروووعه بصراحة وانشاء الله راح اكتبها لبنت اختي

روعه ياشماليه فكرة بسيطة وروووووووووووووووعه الله يعطيك العافيه
ايوه كده طلعي المستخبي