..اولا كل سنه وانتو طيبين ورمضان كريم عليكو..
من كام يوم خلصت تنظيف البيت اللي بيتم كل صيف ..وانا اخترت اخلص قبل رمضان علشان يكون البيت في العيد مش محتاج شغل كتير وكمان اتفرغ لرمضان بأذن الله...حبيت اقولكو ازاي رتبت نفسي وخصوصا اني كنت بعمل لوحدي مفيش غير اختي الله يجازيها كل خير جت ساعدتني...
..
-قومي بعمل جدول زمني لمده التنضيف وحددي الوقت التي ستستغرقه كل حجره .
-جهزي قائمه بأنواع الاطعمه التي ستقومي بطهيها في مده التنظيف وحاولي ان تكون سريعه ولا تأخد وقت في الاعداد
-اتركي لنفسك مده للراحه بين كل حجره وأخري حتي تستطيعي مواصله العمل
-ابدأي بالمطبخ لأنه يحتاج الي تفاصيل دقيقه وكثره في العمل والتنظيف أي الي قمه الحماس والطاقه
-اجعلي تنظيف الحمامات للنهايه لأنه سيستخدم في غسيل المفارش وقطع السجاد الصغيره وما شابه
-حددي الغرفه التي ستبدأي العمل بها ثم قومي في اليوم السابق لها برفع السجاد والستائر والمفارش حتي لا تتراكم عليها الاتربه المتساقطه
-في بدايهاليوم المحدد للغرفه ابدأي بغسل المفارش والستائر وتركها لتجف حتي تكون جاهزه في نهايه اليوم..ثم قومي بتهويه السجاد في الصباح حتي يتعرض جيدا للشمس
-ابدأي بتنظيف الغرفه من الاعلي للأسفل..السقف والنجف ثم الستائر المثبته ثم قطع الموبليا المرتفعه مثل الدولاب والخزانات ثم الحائط والتابلوهات والابليكات والشبابيك ثم قطع الاثاث المنخفضه الارتفاع
-قومي بتمرير المكنسه علي الارضيات وتنظيفها
-ابدأي بتمرير قطه مبلله علي قطع الاثاث لتلميعها ثم استخدمي المنظف لتلميع الزجاج والمرايات ثم قومي بمسح الارضيه
-بعد الانتهاء وفي نهايه اليوم قومي بكي المفارش والستائر وتركيبها وفرش السجاد وبذلك تكوني قد انتهيتي من الغرفه كامله في يوم واحد
-كرري الخطوات مع باقي الحجرات والتزمي بالانتهاء من تنظيف وفرش الغرفه في نفس اليوم حتي لا تتركي وراءك أعمال صغيره قد تشغل ذهنك عن الاستمرار ..
_وفي النهايه اكرر اتركي لنفسك يوم للراحه بين كل غرفه وأخري واستعيني بذكر الله أثناء العمل وان شاء الله يكون مجهود ميسر وخفيف عليكي..
وكل سنه وانتو بخير يارب وبيوتكو زي الفل ومبسوطين فيها ..
الروابط المفضلة