السلام عليكم ورحمة الله وبركاته


بعد ما شفت تجاربكم في ترتيب وتنظيم الأغراض ، حبيت اعرض عليكم تجربتي .. وتحملوا لان الموضوع طويل ..


انا بيتي صغير وايد ، عبارة عن غرفة نوم وصالة ومطبخ صغير وغرفة للصغارية وحمام واحد ..


أول شي ببدء بغرفة النوم


ببدأ بالتسريحة مالتي


حاطة عليها الاشياء الضرورية ..


كان ودي ازينها واعدلها بس عيالي ما بيخلونه


اترككم مع الصور وبعدها الشرح






المهم حاطة كلينيكس وسلة طقم معاها عشان ارمي بها الكلينيكس


وحاطة سلة خشب بها العطور اللي استخدمها وايد ، وحامل لمكياجي الخفيف


وحاطة بعد كرتون نعال حولته بالكلينيكس الملون لصندوق جميل حاطة في بعض الاشياء البسيطة لاستعمال اليومي






وصندوق فيه اكسسواراتي استخدمت فيه كرتون البيض لتقسيمها ...






وداخل كبت التابع للتسريحة ، حطيت داخلة صناديق خاصة لاكسوارات الشعر ..

وحطيت صندوق فيه نسخ من مفاتيح البيت كل لون يدل على غرفة معينة عشان اعرف وما اضيع بزحمة المفاتيح ، وصندوق ثاني لأشرطتي ..






والحين بننتقل للطاولتين الجانبيتين يبت السلة الحديد بو طوابق و حطيت من فوق ورد عشان الشكل ههههههه وفي الطوابق الثانية حطيت اغراض البخور والمدخن ...





وفي السدات نظمت ملابسي الداخلية داخل كراتين كلينيكس وخليت الابيض بروحة والملون بروحه ... اعذروني ما رتبته عدل قامت بنتي الصغيرة خربت وان اصور خخخخ




وفي السدة الثانية يبت سلة وأحط بداخلها ربطت الستارة لأنه ما ممركب عندي العلاقة الخاصة فيها ، وحطيت ساعة وعلبة كلينيكس من صنعي ..




وقسمت ملابسي الداخلية داخل كرتون غطاته شفافة عشان اشوف شو داخلة




وني لداخل الكبت يبت صندوق وحطيت داخلة مسابح زوجي ..

وعلى باب الكبت جبت معاليق الحديد وشكلتها لترتيب العقال والقحافي اللي يستعملها




خلصت من غرفة النوم ... والحين ني للحمام ...


هذي هنا مرتبة فوطتين خاصة ل\بي ولزوجي للوجه .. اما باقي الفوط فشريت علاقة حديد من ست معاليق نسيت اصورها وركبتها ورى الباب عشان تكفي فوطي انا وزوجي وعيالي ..




ودام ان ما عندي مكان لتخزين مواد التنظيف يبت صندوق بلاستيك شكلة حلو ، والحلو فيه انه ما يخترب بالماي وحطيت داخلة مواد التنظيف ...




هذي علاقة علقتها على بيب السخان وحطيت في الشامبو والصابون ...




وهذي علاقة للملابس الداخلية مالتي بدال ما انشرها برع البيت اخليها بالحمام ..




وهذا منظرة الحمام ... طبعا صورة جزء منها لانها كلها مرايا ... وهي مثل الخزانة حطيت داخلها اشياء العناية بالجسم ...




وهذي المغسلة حطيت فيها صابون خاصة بالوجه وصابون خاصة لليد وصابون سائل ... والصحن اللي تحت الصابون هو صحون كاسات الحليب ... انكسر الكاس وتم الصح ...




وبرع علقت حامل للفراشي الاسنان .. كان لونها ابيض بس انا عدلتها بورق مناديل ملون ..

ماشاء الله عليكي ترتيب ممتاز

ني الحين للصالة ...


طبعا هذي ثلاجة الماي حطيت فوقها ورد عشان يعطيها منظر ..




وهذي تعليقة خاصة بالمطابخ بس انا عجبتني وركبتها على جانب طاولة الكمبيوتر عشان احط فيها بعض الاشياء ..




وهذي بعد حاملات لموبايلي سويتها بنفسي ...






وهنا حامل للكتب اللي أقرأها منظمة فوق طاولة الكمبيوتر




وشريت بعد صنوق قماشي حطيت فيه اجهزة التحكم عن تضيع




وهذي بعد سلة حاطتنها عند الباب عشان زوجي يحط تليفوناته والخردة اللي معاه بدل ما يضيعها ويشبحها ..

خلصنا من الصالة ني لغرفة عيالي ...


جبت كرتون كبيرة وجلدتها ولصقت عليها استكرات واستخدمها لتخزين الالعاب ...






وهذي مقتطفات لبعض الأشياء الأخرى ...


هنا عيالي قاموا بقص راس الارنب المسكين فيبت علبة حليب وحطيتها بداخلة بعد ما فرغته من الداخل واستخدمته اختي عشان تحط في اغراضها السرية ...








وهذي علبة خشب زينتها وحطيت داخلها شبصات بنتي البلاستيك ...






وهذي بعد علبة زجاج رسمت عليها ...

ماشاء الله افكارك حلوة بدات في التزيين واستغلال الصحون

وهذي علبة احذية جلدته واستخدمته كعلبة كلينيكس ...




وهذي علبة حليب استخدمت مناديل ملونة وطلع شكلها حلو استخدمت الصغير لحفظ فراشي الرسم والاقلام والكبير لحفظ الجلاد ...








وهذي بعد مكنسة منكسرة زينتها بالورق المناديل الملون






اتمنى تكون تجاربي فادتكم

أسعدني مروركم

ماشاء الله ترتيب جميل ربنا يحفظلك بيتك وتتهني فيه يارب