ممكن مســــــــــــــــــــاعدة من فضلكم

السلام عليكم ورحمة الله وبركاته:
أرجو منكم طلبا ليس أمرا
كيفية عمل الكنفة بالصور إذا قدرتم
وأرجو عدم تهميل طلبي لأني محتاجة لكيفية عمله
وشــــــــــــــــــــكرا...

شوفي هذا الموضوع وهو منقول من منتدى اخر

للتعريف بالكنفا وانواع الفنون اللي تنعمل فيها وطريقه عملها وخاصه انه كتير من البنات تسأل عنها وعن الايتامين والابيسون وما تعرف الفروق وانواع الغرز
الايتامين
هو نوع من القماش واطلق على الفن اسم تطريز بالايتامين لشهره القماش

الكنفا
وهي ايضا نوع من القماش على شكل شبكه ولها انواع مختلفه وحتى نتعرف عليها اكتر تابعوني اتمنى يكون الشرح واضح وتستفيدو


للكنفا نوعين
كنفا مطبوعه جاهزه الرسمه عليها والوانها معها
وما عليك سوا ان تبدي التطريز حسب الالوان المطبوعه وهناك كنفا للاطفال وكنفا عباره عن تابلوهات كبيره ومخدات ولوحات
هذه صور ه لوحه من الكنفا لتوضح الفكره

وهذه لوحه صغيره

وهذه كنفا للاطفال

وهذه مخده او خداديه

والافكار كتيره ومتعدده

النوع التاني كنفا غير مطبوع عليها تكون ساده وفيه منها لون بيج وابيض
وتباع بالرول او المتر وهناك كنفا سوريه ومصريه وكنفا اجنبيه فرنسيه والمانيه وطبعا الارخص مع الحفاظ على الجوده السوريه(بعمل دعايه) لان الاجنبي غالي وهو يستخدم للاوبيسون وراح نتعرف عليه لاحقا وسعره ضعف الكنفا السوري
وهذه صورته

الادوات الملحقه بالكنفا
الابر
ضروري ماتكون مدببه الراس حتى لا تؤذيك ولها مقاسات حسب نوع الخيط المستخدم لازم يتناسب معالابره
الطاره
وهي تساعد على مسك القماش وهي عباره عن دائرتين يوضع القماش بينهما وتفيد المبتدئات للتحكم بالقماش عند التطريز

خلينا نشوف الكنفا عن قرب

لاحظي كلها عباره عن شبكه مربعات وتختلف في طريقه نسج الخيوط

اتمنى لحد الان يكون واضح

[center]

الخيوط
هناك خيوط المولونيه عباره عن شله من الخيوط وهي ممتازة للكنفا


ممكن نستخدم خيوط صوف لكن لازم ننتبه الخيط لازم تكون سماكته مناسبه لفتحه الكنفا لو استخدمنا كنفا فتحتها كبيره لازم الخيط يكون سميك او غليظ حتى ما تتكون فراغات ويطلع الشغل غير مرتب

الغرز
غرزة الكنفا المطبوعه رسمتها جاهزة

تعمل غرزة نصف الx

غرزه الكنفا البيضاء

ممكن نعملها xاو نصفx لو لقينا الفتحه كبيره وعندنا خيوط رفيعه نعملهاx حتى تملا الفتحه ويطلع الشغل مرتي ولو الخيوط مناسبه للفتحه نعمل غرزة النصف x

وهي طريقه الغرزة x كامله

هنا نماذج للغرز لتوضحها
هذه مخده عملتها على الكنفا البيضاء عملتها بخيوط الصوف وغرزة x كامله

وهذه عن قرب

هذه صورة اللوحه الصغيره اشتريتها مطبوعه جاهزه مع خيوطها وعملتها بغرزة نصفx

الصورة عن قرب لتوضح الغرزة

الباترون
طبعا للكنفا البيضاء الساده ونستخدم اي باترون من باترونات الايتامين وهناك في المنتدى باترونات روعه وطريقه نقل الباترون غرزة غرزة سأوضحها لكم
نقل الباترون على الكنفا
لقيت في منتدى اخر طريقه توضح نقل الباترون راح اشرح عليها كيفيه النقل والشكر لصاحبه الصور
هذه الرسمه المطلوب نقلها

وهذه الالوان وارقامها لسهوله شراء الالوان كل لون له رقم ما عليك سوا ان تخبري البائع بالارقام ويعطيك نفس الالوان او لو حبيت تغيري اللون وتنسقي فانت حرة

نبدأ بنقل اللون الاحمر

نعمل غرزتين في السطر الاول ثم 6 في السطر التاني وهكذا حتى ننتهي من اللون كامل

ننقل اللون الاخضر

ثم اللون الازرق

نبدأ بجسم الشمعه

نضيف الازرق الفاتح لجسم الشمعه

ننقل اللون الاصفر

والاصفر الفاتح بداخله

والبرتقالي

الاسود لساق الشعله

التحديد حول الشريطه

وهنا عباره عن خطوط مستقيمه متل السراجه





الكنفا المنسوله

هلا يا بنات اليوم راح ناخد فكره عن الكنفا المنسوله وهي كنفا بيضاء ساده متل النماذج اللي شفناها سابقا لكن ابسط نسيج بين ال 3 نماذج وفي الاردن وفلسطين يطلقو عليها اسم ماركا لكن لما بدك هالنوع قولي للبائع بدي انسلها بعد الشغل عليها ويستخدم هذا النوع من الكنفا لو اردنا التطريز بالغرزه x الكامله يكون على القماش سواء كتان او حرير يعني مهما نعم القماش او سمك تنفع

طريقه العمل

ناخد الكنفا ونضعها فوق القماش ونثبتها بالوضع اللي بدنا التطريز يكون فيه ونخيط بغرزه السراجه ونبدأ التطريز على الكنفا متل ما تعلمنا سابقا ولما نخلص نبدأ نسحب خيط خيط من الكنفا بتأني من الخيوط الطوليه والعرضيه حتى ننسل كامل الكنفا ويبقى مهنا التطريز على القماش

هالنوع من الكنفا مشهور جدا بفلسطين وهو تراث رائع منه تعمل الازياء الفلسطينيه التراثيه والشالات والشنط وممكن استخامه لكل الاشياء ممكن لعمل تطريز خفيف على البلوزه او الشنطه وكتابه حروف الاسماء على الزي المدرسي والافكار كتيييره

الكنفا الاجنبيه تكون عليها خطوط مستقيمه باللون الازرق وهذا فقط مساعده لتمشي على الخط المستقيم وما تتلخبطي بالاسطر وهذه صورتها

وهذه فكره للتطبيق

طريقه العمل بالصور

اتمنى تكونو حبيتو هالطريقه ولنا باذن الله موعد مع طريقه جديده

لتعملي بحث عن هالنوع من الكنفا اسمها waste canvas

منقول
ربنا يجزى صاحبه الموضوع كل خير

اعملى بحث عن الايتامين وراح تجدى دروس مفصله في الركن

مشكورة ألف شكر أختي والله تعبتك معايا
بس أختي أنا قالو لي الخيوط لازم تكون بارزه وإنشاء الله أحط صورة الخيوط والكرتون ويارب تعرفيها....
هي اللي بتعمل بالسنارة..

الرد اجمل ما في الموضوع


الله يوفقكن جميعا