ممكن طريقه تفصيل الستارة دي ؟

السلام عليكم
ازيكم يا احلي بنات واحلي اسرة ممكن مساعدة ؟
لو سمحتوا انا كنت عايزة اعرف طريقة تفصيل الستارة دي
او حتي مقاسات الجزء العلوي منها علشان يكون مظبوط ممكن؟
دا اول طلب ليّ هنا في المنتدي ياريت متكسفونيش

محدش هيساعدني؟
كل دي مشاهدات ومفيش ولا رد واحد ؟
هي صعبه اوى كده
طيب شكرا كنت فاكرة حد هيعرف طريقتها
سلام

اختى طولى بالك فليس الجميع لديه خبره بخياطه الستائر

شاهدى هذا الرابط ربما يفيدك
http://www.lakii.com/vb/showthread.php?t=132727

وهذه المعلومات ايضا

طريقة اخذ المقاسات:

كيف نقوم بحساب القماش اللازم لعمل الستارة

ذكرنا ان معظم الاقمشة المستعملة في عمل الستاير الخفيفة يكون عرض القماش فيها 3امتار

وهو طبعا عرض كبير جدا لذا درج استخدام هذا العرض بتحويله الى طول ( كطول لحائط) واغلب البيوت الان بيكون فيها ارتفاع طول الحائط من 2.5 الى 3 متر

اما عرض الحائط =نقيس مساحة الحائط او الشباك او البلكونة المراد عمل الستارة لها وده هيكون طول القماش المراد شراؤه ولكن بدون حساب نسبة الكشكشة

هعطيكم مثال على كده عشان توضح الصورة اكتر
لوعندي حائط طوله 2.70 متر وعرض الشباك مثلا 2 متر

اذا كم احتاج ان اشتري عدد امتار من القماش مع عدم حساب نسبة الكشكشة

قولنا عرض القماش 3 متر هنحوله لطول والحائط طوله 270 سم يبقى الباقي هيروح في الثنيات والالتنظيفات

اما عرض الشباك هوا اللي هنحسب عليه عدد امتار القماش

اذا هنحتاج 2متر قماش طول

ثانيا: حساب نسبة الكشكشة:

لحساب نسبة الكشكشة لاي ستارة
يكون مقدارها اما مرة ونصف او مرتين يعنى مثلا في المثال السابق

احنا قولنا هنقطع 2 متر لعمل الستارة بدون كشكشة

طيب لو عاوزين نضيف نسبة الكشكشة يبقى اما ناخد 3 متر او 4 متر يعنى ما يساوي مقدارها مرة ونصف او مرتين او المتوسط بينهم يعنى 350 سم

كل الاختيارات دى بتكون مناسبة لعمل كشكشة كويسه وطبعا كل مازادت عدد الامتار بتزيد نسبة الكشكشة وده بيدي جمال اكتر للستارة

انواع الشرايط المستخدمة في عمل الكشكشة:

عندنا كذا نوع من الشرايط وياريت كان عندى صور اقدر احطهالكم بس للاسف ماعنديش فبطلب لو اي واحدة من البنات عندها تنزلها وتساعدنا في الموضوع

نرجع لانواع الشرايط

عندنا شريط بفتلتين وشريط باتلات فتل وشريط باربع فتل وكل ماتزيد عدد الفتل اللي في الشريط بيدينا كشكشة احلى

طريقة خياطة الستارة:

اولا بنقوم بتحديد طول الستارة وعرضها يعنى لو طول الحائط كما ذكرنا 270 سم اذا نقوم بثنى حوالي 30 سم من طول الستارة
وبعد كده نثني كمان حواف الستارة عشان تبقى نظيفة

وبعد كده ناخد الشريط ونقصه بنفس عرض الستارة من فوق ونبدا نخيطه بتثبيته في الستاره من اعلى بحيث يتم تثبيته من طرفيه العلوى والسفلي

بعد تركيب الشريط نسحب طرفي الخيط من الجوانب لعمل الكشكشة اللازمة بحيث يكون عرض الستارة النهائي = عرض الشباك او الجدار اللي هتتعلق عليه

وبعد كده اركب المشابك الصغيرة فيها وبعدين اعلق الماسورة وفيها عدد الحلقات مساوى لععد المشابك
ده نموذج بسيط لستارة خفيفة مع اضافة جزء ديكور على شكل مثلثات في اعلى استارة

(منقول )

شكرا كتير حلوة الستاير

والله ما قصرتي يا اخت رنا

انا كمان استفدت كتير

والله ردك المفروض يبقا موضوع لحاله


.

ماشاء الله عليكى يارانا فعلا وفيتى وكفيتى بارك الله فيكى
وانت يا اخت اوس اوس متهيالى كده خلاص مالكيش حجة
بس لي ملاحظة متهيالى النموذج اللى جايباه اوس اوس مش محتاج شريط كشكشه لان المجرى بيكون من الستارة نفسها وبتتحط في الماسورة على طول يعنى نظام تدكيك وده من ملاحظتى للصورة
ومبروك عليكى مقدما

شكرا رنا علي الشرح الوافي جزاكِ الله خيرا
وفعلا ردك يستحق يكون موضوع لوحده
ربنا يخليكِ يا قمر
طيب جزء المثلثات اللي فوق ده لازم مقاسات ولا بيتقص ازاى؟
معلش معلش هدلع عليكي شويه
شكرا تاني علي ردك وشرحك الجميل

بارك الله فيك والله يعطيك العافية
كفيت ووفيت

جزاك الله خيرا يا رنا
انا استفدت فعلا منك

السلام عليكم انا اريد عمل ستائر برقع