الشهمه بس هى الى بتساعدنى وبادعيلها

**هزياف** · 20-10-2002, 05:48 PM

السلام على الجميع000
حبيباتى الشهمات00 اشكركم لدخولكم00
اولا هذى اول مشاركه لى وهى طلب صغيرون فلا تفشلونى00
ثوب زوجى الجديد جت عليه بقع بويه وحاولت بكذا طريقه قريتها من الكاز للتينر لكن ما فى فايده البقع عنيده ومهى راضيه تطلع 00 اتمنى الاقى الحل عندكم يا شهمات

**ام كوثر** · 20-10-2002, 06:07 PM

اختي هزفات اهلا بيكِ في منتدى لكِ انشاء الله اقدر اساعدك او اي اخت معانا في االمنتدى
عندي لك سؤال ويش نوع البوية الي اتسخت ابه بدلة زوجك؟؟؟؟
اذا كانت بوية(صبغ) مائية ما تنظف الا بالماء يعني تدلكينها بايدك زين و تطير انا مجربتنها
اما اذا كان الصبغ زيتي فما يطير الا بالغاز كمان تدلكينه زين بالكاز
و اذا ما نفع فامرك على الله و اللندري ( المغسلة) في بعض الاماكن الي تنظف الملابس عندهم تنظيف اصباغ ... واذا ما نفع خلاص ما اعرف شسوين

بس صبري شوي بسأل لك مدرسة الفن عندنا بالمدرسة عندها معلومات كثير ماشاء الله عليها
بس احتاج نوع البويه

**ام كوثر** · 20-10-2002, 06:08 PM

اسفة اختي هزياف اسمك صعب شوي علشان جدي كتبته غلط اول

**هزياف** · 20-10-2002, 06:31 PM

هلا بعمرى الشهمه الغاليه بنت البحرين الحبيب 00 ام كوثر الله يخليها لك00
اول شى مشكوره حيل على الرد والمساعده والله يجزاك خير ويدخلك الجنه بدون حساب00
بالنسبه للبويه هى بلاستيك لميع شبيه للزيتى لكن هذا اسمه وبالنسبه للمغسله وداه زوجى لكذا وحده قالوا ما نغسل الاصباغ وياليت تساليلى عنه ولك الاجر ان شاء الله

**ام كوثر** · 20-10-2002, 06:36 PM

هلا اختي هزياف مشكورة على الكلام الحلو و الله يخليكِ و يحفظكِ و يحفظ لك كل الي تحبينهم من الشر انشاء الله
بسأل لك زميلتي المدرسة بكره انشاء الله و اذا قدرت برد عليش بكرة انشاء الله

**rattoga22** · 20-10-2002, 08:46 PM

احسن شي انك تنقعين الدشداشه بالماي وتحطين معاها مسحوق الغسيل لمده يوم كامل

**الصخري** · 21-10-2002, 09:21 AM

والله يختى بحد ذاته موضوعك مشكله واقول يفصله دشداشه جديده ولادوخت الراس لو تجمعين قيمة التنر والكورسين وغيرها من الحلول ليطلع عليك اكثر من قيمة الدشداشه وملابسه الداخليه بعد0

**ام كوثر** · 21-10-2002, 11:57 PM

السلام اختي هزياف
سألت لك زوجي و مدرسة الفن عندنا بالمدرسة وكان الجواب واحد

تستخدمين ثنر لتنظيف الاصباغ لكن ممكن ان يفتح اللون اشوي و اذا ما نظف في بعض المغسلات الكبيرة عندها تنظيف اصباغ مو اي مغسلة و انشاء الله تلاقين مغسلة في بلدك تنظفه

**هزياف** · 22-10-2002, 01:21 AM

اهلين00 مشكوره اختى رتوجه وبسوى بطريقتك00
اختى الصخرى ليش كذا قفلتيها مره وحده 00 الثوب مهوب رخيص وان كان فى شى بيطلعه نجرب ليش لا مو خسرانين الا اذا كان سعر الى بيطلعه اغلى هذا عاد شى ثانى00 نسال لعل وعسى0 اشكر لك ردك0
حبيبتى ام كوثر تسلمين والله يالغاليه وتعبتك معاى وان شاء الله فيه حل00
سلااام