مهم الى كل بنت في مصر

سلام عليكم ورحمه الله وبركاته

اولا كل عام وانت بخير وعام جديد سعيد عليكم ان شاء الله
انا مش هاطول عليكم وهاخش في الموضوع على طول عشان مبقاش رغايه عليكم كتير المهم دلوقتي انا شايفة بنات كتير عندها مواهب رائعه ماشاء الله عليكم والكل يقدر يعمل منتجات مختلفه كتير واكيد كتير منهم عنده المشكله اللي بتواجهني حاليا وهي مشكله التسويق اكيد فيه منكم كتير عنده موهبه وبيفكر يعمل مشروع صغير ومش عارف وممكن يكون بيعمل حاجات جميلة ومشروعه كله واقف على التسويق وفيه منكم يمكن يكون مش بيفكر في الموضوع اصلا بس عنده موهبة اتقان شغل حاجه معينة المهم انا بنادي بتجمع بنات مصر بالذات وطبعا من اي مكان اهلا بيهم بس بنات مصر لاننا نقدر نتواصل ونشوف بعض المهم انا عندي اقتراح ان اي واحده في مصر بتعمل اي حاجه اي منتج وبتسوقه بأي طريقة كانت سواء كان عندها محل او بتسوق بطريقتها الخاصة التسويق ده فعلا مهارة وموهبة من عند ربنا المهم اي بنت تكون بتسوق لنفسها اي حاجه تبتدي تاخد من البنات اللي عايزة تسوق وتاخد نسبة حسب الاتفاق على تسويقها للمنتجات وتبقى استفاده للجميع والفكرة دي مش جديده هيا اتنفذت فعلا ونجحت والجميع استفاد

يارب الاقي منكم تفاعل وانا اول واحده مستعده وعندي منتجي من الاكسسوارات وليه جروب على الفيس بوك بس مش هاكتب العنوان عشان يمكن يكون ممنوع ولا حاجه

وكل سنة وانتو طيبين وعام سعيد عليكم يارب

ايه ده معقول محدش عنده اهتمام بالموضوع ده خالص مش معقول مفيش حد عنده حاجه ولا فكر يعمل مشروع ومعرفش بسبب التسويق استنى شوية يمكن انا مستعجله كتبته الصبح

السلام عليكم ورحمة الله وبركاتةعندنا مينى مشروع كروشية كيف نتصل بك

أختى الغالية أشكرك على طرحك للموضوع وعلى حرصك لافادة الاخوات واحنا فى امس الحاجة لمثل هذه الافكار المفيدة ومن قبل عملنا جروب مع الاخت منار الاسلام فى ركن التجارة والتسوق فى منتدى لكِ الغالى . وارجو ان تقومى بطرح الموضوع فى ركن التجارة لتعم الافادة وممكن كمان تعرضى منتجاتك من خلال هذا الركن وانا اضم صوتى لصوتك ولدى الكثير من الافكار والموهبة الحمدلله وبعمل اكسسوار وتطريز واعمال سيراميك وياريت نتواصل مع بعض إن شاء الله.
بالتوفيق حبيبتى
وجزاكِ الله خيراً
أختك فى الله
poseecat

فكره جميله وربنا معاكم
على فكره انا من مصر من جنوب الصعيد وكان نفسى انضم معاكم لكن للاسف ...........
المهم ربنا معاكم

فكرة رائعه اختى بالتوفيق

الفكرة فعلا حلوة ااااااااااااااااااااوى و هى فعلا جاية على الجرح بس محتاجة دراسة جدوى خاصة لبعد المسافات بين المحافظات .......... أحنا مع بعض نفكر بصوت عالى ..... وعلى الله التوفيق

مش معقول فكره رائعه انا اول واحده حاشارك معاكم ياريت لما توصلوا لاى اتفاق تبلغونى علشان انا بعمل حاجات كتيرة جدا بالخرز وبالشبك البلاستيكى
وانا عندى اقتراح صغير لو ينفع فكروا فيه وهو عمل open dayكل واحده تجيب حاجتها وتقف على عرضها
بس لازم يكون فيه مكان متوفر ولواى مكان يخص حد معين يبقى له نسبه فى المبيعات حسب الاتفاق
ويا حبذا لو يكون قبل عيد الام
ولو الكل وافق والمكان اتوفر نبتدى نشوف ازاى نعلن عنه

اهلا اهلا اهلا بحبيباتي كلكم والله فرحتوني اوي ان الفكرة لاقت تشجيع ويارب تنفع والجميل انها اتنفذت فعلا وبالنسبة لاختي مايسة انا بموت في حاجه اسمها كروشية ونتواصل بالايميل لو تحبو angrycat_tigercat ده ايميلي على الياهو اي واحده تحب تضيفني اهلا وسهلا بيها واختي الجميلة بوسي كات اسمك قريب من اسمي واعمالك نفس اعمالي ويارب نعمل حاجه كلنا سوا انا كنت عارفه ومتاكده ان مننا كتير زيي كده بيعملو حاجات حلوة ماشاء الله عليهم بس ناقصنا التسويق وان شاء الله هاننجح سوا وحاضر هاحط الموضوع في ركن التجارة حالا

اختي بحر اجاج حتى لو من الصعيد وبتعملي اي منتج مش مشكله تقدري تشاركي برضو فيه شركات شحن بتشحن بين البلدان بس الحقيقه لسه معرفش عنها حاجه بس فيه امل لو بتعملي منتج معين متيأسيش

اختي ريري جزاكي الله كل خير على تشجيعنا ودعاكي لينا

اختي امامة محمد بالنسبة لبعد المسافات مش مشكلة مقدور عليها بس المهم نلاقي الحل زي ما بتقولي وفعلا انا طرحت الموضوع عشان نفكر بصوت عالي وكل واحد يقول فكره لحد ما نوصل لحل ان شاء الله يفيد الجميع

اختي العزيزة يارب الجنة امين متابعه مواضيعك وكان نفسي ابعتلك رساله خاصه مرة لكن معرفتش المهم فكرة الاوبن داي جميلة وفكرت فيها فعلا بس المشكلة برضو فييييين المكان هو ده اللي بندور عليه وجميل فعلا انك فكرتينا بعيد الام لو ربنا وفقنا فعلا وعملناها قبل عيد الام هاتكون روعه للكل

عموما اخواتي الحبيبات مازال النقاش مستمرا واي حد يوصل لحل او لحد بيسوق اي منتج بأي طريقة يدلنا عليه وهانقل الموضوع لركن التجارة حالا لعل وعسى تكون تاجرات مصر موجوده ونتعاون كلنا سوا

كل عام وانتم بخير وسعاده وصحة رزق حلال ان شاء الله

أهلا فيك أختنا
بصراحة الفكرة محمسة جدأ لكل واحدة نفسها شغلها يطلع للنور
أحنا محتاجين نفكر بصوت عالى مع بعض
1- أحنا مجموعة من أماكن مختلفة محتاجين نتجمع وده هيتطلب من كل واحدة هتشترك فعلا أن توضح مكان المحافظة بتعتها وممكن لو طلع مثلا ان فى مجموعة من محافظة واحدة يتجمعوا بطريقتهم ويعملوا رابطة ليهم ويعينوا للرابطة رئيسه لها أو نقول تبقى المتحدث الرسمى لهذه الرابطة بحيث أن يكون متوفر لنا مجموعة من المتحدثين الرسميين يكونوا هما وصلة الربط فيما بينناوواضح ان محافظات معينة هى اللى هتتواجد

2- وده هيتطلب توافر شرط مهم جداااااااااااااااا وهو توافر روح الفريق لكل مشتركة

عند تحقق الشرطين يتهيئلى العملية هتكون قربت شوية

على العموم بطرح الرأى على الجميع وشوفوا ونتقابل تانى