مرحبا اخواتي بمنتدى لك ولي ايضا
يسعد اوقاتكم
اليكم طريقة عمل مفرش من خرز اللولو
المطلوب لولو ( انا اخترت حجم نمره 3 وسط ) بكرة خيط نايلون رفيع
بنقص خيط نايلون شي متر مو اكتر وبندخل فيه 6 حبات لولو
بندخل طرف الخيط من الجهه التانيه داخل اول حبة بالعكس مو في خيط طالع بندخل التاني من نفس المكان وبنشد شوي بيصير عندي شكل دائري
متل هيك
هلأ عنا طرف طويل علشان نشتغل فيه وطرف قصير هاد الطرف حنربطه ونثبته ما اله شغل
واضح لغاية هلأ؟
اوكي نكمل
بندخل بالخيط 5 حبات لولو وبالسادسه اللي بالدائره بندخل الخيط بس من الجهه التانيه يعني المعاكسه
وبنطلع الخيط من الحبه واللي جنبها كمان
هلأ 4 حبات لولو بنعبي الخيط لأنه في 2 مشتركين معنا من الأساس فيصير العدد برضه 6 وشوفوا من وين حندخل الخيط ونخرجه
هلأ حنختم الدور الأول بدنا 3 حبات بس حيكون واضح معك من خلال الشغل هاد اللي بنحتاجه بس
شايفه الخيط وين؟ بندخله بالحبتين اللي قدام منه علشان نوصل الزاويه ونبدا دور جديد
هون بندخل 5 حبات لولو والسادسه موجوده مع الاصل
هاي الخطوه بدها 3 حبات لولو بتمنى تدققوا بالصوره يمكن ما اعرف ازبط شرحها وبندخل الخيط من المقابل ب3 حبات وبنخرجه بعد 2 حبه
وكل زاويه بدها 4 حبات وبالنص 3 حبات والختمه شيت الدور بتبان قديش بدها لحالها شوفوا!!!!!
شايفين بدها حبتين بس بندخلهم وبشكل دائري وبنخرج الخيط من الحبه اللي عالزاويه وهيك بيستمر الشغل لغاية المقاس اللي انتي حاببتيه يعني بتكبريه قد ما بدك وبيطلع الشكل سداسي
المربعات اسهل ان شاء الله ببقى اعمله واصوره
نسيت شغله وهي لما يخلص الخيط وبدنا خيط تاني شو بنعمل بندخل الخيط بالحبات للاسفل وبنربطه وبنجيب خيط جديد وبندخله من الحبات اللي حتكون معنا شكل سداسي صغير وبنزله للاسفل وبنعقده مع الاول وبنثبت مزبوط وبنقص ولأكيد التثبيت بنحرق اطرافه بالولاعه او القداحه بس ديري بالك مو للآخر عشان ما يفك الشغل ويروح تعبك ضيعان
وهاد الشكل النهائي معلش مصغر بس هيك بيكون
ان شاء الله واضح وسهل؟؟؟؟؟؟؟؟؟؟ يا رب بتمنى هالشي وبتمنى اشوف تطبيقاتكم عليه
سلام
الروابط المفضلة