ذكر الله بطريقه جميله ومميزه
السلام عليكم و رحمة الله و بركاته
اخواني و خواتي انا فكرت بطريقه حلوه نذكر فيها الله لان التغيير حلو
الطريقه الاولى - اتييبون اوراق نفس اللي بالصوره و تكتبون عليهم مثلا (سبحان الله ملئ الميزان و منتهى العلم و مبلغ الرضا و زنة العرش)و الورقه منها و فيها صمغ خفيف فتحطون ورقه عند باب غرفة كل واحد من اهل البيت حتى غرفة الام و الابو عشان اذا بدشون او يطلعون يقرونها و كل يوم كتبو كلام غير و هالطريقه حلو انكم تسوونها كل يوم لانها بسيطه و ماتكلف
الطريقه الثانيه انكم تسوون كيك نفس الصوره يكون قطع و تكتبون بالككاو العصار على كل كيكه اسم من اسماء الله الحسنى او سبحان الله و بحمده يعني كلمه بسيطه و صغيره و هالطريقه بسيطه بامكانكم تسوونها كل يوم او يوم و ترك
الطريقه الثالثه انكم تشترون ككاو مثل اللي بالصوره اللي يكون قطع صغار و تغلفونه و داخل الغلاف تكتبون دعاء صغير او اسماء الله الحسنى طبعا مو كل الاسماء لانه مايكفياو تحطونه بجيس(كيس)صغير مال هدايا (نفس اللي بالصوره اللي لونه وردي) و تحطون داخله كرت صغير او ورقه صغيره فيه دعاء او حديث حلو انكم تسوون هالحركه بين فتره و الثانيه يعني على الاقل بالاسبوع 3 مرات
و اذا عندكم افكار اتمنى انكم تكتبونها عشان كلنا نستفيد من بعض و اشكركم لانكم عطيتوني من وقتكم
رد مع الاستدلال
السلام عليكم
كتبت بواسطة poseecat
الروابط المفضلة