~~~الإكلــــيـــــل للإطفال ~~~ بالصور
بسم الله الرحمن الرحيم
حيا الله الجميع
اليوم جايبة لك شي مسويته بيدي يفك زنقه بس موب اي زنقه لا زنقه خاصه
شوفوا ياوخياتي لو كنتي معزومه على عرس وكانت البطاقه موب مكتوب عليه ممنوع اصطحاب الأطفال او على قولة بعض المؤدبين نتمنى لأطفالكم نوما هادئا<<<يقالك موب قايلين ممنوع
المهم إذا عندك بنت او اخت او بنت اخت او بنت اخو او بنت خاله او بنت خالتك او بنت عمك او بنت عمتك او حتى لو كانت بنت رجلك<<<<ايه طيب
اقولكم عندكم بنات وعندكم مناسبة كبيره مثل عرس او حفلة نجاح او حتى حفل امهات لطالباتك<<<<عاد هذي اساس فكرتي
المهم الفستان وشريتيه وبحلتي بشعر بنتك مليتي من الربطه ومليتي من المغيطات
والشباصات طقت كبدك منها وكل من هب ودب يحطها وتبين شي يميز بنتك من بين البنات !!!!
عندي الحل
اليوم جابة لكم عمل بسيط وخامات بسيطه ولا ياخذ وقت
العمل هو
~~الإكلـــيـــل~~
الأدوات:
زي منتوب شايفين هذي كل الأدوات
وبالنسبة للبلاستك إذا انتي مزنوقه وعندك كل الأغراض إلا البلاستيك تقدرين تستبدلينه بشي ثاني
زي منتوب شايفين العلاقه بقدرة قادر صارت حلقه<<<عز الله خلصن علاقاتكم
على فكره ترا انا اكره الوقوف امام الصعبات احب احل المشاكل باي طريقه ولا احب كلمة ماعرف او ماقدر او ماعندي لاااااااااازم القى حل باي طريقه
عاد ذا العلاقه فكيتها وقصيت اطرافها بزراديه وخليتها حلقه بحجم راس البنت
الخطوة الثانيه:
لصقي أطراف البلاستيك بشريطه او لصيق
الخطوة الثالثة:
غطي الحلقه بالشريط الفضي بلفه على الحلقه ومن ثم تصميغ طرفه بالصمغ الحراري
الخطوه الرابعه:
جيبي الورد ولفي عصاه على الحلقه
الخطوه الخامسه
تقريبا الإكليل صار جاهز بس باقي خطوه وحده وهي ميب مهمه دايم بس بهالنوع هذا بالذات من الورود يحتاج لأن بنتك بتقول آآآآآآآآآي يمعط شعري فلذلك قومي بالخطوة الأخيره وهي كالتالي
ضعي الشريطه على الحلقه لكن من الداخل وصمغيه بالصمغ الحراري حتى يغطي اطراف الورد ويمنعه من تنتيش شعر بنتك
وهذا الشكل النهائي
على فكرة ترا العمل يستغرق 10 دقائق فقط لاغير
وهذا على راس بنت اختي
طبعا انا كل سنه اسوي لي مجموعه اكاليل بس لطالباتي يلبسونهن بحفل الأمهات فهذا كان حق هالسنه
وهذا حق العام
وهذا حق قبل العام
وهذا سويته لاختي ولبنات اختي بمناسبة زواج خالي
هالصوره من ورا
وبس وبس وبس
اتمنى انه يعجبكم ويعجب بنياتكم
هههههههههههههواللي تبي اسوي لها ماعندي مانع بس بشرط تصير بنت جيرانا عشان ماعندي احد يوصل لها
دوروا عليه باالأول ربي يسعدها
الموضوع ملطوووش بعد الإستإذان من صاحبته
للفـــــــــائده ياحلوين
رد مع الاستدلال
الروابط المفضلة