يا بنات مصر حشوة اللحاف الفيبر اجيبها من فين

**سحورره** · 17-06-2007, 01:11 AM

السلام عليكم ورحمة الله وبركاته
انا عندي لحاف فيبر بس بخاف افرشه كتير علشان ميتبهدلش
من مدة شفت برنامج مارثا ستيورات وهي بتلبس لحاف في الكسوة بتاعته يعني بيبقى الحشوة الفايبر وحدها واحنا مع كل ملاية نخيطله كسوة علشان تبقى الألوان متجددة مع كل ملاية وعلشان نحافظ على الحشوة من الغسيل كل شوية
يا ريت الي تعرف من مصر ممكن اشتري الحشوة الداخلية الجاهزة من فين ترد عليا ضروري
جزاكم الله خير

**دعوة للتفاؤل** · 17-06-2007, 02:27 AM

اعتقد تسالي عليها عند بتوع الخردوات والكلف

وكمان بتوع ادوات خياطه الستائر والتنجيد

**دعـاء** · 17-06-2007, 02:53 AM

السلام عليكم ورحمة الله وبركاته
أنا مش فاهمة تقصدى بس انا فهمت انك عايزة الفيبر اللى جوة اللحاف صح ولا غلط؟
لو فعلاً دة قصدك يبقى ممكن من عند المنجد العادى لأن المناجدين دلوقتى ممكن تطلبى ينجدلك بالقطن او الفيبر عادى فأكيد حيكون عندة فيبر ممكن تشترية , وكمان ممكن تسألى محلات اللى بتبيع المفروشات ولوازم التنجيد
أتمنى انى أكون قدرت افيدك.

**دعـاء** · 17-06-2007, 03:02 AM

السلام عليكم ورحمة الله وبركاته
أنا مش فاهمة تقصدى بس انا فهمت انك عايزة الفيبر اللى جوة اللحاف صح ولا غلط؟
لو فعلاً دة قصدك يبقى ممكن من عند المنجد العادى لأن المناجدين دلوقتى ممكن تطلبى ينجدلك بالقطن او الفيبر عادى فأكيد حيكون عندة فيبر ممكن تشترية , وكمان ممكن تسألى محلات اللى بتبيع المفروشات ولوازم التنجيد
أتمنى انى أكون قدرت افيدك.

**samara19842004** · 17-06-2007, 03:44 AM

انا قرات سؤالك وعندى فكره عن الفيبر تشتريه منين ويكون رخيص لو اشترتيه من المنجد هيبعهولك غالى انتى انزلى منطه الازهر هيه بالقرب من العتبه او بالظبط تقع ما بين العتبه والحسين هناك هتلاقى كل حاجه تحتاجيها وكمان اذا كنتى بتحبى الشغل اليدوى هتلاقى هناك حاجات سهله جدا ممكن تعمليها بنفسك ويارب اكون افدتك ,,,,,,,,,,,,,,,,,,,,,,,,,,, مريم احمد

**bonbona31** · 18-06-2007, 02:24 PM

انت منين من مصر انا اعرف مكانه بس مش في القاهره لو انت من القاهره ممكت اسالك بس قوليلي انت منين

**miss rose** · 21-06-2007, 01:14 AM

الفيبر موجود فى شارع المناصرة متفرع من شارع بورسعيد قبل تقاطع شارع الازهر مع شارع بورسعيد ......اى سؤال عن الحاف الفيبر طريقة عملة او كسوتة انا مستعدة للمساعدة حددى سؤالك وانا فى الخدمة