السلام عليكم كيف حالكم يا حلوات ايش اخباركم ياللا ابي اليوم شوية همة لانه شغلنا جميل جدا ويبي ايادي حلوة زي اياديكن الناعمة
ببدا بسم الله
اولا بوريكم الصورة يمكن تكونو شفتوها من قبل في اعمالي الاولة واليوم بسويها لكم بالتفصيل

هذي يا حبايبي بقمة السهولة والبساطة برغم شكلها اللي يعقد وهي اولوحدة سويتها ولسة ما خلصت اسوي البقية وازينها عشان اجيبها لكم
المهم نرجع لشغلنا الجميل اللي كل ما اتفننتي بتزيينه بالاخير كلما طلع قمة في الروعة
الادوات:
اولا جيبي ما هو مطلوب منك في الصورة ادناه وتابعي بالصور وشوفي النهاية الحلوة

طيب حبايبي الان نجي لل
الطريقة:
حطي الغرا على قطعة الكرتون من الجهة الاولى وحاولي توازنيها عند وضعها بوسط الجريدة ولازم تكون الجريدة اكبر من الكرتونة ولا تقولو ليش لانكم بتعرفو بعد شوي لا تستعجلو وبعد ما تقلبوها على الوجه اللي سوينا فيها الغرا نسوي في الوجه الثاني كمان غرا ونسوي على الجريدة كامل زي ما هو موجود بالصور


بعد كذا يا حبايبي جيبي كرتونة المناديل الرول او كرتونة تجي وسط لفة القماش المهم وتقطعيها حسب عرض الكرتونة وتعملي عليها غرا خشبي ثقيل يمكن الصورة اوضح

وتحطيها على طرف الجريدة الطيل والف لف حلزوني لين ما اوصل لطرف الكرتونة عرفتو ايش الحكمة من ان الجريدة تكون اطول من الكرتونة ؟؟
وشوفو شكلهم بعد ما نلفهم

وبعدين تجيبو ورق مزموم (مكرمش) زي ما علمتكم كيف المرة الاولى يعني ورق ميت من الزم عشان نقدر نتحكم في تشكيله
ونحط عليه غرا خشب مخفف بما ويكون العمل زي ما قلنا من اول بالطق مش بالسحب عشان ما ينقطع الورق اوك
من بعدها تحاولي تفكي بخفة شوي من تحت الرول اللي لفيناه عشان نثبت الورقة حقتنا وتحاولي تكرمشيه بحيث انه ما يطلع من الحواف ولا ينقص منها ومش مشكلة لو كانت قصيرة الورقة خذي ورقة ثانية وواصلي العمل لتحت الرول الثاني اتمنى تكون وصلت الفكرة لاني ما صورتها لانه لازم تضهر يدي وانا اشتغل عليها فما صورتها
ونخليها لين ما تنشف تمام بنلاحظ ان الورقة اللي حطيناها من فوق وكرمشناها صارت حجر نوعا ما
ناخذ المناديل وكمان مثل ما سوينا بعلبة المناديل في الجزء الاول نسوي هنا ما نخلي ولا مكان فارغ الا ونحاول نحشيه بالمناديل مو حشو شوفو الجزء الاول بتعرفو كيف وانتبهو تخلو فراغات بالمناديل لازم تفرغوها كلها بالضغط عليها بالفرشاه وتصير مثل هالصورة بعد المناديل

وبعدين اخيرا يجي البخ باللون اللي تحبيه انا هنا اخترت البني مع الاسود والذهبي عشان تبان عتيقة وقديمة وتزينيها بالورود والاشكال اللي تحبيها مثل الصورة السابقة
وفي طريقة ثانية ما يسوو الورق المكرمش بعد ما يبخوها يسوو عليها اايات قرانية يقصو حشوها ويبخو عليها عشان تطلع الكتابة على الورقة العتيقة حقنا ونزين بالاخير بشوية ورود على طرفها سواء طبيعية او صناعية انا استخدمت في الصورة الاولة الصنفين
وهذا علمي ولا جاكم شر واي استفسار اختكم تحت امركم

سامحوني اي شي يتعلق بعلقه على دولابي فرحانه به ههههههههههههههههههههههههه
ان شا الله تكون اعمالي عجبتكم وما هو ات فهو اجمل يالله وروني شطارتكم اعمال بمنتهى السهولة

ماشاء الله عليكي عيوني ربنا يبارك فيك وفي أعمالك
صراحة أفكار روعة والمواد موجودة بس ربنا حباكي بالإبداع ربنا يحفظك ويحميكي

تسلمييييييييييييييييييييي تمغارت الله يحفظك دائما انتي من متابعيني ان شا الله تكوني استفدتي

أكيد إستفدت وبعد إذنك أنا محتفظة بالطريقة في ملف لأجل أرجع لها
ربنا يحفظك ويحميكي

الملف كله تحت امرك وربنا يسعدك يارب

ماشاء الله عليكى انتى مبدعة تسلم ايدك حبيبتى

وش ذا وش ذا رفعتي راسي يابنت بلدي من وين تجيبي هالافكار والشغل الحلو

شغل جميل تسلمي وشرح واضح شكرا على مجهودك

رووووووووووووعه
بارك الله فيكي