مرحبا حبيباتي اليوم بعطيكم طريقة مررررررررررررة حلوة لاستغلال ورق التصوير اللي ما عدتم تستفيدومنه بالذات اللي يدرسو بالجامعات واللي يشتغلو بمكاتب وفيها ملازم واوراق حسابات انتبهو لا ترموها ولمو كل ورقة ولو كانت معطفة وخربانة وشوفي لما امك او مدير المكتب وهم راضيين عنك
المهم تعالو نشوف الطريقة كيف؛؛
اوراق التصوير التالفة
غرا خشبي وفرشاة بويا صغيرة
بالونه
كيس بلاستيكي
مشرط
مناديل (فاين_كلينكس)
بخاخات الوانهم على حسب ذوقك
يلا نبدا العمل:
هاتي البالونة وانفخيها على حسب حجم السلة اللي تحبيها
وحطيها جوا الكيس البلا ستيكي وارطي الكيس عليها
الان خذي الاوراق و(لعبزيهم باليمني خخخخخخخ) يعني تخليهم مثل الثوب اللي له سنين مدفون ومو مكوي يعني تخلي الورقة ميتة من كثر ما لعبزتيها بيدك واللعبزة الحلوة والمريحة تكون بالبدابة من راسها لين نهايتها وبعدين تفرديها وتلعبزي من الجنب للجنب الثاني وانتبهي تقطعيها وتستمري على هذا المنوال لما تخلصي مجموعة ورق كثيرة ( انا كنت اخلي كل عايلتي تساعدني فيها)ههههههه
المهم تاخذي الغرا الخشبي وتخففيه لكل ملعقة كبيرة غرا كوب ماء وتاخذي الفرشاة وتخلطيه عشان يداخل المي بالغراوتبداي تحطي على كل الورقة اللي لعبزتيها من جهة واحدة وتاخذيها وتحطيها على البالون واستمري بهذا الشغل الين ما تخلصي 15 طبقة حول البالون وحيكون شكلها زي البيضة
خليها لليوم الثاني عشان تنشف وجيبي المشرط وابداي بقطع البالون من راسها حتى منتصفها وممكن تقطعيه بشكل نصف دائري او مثلث او اي شكل يجي على بالك وكملي بعدين من الجهة الثانية لانه هذا حيكون الماسك للسلة والان تعالي من الوسط واقطعيه بالشكل اللي انتي تحبيه او نفس التقطيعة حقت الماسك وانتبهي تطيش ايدك وتقطعي الماسك لان القطع حيكون الان من الوسط اللي اتوقفنا عنده في قطع المسك والقطع حيكون بالعرض الين ما تخلصي تشيلي القطع الزايدة وانتبهي ترميهم لانك حتستفيدي منهم
الان شيلي البالونة المفقوعة لانها حتنفقع اول ما تدخلي المشرط وشيلي الكيس
هاتي الكلنكس وابداي بتغليف السلة كامل بيه باخذ كل ورقة كلنكس و ووضعها على السلة و تغمريها بالغرا اللي سويناه وهذي العملية لتغطية عيوب السلة و عيوب التقطيع وتعملي عليها خمس طبقات من الكلينكس والغرا وخليها تنشف لليوم الثاني
الان صارت جاهزة بس باقي عليكي تبخيها بالالون اللي تحبيها وممكن تزينيها بورود على اطرافها او اطراف الماسك مع شرايط حلوة من ذوقك وقدمي لضيوفك فيها احلةى ضيافة
اما البقية اللي بقيت لنا اترقبو عملنا فيها في المرة الجاية ان شا الله
وسامحوني لاني طولت عليكم
ولا تنسوني من صالح دعاكم
نوسة الحلوة
الروابط المفضلة