المطبخ هو اكثر مكان تقضي فيه ست البيت وقتها من تحضير طعام وتنظيف وغيره

وعلشان افتح نفس ست البيت للعمل في المطبخ جبت لها شويه افكار علشان اغير شويه من شكل المطبخ وتقدر تجهز وتنظف وهي مستمتعه بالاشياء الموجوده فيه

الأدوات

· أي غرض في مطبخك لا تستعمليه أو تردين الاستغناء عنه
· ورد اونباتات مجففه أو صناعية أو بعض البقوليات او مكرونات او .....

هيا تعالي معايا نشوف ايش نقدر نعمل في مطبخك علشان نخليه منور ويفتح النفس للطبخ

عندك ابريق شاي مكسور لاترميه تعالي شوفي ايش نعمل فيه

نسقيه بالورد وبعض الدببة وضعيه في رف المطبخ

ايش عندك كمان طاوه (مقلاه) قديمه
ايش رأيك لو وضعنا مفرش في قلب الطاوة وزيناها بالكلفه والورد ثم نسقناها بالنباتات المجففه وعملنا عش ووضعنا عصفور فيه وعلاقناه على جدار المطبخ فكره جديده صح

شوفي في الدرج عندك نشابه خشب( فراده ) مهجوره راحت عليها ياحرام بعد فرادات الكهرباء والفرادات البلاستك تعالي نوسع الدرج وننسقها ونعلقها في المطبخ

شوفي نسقتها باشكال مختلفه من المكرونه

عندك ملاعق خشب كثيره في الدرج هاتي واحده خلينا ننسقها ونزين بها المطبخ

شفتى ايش سويت حطيت غراء في قلب الملعقه على شكل قلب ولصقت عدس عليه وزينته كمان بالحمص وحطيت دب على الطرف الثاني من الملعقه

شوفي ايش كمان في الدرج في شوكه وملعقة يتيمتين ضاعوا باقي الطقم حقهم ولا يزعلوا تعالي نزين بهما رف المطبخ

حطي الشوكة والملعقة على بعض واربطيها بشريطه وزينيها

وسله العيش (خبز) حرام نخليها كده كمان نزينها
و سله الفواكه لاتنسي تزينيها كمان

ووووووووووو ايش في كمان

ساعه المطبخ هاتيها خلينا نغير شكلها شويه
فكي الغطا الزجاج ولبسي القاعده بورق التجليد وبدل الارقام حطي عدس او حمص اومكرونه وزينيها من الخارج
ايش رأيك شكلها طلع جنان

كنت راح انسى البرطمانات مطابخنا مليانه برطمانات تعالي نعمل عليها شويه حركات ونغير شكلها
ممكن تزينى البرطمان وممكن تزينى غطا البرطمان

انا عارفه ايش قاعدين تقولوا
(ياعينى عليكي يارنو والله حركات فتحتى نفسنا )

ودحين ياحلوه روحي سوي الاكل لابو العيال علشان مايزعل عليا ويقول جات رنا وضيعت وقتك في التنسسيق ونسيتى الاكل( حرام عليكي انا جيعان )
انا ابغى ابو العيال يدعي ليا علشان فتحت نفسك للطبخ مو يدعي عليا