طريقة الديكوباج سهله جدا
ونتايجها وايد حلوه
وهي سريعه
وموادها متوفره وتلقينها بسهوله ورخيصه
وممكن تعملينها على اي سطح كان بس بشرط يكون املس
اول شي نحضر ادوات الديكوباج وهي :
مناديل ورقيه عليها رسومات : وهي مناديل الطاوله مثل الكلينكس لكن حجمها اكبر وييها رسومات حلوه
ورنيش : انا شريت ورنيش بخاخ .. وفي ورنيش سائل ممكن تشترينه
الغراء : وهو غراء الخشب الابيض يخفف بالقليل من الماء
اعواد القطن
جليتر بودر
وطبعا مقص لقص الرسومات من على المناديل
وصحن شفاف
وفرشة رسم صغيره
الطريقه :
نضع الصحن بالمقلوب على اي شي مرتفع ... ونقص الورد من على المناديل ... ونجهز كل ادواتنا
نضع القليل من الغراء المخفف على الصحن ثم نثبت عليه وردة المنديل ...ونحركها بخفه بالاصابع او بالفرشه ... ثم ندهنها بالغرا مره ثانيه .... لون الغراء بعد ما ينشف ماراح يبين يعني لاتخافون من استخدامه على الصوره
وبعد ما ينشف الغراء ويثبت ... ننظف زوائد الغراء ببل اعواد القطن بالماء ... وراح تنظف بسهوله
بالاخر نرش الورنيش على الورد وبالوسط وقبل لا ينشف نضع الجليتر حتى يثبت ... وبعد ما ينشف نرش بخاخ الورنيش مره اخرى حتى يثبت اكثر
وبالنهايه راح يعطيني هذا الشكل
واتمنى ان هالتجربه تعجبكم
رد مع الاستدلال
الروابط المفضلة